ជំពូក 8៖ ព័ត៌មានស្តីពីវិន័យរបស់សិស្សដែលមានពិការភាព

(8.1) តើកូនរបស់ខ្ញុំដែលមានពិការភាពត្រូវ​បានច្បាប់​ធ្វើការ​ពិចារណា​យ៉ាង​ជាក់លាក់​ដូចកុមារ​ដែលមិន​មាន​ពិការភាពដែរឬទេ ប្រសិន​បើ​គាត់​​ត្រូវបានផ្អាក ឬបណ្តេញចេញ?

កុមារដែលមានពិការភាព អាចទទួលការដាក់វិន័យ (ផ្អាក ឬបណ្តេញចេញ) ក្នុង​ហេតុផល​​ដូចគ្នា​ និង​ក្នុង​កម្រិត​មួយ​ដូចគ្នាទៅនឹង​កុមារ​ដែល​គ្មាន​ពិការភាព​ដែរ។ ប៉ុន្ដែមានវិធាន និងការការពារបន្ថែមមួយចំនួន​ដែលសាលាត្រូវអនុវត្តតាម។ វិធាន​ទាំងនេះ មាន​គោលបំណងចម្បងដើម្បី​​ធានាថា​សាលា​ ត្រូវ​គិតពិចារណា​ទៅលើពិការភាព​របស់​កូន​អ្នក​​ទៅ​តាម​ដំណាក់កាលផ្សេងៗនៃវិធានការ​​វិន័យ។ វិធាន​ទាំងនេះរួមមាន៖

1. ការកំណត់ការសម្តែង​ឲ្យឃើញនូវ​អាកប្បកិរិយា​​៖  ការត្រួត​ពិនិត្យ   ពិសេ​​សដែលពិនិត្យមើល​ថាតើពិការភាពរបស់កូនអ្នក ឬការខកខាន របស់សាលាក្នុងការអនុវត្តតាមកម្មវិធី IEP របស់គាត់នាំឲ្យមានការ ប្រព្រឹត្ត​​ខុស​ដែលកូនរបស់​អ្នកបាន​ប្រព្រឹត្ត​តាម​ការ​ចោទប្រកាន់​។
2. ស្ថានភាព​ពិសេសសម្រាប់បទល្មើសដែលពាក់ព័ន្ធនឹងអាវុធ គ្រឿងញៀន និង​របួសរូបរាងកាយធ្ងន់ធ្ងរ។
3. វិន័យរបស់កុមារដែលមានពិការភាព ប៉ុន្តែ​មិនទាន់បានកំណត់ថាមាន សិទ្ធិទទួលបានកម្មវិធី IEP និង
4. វិន័យរបស់កុមារដែលមាន​ពិការភាព​ដែលមានសិទ្ធិទទួលបានផែន កា​រផ្នែ​ក 504។

ការការពារសុវត្ថិ​ភាព​ពិសេសទាំងនេះ ក្នុងករណី​ពួកវាមាន​ជាប់ពាក់ព័ន្ធ​នឹង​របៀប​ក្នុងការ​ការពារ​កូន​អ្នកដែលមានពិការភាព ទាំងនៅក្រោមកម្មវិធី IDEA និងផ្នែក 504។ សូមមើលសំណួរទី 7 ដល់ទី 20។

(8.2) តើអាកប្បកិរិយាអ្វីខ្លះដែលអាចធ្វើឲ្យសិស្សទាំង​នៅក្នុងការ​អប់រំ​ធម្មតា និងការ​អប់រំពិសេស ត្រូវបាន​ផ្អាក ឬ​បណ្តេញ​ចេញ?

សិស្សដែលមានពិការភាព អាចត្រូវបានផ្អាកសម្រាប់ការ​ប្រព្រឹត្តិខុសនៅ​ក្នុង​ចំណុ​​​ច​ណាមួយ​ដូច​​ខាងក្រោម​ដែល​នឹងអនុវត្តលើសិស្សទាំងអស់ ទោះ​បីការ​ប្រព្រឹ​ត្តខុសនោះ​ គឺ​សម្តែង​ឲ្យឃើញពីពិការភាព​របស់កុមារ​ក៏​ដោយ​។ ការផ្អាក ឬ     បណ្តេញចេញសម្រាប់សកម្មភាពទាំង​នេះ​ណាមួយ ត្រូវតែមានពាក់ព័ន្ធ​ទៅនឹង​សកម្មភាព ឬវត្ត​មាន​​នៅសាលា​រៀន​។ នេះរាប់បញ្ចូលទាំងការប្រព្រឹត្តខុស​ដែល​កើតឡើងនៅបរិវេណសាលា ទាំងនៅពេលទៅសាលា ឬ​​​​ចេញពីសាលា អំ​ឡុង​ពេល​​អាហារថ្ងៃត្រង់ (ទោះ​នៅខាងក្នុង ឬខាងក្រៅបរិវេណសាលាក្តី​) អំ​ឡុង​ពេ​ល​​​​សកម្មភាព​ឧបត្ថម្ភដោយសាលា ឬនៅពេលទៅ ឬមក​ពីការចូលរួម​សកម្មភា​ព​ឧបត្ថម្ភដោយសាលា។ [Cal. Ed. Code Sec. 48900(s).] មូលដ្ឋាន​ដែល​អាច​អនុញ្ញា​តឲ្យអនុវត្ត​វិធានការវិន័យនៅក្រោមច្បាប់អប់រំរដ្ឋកាលីហ្វ័រញ៉ា (California Education Code) ផ្នែក 48900 គឺមានដូចតទៅ​៖

1. ការបង្ក​ ឬគំរាមកំហែងដល់​ការរងរបួសរាងកាយទៅលើ​បុគ្គលម្នាក់​ផ្សេ​ង​​ទៀត។
2. ការ​ប្រើប្រាស់​កម្លាំង ឬហិង្សាដោយចេតនា​ទៅលើនរណាម្នាក់ លើ​ក​លែ​​​​ង​តែក្នុងករណីការពារខ្លួន។
3. ការយក​កាំបិត កាំភ្លើង សារធាតុ​ផ្ទុះ ឬវត្ថុគ្រោះថ្នាក់ផ្សេងៗមកតាមខ្លួន​ដោ​យគ្មានការអនុញ្ញាត​ពីអាជ្ញាធរ​សាលារៀន​ ឬការ​ផ្គត់ផ្គង់វត្ថុទាំងនេះ​។
4. ការកាន់កាប់​ ការប្រើប្រាស់​ ការ​លក់ ឬការ​ផ្គត់ផ្គង់សារធាតុ​ដែលមាន​ការគ្រប់គ្រង​តឹងរ៉ឹង​ ភេសជ្ជៈ​មាន​​ជាតិអាល់កុល ឬគ្រឿងស្រវឹង​គ្រប់​ប្រភេ​ទដោយខុសច្បាប់ ឬស្ថិតក្រោមឥទ្ធិពលនៃសារធាតុញៀន​​ ភេសជ្ជៈ ឬ​សារធាតុ​ស្រវឹងផ្សេងៗ។
5. ការផ្តល់ ឬការ​ផ្គត់ផ្គង់សារជាតិ​ក្លែង​បន្លំ​ជាសារធាតុ​ដែលមាន​ការ​គ្រប់​គ្រ​ង​តឹងរ៉ឹង​ ភេសជ្ជៈមាន​ជាតិ​អាល់កុល ឬសារធាតុស្រវឹង។
6. ការ​ប្រព្រឹត្ត ឬការ​ប៉ុនប៉ងប្រព្រឹត្ត​អំពើប្លន់ ឬអំពើជំរិតទារប្រាក់។
7. ការ​បំផ្លាញ​ ឬការ​ប៉ុនប៉ងបំផ្លាញ​ទ្រព្យសម្បត្តិសាលា ឬទ្រព្យសម្បត្តិ ឯកជន។
8. ការលួច ឬការ​ប៉ុនប៉ងលួចទ្រព្យសម្បត្តិសាលារៀន ឬទ្រព្យសម្បត្តិ ឯកជន។
9. ការកាន់កាប់​ ឬប្រើប្រាស់ថ្នាំជក់ក្នុងរូបភាពមួយ​ដែលគ្មានការអនុញ្ញាត។
10. ប្រព្រឹត្តអំពើអាសអាភាស​ ឬការ​ចូលរួមក្នុងការប្រើប្រាស់ពាក្យប្រមាថ ឬ​ពាក្យសម្តី​ថោកទាប​ឥត​រាង​ចាល​​។
11. ការជួញដូរគ្រឿងញៀនដែលធ្វើដោយខ្លួនឯង។
12. ការ​រំខានដល់សកម្មភាពសាលា ឬ​ការ​មិន​គោរពអាជ្ញាធរសាលា​ដោយ​ចេតនា​។ សិស្សពី​ថ្នាក់មត្តេយ្យសិក្សា​ដល់ថ្នាក់ទី 3 មិនអាចមានការ​ផ្អាកការសិក្សា​ ដោយសារតែ​សកម្មភាពនេះទេ ហើយ​សិស្ស​ពី​ថ្នាក់​ មត្តេយ្យសិក្សា​ដល់ថ្នាក់ទី 12 មិនអាចមានការ​​ណែនាំឲ្យធ្វើការ​បណ្តេញ​ចេញទេ។ [Cal. Ed. Code Sec. 48900(k)(2)] ចាប់ផ្តើមពីថ្ងៃទី1 ខែកក្កដា ឆ្នាំ2020 ការហាមឃាត់​ចំពោះ​ការផ្អាកការសិក្សា​ដោយសារ​ការ​រឹង​ទទឹង​ដោយចេតនា នឹងពង្រីកបន្ថែមទៅដល់សិស្សថ្នាក់ទី 4 និងថ្នាក់ទី 5 សម្រាប់​​រយៈពេល 5 ឆ្នាំ ហើយវាក៏នឹងត្រូវអនុវត្តចំពោះសិស្សថ្នាក់ទី 6 ដល់ថ្នាក់ទី 8 ផងដែរ។ [Cal Ed. Code Sec. 48900(k).]
13. ការទទួលយកទ្រព្យសម្បត្តិដែលលួចពីសាលា ឬទ្រព្យសម្បត្តិ​ឯកជន​ដោយចេតនា។
14. ការយក​តាមខ្លួន​នូវ​កាំភ្លើងក្លែងក្លាយដែលមើលទៅដូចកាំ​ភ្លើង​ពិត​។
15. ការប្រព្រឹត្ត​ ឬការប៉ុនប៉ងប្រព្រឹត្ត​ការបំពារបំពាន​ផ្លូវភេទ និងការប្រព្រឹត្ត​ការ​រំលោភផ្លូវភេទ។
16. ការបៀតបៀន​ ការគំរាមកំហែង ឬការបំភិតបំភ័យ​ដល់សិស្ស​ដែល​ជា​សាក្សីនៅក្នុងនីតិវិធី​ដាក់​វិន័យ​របស់​សាលា។
17. ការ​ចូលរួមធ្វើបាប ឬការ​ប៉ុនប៉ងធ្វើបាប។ (ការធ្វើបាប រួមមាន​ការធ្វើ​ពិធីសាសនាដែលអាចបណ្តាលឲ្យមានគ្រោះថ្នាក់ដល់រាងកាយធ្ងន់ធ្ងរ ឬ​ធ្វើឲ្យអាប់ឱន ឬធ្វើឲ្យខូចកិត្ដិយសផ្ទាល់ខ្លួន)។
18. ការចូលរួមក្នុងការសម្លុត​ធ្វើបាប មិនថាដោយផ្ទាល់ ឬតាមប្រព័ន្ធ
19. អេឡិច​ត្រូ​និកនោះទេ​ (ឧទាហរណ៍ តាមអ៊ីម៉ែល សារជាអក្សរ​ ឬតាម​បណ្ដាញសង្គម) ។
20. ការចូលរួមក្នុងការបៀតបៀន​ផ្លូវភេទដែលជនរងគ្រោះជាមនុស្ស​ចេះគិ​ត​​​ពិចារណា​មាន​ភេទ​ដូចគ្នា ​អាច​ចាត់​ទុកថាមានលក្ខណៈធ្ងន់ធ្ងរ ឬខ្លាំង​ក្លា​រហូតដល់​ជះ​ឥទ្ធិពលអវិជ្ជមាន​ដល់លទ្ធផល​សិក្សារបស់ជន​រង​គ្រោះ ឬរហូតដល់​បង្កើតនូវបរិយាកាសអប់រំមួយដែល​បង្កការភ័យខ្លាច​ អរិភា​ព​​​ ឬភាព​អាក់​អន់ចិត្ត [Cal. Ed. Code Sec. 48900.2]។
21. ការបង្ក ការប៉ុនប៉ងបង្កការគំរាមកំហែង បង្កហេតុ ឬចូល​រួមក្នុង​អំពើហិ​ង្សា​​បង្កឡើង​ដោយ​ការ​ស្អប់ខ្ពើម​គ្នា​ ដែលអំពើទាំងនេះ​​ត្រូវ​បាន​កំណត់ថា​ជា​ការធ្វើឲ្យរបួស ឬការ​រំខាន​ដល់​ការអនុវត្ត​សិទ្ធិ​ស្រប​តាម​​រ​ដ្ឋ​ធម្មនុញ្ញ ឬ​សិទ្ធិស្របច្បាប់ណាមួយរបស់បុគ្គលណាម្នាក់ ដោយសារការ​​យល់​ឃើ​ញ​របស់​បុគ្គលណាម្នាក់​ទៅលើ​ពូជសាសន៍ ពណ៌សម្បុរ សាសនា វង្ស​ត្រកូ​​ល សញ្ជាតិ​ ជាតិ​កំណើត ពិការភាព ភេទ ឬទំនោរផ្លូវភេទ​ [Cal. Ed. Code Sec. 48900.3, Cal. Penal Code Secs. 422.6 & 422.55]។
22. ការចូលរួមដោយចេតនាក្នុងការបៀតបៀន​ ការគំរាមកំហែង ឬការ​បំភិត​បំភ័យ​ប្រឆាំង​ទៅនឹង​បុគ្គលិក​របស់​មណ្ឌលសិក្សាធិការ ឬសិស្ស ដែលមានលក្ខណៈធ្ងន់ធ្ងរគ្រប់គ្រាន់ រហូតដល់​មាន​ការរំខាន​ដល់​ថ្នាក់​រៀន ការ​បង្កើត​ឲ្យមានភាពចលាចលទូទៅ​ និងការ​រំលោភបំពាន​សិទ្ធិ​របស់សិស្ស ឬក្រុមការងារ​ ដោយបង្កើត​បរិយាកាសអប់រំដែលបង្កការ​ភ័យខ្លាច​ ឬអរិភាព​ [Cal. Ed.  Code Sec. 48900.4]។ និង

ការធ្វើការគំរាមកំហែងភេរវកម្មប្រឆាំងនឹងបុគ្គលិកសាលា ឬទ្រព្យ​សម្ប​ត្តិ​សាលា។ នេះរួមបញ្ចូលទាំងការអះអាង​បញ្ជាក់​ដោយ​ផ្ទាល់មាត់ ឬជា​លាយលក្ខណ៍អក្សរ​ណាមួយដែល​គំរាមកំហែង​ក្នុង​ការប្រព្រឹត្ត​បទ​ឧក្រិ​ដ្ឋ​ ដែលនឹងនាំមកនូវ​ការ​ស្លាប់បាត់បង់ជីវិត​ របួសរាងកាយធ្ងន់ធ្ងរ ឬ​ខូចខា​ត​​ទ្រព្យ​សម្បត្តិដែ​​លមានតម្លៃលើសពី 1000 ដុល្លារ។ [Cal. Ed. Code Sec. 48900.7.]

ការផ្អាក ឬបណ្តេញចេញសម្រាប់ទង្វើ​ទាំង​នេះ​ណាមួយ ត្រូវតែមានពាក់ព័ន្ធ​ទៅ​នឹង​សកម្មភាព ឬវត្ត​មាន​​នៅ​សាលា​រៀន​។ នេះរាប់​បញ្ចូលទាំង​ការប្រព្រឹត្ត​មិន​ត្រឹម​ត្រូវដែលកើតឡើងនៅក្នុង​បរិវេណសាលា ទាំងនៅពេលទៅសាលា ឬ​ពេល​​​ចេញពីសាលា អំ​ឡុងពេលអាហារថ្ងៃត្រង់ (ទោះ​នៅខាងក្នុង ឬខាងក្រៅបរិវេណ​សាលាក្តី​) អំ​ឡុងពេល​សកម្មភាព​ឧបត្ថម្ភដោយសាលា ឬនៅពេលទៅ ឬមក​ពី​សកម្មភាពឧបត្ថម្ភដោយសាលា។ [Cal. Ed. Code Sec. 48900(s).]

(8.3) តើមណ្ឌល​សិក្សាធិការអាច​ប្រើប្រាស់ជម្រើសផ្សេង​ទៀត​ដើម្បី​ផ្អាក ឬបណ្តេញចេញពីការសិក្សា​បាន​ដែរឬទេ​?

បាទ/ចាស​។ ការផ្អាកការសិក្សាអាច​មាន​ភាពសមស្របបាន​​ លុះត្រាតែ​នៅ​ពេល​ដែល​មធ្យោបាយការកែតម្រូវផ្សេងៗ ​មិន​​បាន​​​​នាំមកនូវកិរិយាមាយាទ​សម​រម្យ​តែប៉ុណ្ណោះ។  មធ្យោបាយនៃការកែតម្រូវផ្សេងទៀត រួមមានជាអាទិ៍​៖ កិច្ចប្រជុំ​រវាង​បុគ្គលិកសាលារៀន និងឪពុកម្តាយ ការ​បញ្ជូនបន្តការវាយតម្លៃផ្នែកអប់រំពិសេស និងវិធីសាស្រ្ត​គាំទ្រ​ផ្នែក​អាកប្បកិរិយា​វិជ្ជមាន​ដោយ​មាន​​អន្តរាគមន៍​​​តាមលំដាប់ថ្នាក់។  មណ្ឌលសិក្សាធិការ គប្បីប្រើ​ជម្រើសផ្សេងទៀតក្នុងការផ្អាក ឬបណ្តេញ ចេញ​ដើម្បីដោះស្រាយ​បញ្ហា​នៃ​ការ​គេច​​​មិនចូលរៀន ការមករៀនមិនទាន់ពេល និងអវត្តមានផ្សេង​ទៀតពីសកម្មភា​ព​​របស់សាលា។ [Cal. Ed. Code Sec. 48900(w).]

វាស្ថិតនៅ​ក្នុ​ងឆន្ទានុសិទ្ធិ​របស់នាយក​​គ្រប់គ្រងក្នុងការ​ប្រើប្រាស់​វិធីសាស្ត្រ​ផ្សេង​ជំនួស​ ដូចជាថ្នាក់​គ្រប់គ្រង​កំហឹងជំនួសឲ្យការផ្អាក ឬបណ្តេញចេញពីការសិក្សា​។ [Cal. Ed. Code Sec. 48900(v).] មណ្ឌលសិក្សាធិការ ក៏អាចអនុវត្តគោលការណ៍ ដែលផ្តល់សិទ្ធិអំណាច​ដល់គ្រូបង្រៀន​ដើម្បី​តម្រូវ​ឲ្យ​ឪពុក​ម្តាយ ឬអាណាព្យាបា​ល​របស់សិស្សដែលត្រូវបានផ្អាកការសិក្សា​នោះ​ ចូលរួមនៅ​ម៉ោង​ថ្ងៃ​​សិក្សា​ក្នុង​ថ្នាក់​រៀន​របស់កូន ឬអ្នក​ក្រោមអាណាព្យាបាលរបស់គាត់។  [Cal. Ed. Code Sec. 48900.1.]

(8.4) តើអាកប្បកិរិយាអ្វីខ្លះដែលតម្រូវឲ្យមណ្ឌលសិក្សាធិការ​ផ្តល់​ការ​ណែនាំ​ឲ្យបណ្តេញសិស្សម្នាក់​ចេញ?

ច្បាប់អប់រំរដ្ឋកាលីហ្វ័រញ៉ា ផ្នែក 48915 (a) តម្រូវឲ្យនាយកសាលា ឬនាយក​គ្រប់គ្រ​ង​ ផ្តល់ការណែនាំ​ឲ្យ​​បណ្តេញ​ចេញ ប្រសិនបើសិ​ស្សប្រព្រឹត្តិនូវ​សកម្មភា​ព​​​​​ដូចខាងក្រោម (លើកលែងតែ​គាត់​យល់​ឃើញ​ថា​ការ​បណ្តេញចេញនោះ​មិន​សមរម្យ ដោយសារស្ថានភាព​ជាក់លាក់ណាមួយ)៖

1. ការ​បង្កឲ្យមានរបួសរាងកាយធ្ងន់ធ្ងរដល់អ្នកដទៃ លើកលែងតែ​ក្នុង​ករណី​ការពារខ្លួន។
2. ការយកតាមខ្លួន​នូវ​កាំបិត សារធាតុ​ផ្ទុះគ្រប់ប្រភេទ ឬវត្ថុគ្រោះថ្នាក់​ផ្សេងទៀតដោយគ្មានការប្រើប្រាស់សមស្រប​។
3. ការកាន់កាប់​ដោយខុសច្បាប់នូវសារធាតុ​ដែលមានការគ្រប់គ្រងតឹងរ៉ឹង​។
4. ការប្លន់ ឬការចាប់ជំរិតទារប្រាក់ ឬ
5.  ការបំពារបំពាន ឬការវាយដំ​ទៅលើបុគ្គលិករបស់សាលាណាម្នាក់។

គណៈគ្រប់គ្រងសាលា អាចបញ្ជាឲ្យបណ្តេញ​សិស្សចេញ​ នៅពេល​រកឃើញថា​សិស្ស​បាន​​ប្រព្រឹត្ត​អំពើ​ណាមួយ​ដែល​បានរៀបរាប់ខាងលើ និងលទ្ធផល​ដែល​បាន​​រកឃើញថា៖

1.  មធ្យោបាយ​ការកែតម្រូវផ្សេងទៀត មិនអាចអនុវត្ត​បាន​ ឬមិនមាន​ដំណើរ​​ការ​ម្តងហើយម្តងទៀត ឬ
2.  វត្តមានរបស់សិស្សនោះ បណ្តា​លឲ្យមានគ្រោះថ្នាក់​ជាបន្តបន្ទាប់​ចំពោះសុវត្ថិភាពរាងកាយរបស់សិស្សនោះ ឬអ្នកដទៃ។

[Cal. Ed. Code Sec. 48915(b).]

លើសពីនេះ​ទៀត ច្បាប់អប់រំរដ្ឋកាលីហ្វ័រញ៉ា ផ្នែក 48915(c) តម្រូវឲ្យនាយកសា​លា​ ឬនាយកគ្រប់គ្រង​របស់​សាលា​​ធ្វើការ​ផ្អាកជាបន្ទាន់ និងផ្តល់ការណែនាំ​សម្រាប់​ការបណ្តេញ​សិស្ស​ដែល​ប្រព្រឹត្ត​អំពើ​ណាមួយ​ដូចខាង​ក្រោម៖

1.  ការ​កាន់កាប់​ ការ​លក់ ឬការ​ផ្គត់ផ្គង់កាំភ្លើង។
2. ការ​គ្រវីកាំបិតដាក់មនុស្សម្នាក់ផ្សេងទៀត។
3. ការ​លក់សារធាតុ​ដែល​មាន​​ការគ្រប់គ្រង​តឹងរ៉ឹង​។
4. កា​រប្រព្រឹត្ត ឬការ​ប៉ុនប៉ងបំពារបំពានផ្លូវភេទ និងការ​ប្រព្រឹត្តការរំលោភ លើ​ផ្លូវភេទ ឬ
5. មានសារធាតុ​ផ្ទុះ។

គណៈគ្រប់គ្រងសាលា ត្រូវតែបញ្ជាឲ្យបណ្តេញ​សិស្ស​ចេញ​នៅពេលរ​ក​ឃើញ​ថា​សិស្ស​បាន​ប្រព្រឹត្ត​អំពើទាំងនេះ​​ណាមួយ។ [Cal. Educ. Code Sec. 48915(d).] ទោះយ៉ាងណាក៏ដោយ​ ការផ្តល់ការបណ្តេញចេញ​ជាចាំបាច់នេះ ​មិនអាច​អនុវត្ត​លើសិស្ស​នៅក្នុង​ការ​អប់រំ​ពិសេស​​នោះទេ លើកលែងតែសិស្ស​ទទួលបាន​នូវ​ការការពារខាងនីតិវិធីសុវត្ថិភាព​ផ្នែក​នីតិវិធី និង​ការការពារ​សុវត្ថិភាព​សំខាន់ទាំង​អស់ដែលមានចែងក្នុងជំពូកនេះ ហើយបន្ទាប់​ពីការអនុវត្ត​ការការពារ​ទាំង​នោះ​ត្រូវ​បានគេរកឃើញថាមានលក្ខណៈគ្រប់គ្រាន់ក្នុងការបណ្តេញចេញ។

(8.5) តើខ្ញុំអាចរំពឹងនឹង​មានអ្វីកើត​ឡើង​ ប្រសិនបើកូនខ្ញុំត្រូវបាន​គេ​ផ្អាក​?

គ្រូម្នាក់អាចផ្អាកសិស្សរហូតដល់ពីរថ្ងៃ។ [Cal. Ed. Code Sec. 48910.]  នាយកសា​លា អាចផ្អាកសិស្សរហូតដល់ប្រាំថ្ងៃ។ [Cal. Ed. Code Sec. 48911.] តាម​រយៈការផ្អាកនានា​ ជាធម្មតាតែង​មានកិច្ចប្រជុំ​មួយ​នៅ​មុនពេលផ្អាក ​ដែល​មាន​​ការចូលរួម​ដោយ​នាយក​សាលា គ្រូ និងសិស្ស។ នៅក្នុងកិច្ច​ប្រជុំ​នោះ គេ​ប្រា​ប់​សិស្ស ​ថា​ហេតុអ្វី​បាន​ជា​គាត់​ត្រូវបាន​​ផ្អាក​ការសិក្សា ​និងមានភស្តុតាង​អ្វីខ្លះ​​ដែល​ប្រឆាំង​លើ​រូប​គាត់​ ហើយនឹង​ផ្តល់​​ឱកាស​ដើម្បី​ឲ្យគាត់បានបង្ហាញ​ពីការ​ប្រកស្រា​យ​​អំពី​ហេតុការណ៍ និងភស្តុតាងមួយចំនួន​នៅក្នុងការ​ការពារ​ខ្លួន​។ ច្បាប់មិន​បាន​តម្រូវ​ឲ្យសាលារង់ចាំឪពុកម្តាយមកដល់ដើម្បីរៀបចំ​កិច្ច​ប្រជុំ​មុនពេល​ផ្អាកការ​សិក្សា​នេះ​ទេ។ [Cal. Ed. Code Sec. 48911(b).] ប៉ុន្តែ សាលា​តម្រូវឲ្យ​ព្យាយាម​​សមស្រប​​ក្នុងការទាក់ទង​ទៅកាន់​ឪពុកម្តាយ​តាមទូរសព្ទ នៅពេល​មានការ​ផ្អាក​ការ​សិក្សា​នេះ។ [Cal. Ed. Code Sec. 48911(d).]

សិស្សអាចត្រូវបានផ្អាកការសិក្សា​ដោយមិនបាច់មានការ​ប្រជុំ​មុនពេល​ផ្អាកការ​សិក្សា​​នោះទេ​ ប្រសិន​បើ​នាយក​សាលាកំណត់ថាវាជាស្ថានភាពបន្ទាន់។ សា្ថន​​ភាព​បន្ទាន់ គឺពេល​ដែលមាន "គ្រោះថ្នាក់ជាក់ស្តែង" ដល់អាយុជីវិត សុវត្ថិភាព ឬសុខភាពរបស់សិស្ស ឬបុគ្គលិកសាលា។ [Cal. Ed. Code Sec. 48911​(c).] ប្រសិនបើមិនមានការរៀបចំ​កិច្ច​ប្រជុំ​នៅ​មុនពេលផ្អាកនោះទេ​ ដោយសា​រ​​តែ​ស្ថានភាពបន្ទាន់ណាមួយ​ ពេលនោះ​កិច្ច​ប្រជុំត្រូវតែរៀបចំ​ឡើង​ក្នុង​រយៈពេលពីរថ្ងៃនៃ​ថ្ងៃសិក្សា។ ទាំងឪពុកម្តាយ និងសិស្សត្រូវតែ​ទទួលបាន​ការ​ជួនដំណឹង​អំពីការប្រជុំនេះ ហើយសិស្សត្រូវតែទទួលបាន​ការ​អនុញ្ញាតិឲ្យ​ត្រលប់​ទៅកាន់​បរិវេណសាលារៀន​វិញដើម្បីចូលរួម។ [Cal. Ed. Code Sec. 48911(c).]

អ្នកក៏​ត្រូវតែ​ទទួលបានដំណឹងជា​លាយលក្ខណ៍​អក្សរអំពីការព្យួរ​ការសិក្សា​នោះ​ផង​​ដែរ។ [Cal. Ed. Code Sec. 48911(d).] ការ​ជូនដំណឹងជាលាយលក្ខណ៍​អក្ស​រ​ គួរតែបញ្ជាក់ពី​ផ្នែកណាមួយ ឬផ្នែក​ផ្សេងៗ​នៃ​ច្បាប់អប់រំ​ដែល​មណ្ឌល​សិក្សា​ធិការ​​និយាយថាកូនរបស់អ្នកបានបំពាន​លើផ្នែក​ទាំងនោះ​។ អ្នកត្រូវបានតម្រូវ​ឲ្យឆ្លើយ​ត​ប ដោយគ្មានការពន្យារពេល ចំពោះសំណើរបស់បុគ្គលិកសាលា​ដើម្បីចូលរួម​ក្នុង​កិច្ច​ប្រជុំ​ពាក់ព័ន្ធនឹងអាកប្បកិរិយារបស់កូនអ្នក។ [Cal. Ed. Code Sec. 48911​​(f).]

(8.6) តើកូនរបស់ខ្ញុំអាចត្រូវបានតម្រូវឲ្យជាប់ទណ្ឌកម្ម​ផ្អាកការសិក្សា​នៅ​​សាលាដែរឬទេ?

បាទ/ចាស​។ នាយកសាលា អាចកំណត់​​ឲ្យសិស្ស​ជាប់​ទណ្ឌកម្ម​ផ្អាកការសិក្សា​នេះ​​​នៅសាលារៀនបាន​។ [Cal. Ed. Code Sec. 48911.1.] បុគ្គលិកសាលា ត្រូវ​តែជូនដំណឹងដល់មាតាបិតា ឬ​អាណាព្យាបាល​ជាលាយលក្ខណ៍អក្សរ ​នៅពេល​សិស្ស​ត្រូវ​បាន​កំណត់​ឲ្យស្ថិត​​​ទៅបន្ទប់រៀន​នៅ​អំឡុងពេលជាប់ទណ្ឌកម្ម​​ផ្អាក​ការ​សិក្សានៅក្នុងសាលា ​​ដែល​មាន​រយៈពេលយូរជាងរយៈពេល​សិក្សាមួយពេល។ [Cal. Ed. Code Sec. 48911.1(d).] សម្រាប់​សិស្សដែលមានពិការភាព ថ្ងៃ​​ជាប់​ទណ្ឌកម្ម​​ផ្អាកការសិក្សា​ក្នុងសាលារៀន ត្រូវរាប់​ថា​ជា​ការ​លប់​ចោល​​​ពីការសិក្សា​មួ​យ​ដែល​​ត្រូវ​បំពេញ​សងវិញ​នៅក្នុង​ “ការផ្លាស់ប្តូការដាក់បញ្ចូល​ការសិក្សា​” លើក​លែង​តែ​សិស្ស​​នោះ​ទទួលបាន​ឱកាស​បន្តចូលរួមដោយសមរម្យ​ក្នុងកម្មវិធី​សិក្សា​ទូទៅ បន្តទទួលសេវាកម្ម​ដែលបាន​បញ្ជាក់​​នៅក្នុង​កម្មវិធី IEP របស់សិស្ស និង​បន្ត​ចូលរួមជាមួយ​កុមារដែល​មិនមានពិការភាព​ ក្នុងកម្រិត​មួយ​ដែល​ពួក​គេ​អាច​​​នឹង​​ទទួលបាន​នៅក្នុងការដាក់បញ្ចូលក្នុងការសិក្សាបច្ចុប្បន្ន​របស់ពួកគេ។ [71 Fed. Reg. 46715 (Aug. 14, 2006).]

(8.7) តើកូនរបស់ខ្ញុំដែលមានពិការភាពអាចត្រូវបានផ្អាក ឬបណ្តេញ​ចេញ​ពីសាលាក្រោមស្ថានភាព​ណាខ្លះ?

សិស្សដែលមានពិការភាព ត្រូវស្ថិតនៅក្រោមវិធាននៃការផ្អាកការសិក្សា​ដូចគ្នា​នឹង​សិស្ស​ដែល​មិនមាន​ពិការភាព​ដែរ​។  ប៉ុន្តែ មុនពេលមណ្ឌលសិក្សាធិការ​អាច​ផ្តល់ការណែនាំឲ្យ​ធ្វើការបណ្តេញ​ចេញ​សិស្សដែលមានពិការភាព ពេលនោះ​ត្រូ​វ​រៀបចំកិច្ចប្រជុំស្តីពី​ “ការកំណត់ការសម្តែងចេញ​អាកប្បកិរិយា​​” ​​ដើម្បីពិភាក្សាថា​តើ​អាកប្បកិរិយា​​របស់សិស្ស​មាន​ពាក់ព័ន្ធនឹងពិការភាពរបស់គាត់ដែរឬអត់​​ ឬថា​តើ​កម្មវិធី IEP របស់គាត់​ត្រូវ​បាន​អនុវត្ត​ដែរឬយ៉ាង​ណា​។ [34 C.F.R. Sec. 300​.​530​(e).]

បើអាកប្បកិរិយានេះពាក់ព័ន្ធទៅនឹងពិការភាពរបស់សិស្ស ឬបើ​កម្មវិធី IEP របស់​គាត់​មិនត្រូវ​បាន​អនុវត្ត​នោះ​ទេ ពេលនោះ​សិស្សមិនអាចត្រូវបានបណ្តេញចេញ​ពីការសិក្សាទេ ហើយសេវាកម្មសមស្រប​ចាំបាច់​ត្រូវ​បាន​​​កំណត់ និង​ផ្តល់ដល់​សិស្ស​។  ការកំណត់ការដាក់បញ្ចូល​ក្នុងការសិក្សា​ គឺជាការសម្រេចចិត្ត​របស់​ក្រុម​កា​រងារ​កម្មវិធី​ IEP ហើយ​ការ​បណ្តេញ​​ចេញ​ពីសាលា គឺជា “ការផ្លាស់ប្តូរ​ការដាក់​បញ្ចូល​​ក្នុងការសិក្សា​”។ ការផ្លាស់ប្តូរការដាក់បញ្ចូល​ក្នុងការសិក្សា​ដូចជាការ

បណ្តេញ​ចេញនេះ​ជាដើម មិនអាចធ្វើទៅបានទេ បើគ្មាន​​ការរៀប​ចំកិច្ច​ប្រជុំស្តីពី​ “ការកំណត់ការសម្តែងចេញ​អាកប្បកិរិយា” នោះ​។ ក្រុមការងារ​កម្មវិធី​ IEP ត្រូវ​តែ​​មានការរៀប​ចំកិច្ចប្រជុំ “ការកំណត់ការសម្តែងចេញ​អាកប្បកិរិយា” នៅ​ពេល​​មាន​ “ការផ្លាស់ប្តូរការដាក់បញ្ចូលក្នុងការសិក្សា​"។

“ការផ្លាស់ប្តូរ​ការដាក់បញ្ចូលក្នុងការសិក្សា​” ក៏ប្រព្រឹត្ត​ទៅ​ផងដែរ ​នៅពេលដែល​សិស្ស​ត្រូវ​បាន​ផ្អាកការសិក្សា​​ច្រើន​ជាង​រយៈពេល​ 10 ថ្ងៃជាប់ៗគ្នា ឬនៅពេល​ដែល​សិស្ស​ទទួលបាន​ការផ្អាកការសិក្សា​បង្គរ​លើសពី 10 ថ្ងៃ ​ដែល​បង្កើត​បាន​ជា​​ទម្រង់​នៃដកចេញ​ពីការសិក្សា ​ដោយសារតែ​លក្ខណៈប្រហាក់ប្រហែល​គ្នា​នៃ​ការ​ផ្អាកការ​សិក្សា​ និង/ឬ ភាពស្រដៀងគ្នានៃ​ហេតុការណ៍​កើតឡើង​។ [34 C.F.R​. ​Sec. 300.536.] ក្នុងស្ថានភាពនេះ មណ្ឌលសិក្សាធិការក៏ត្រូវរៀប​ចំ​កិច្ច​ប្រជុំការស្តីពី​ការ​កំណត់ការសម្តែងចេញ​អាកប្បកិរិយា​​ផងដែរ​ ដើម្បី​កំណត់​តម្រូវ​កា​រ និងសេវាកម្ម​អប់រំ ​អាកប្បកិរិយា និង​ការដាក់បញ្ចូល​ទៅក្នុង​ការសិក្សា​របស់​សិស្ស។ មណ្ឌលសិក្សា​ធិការ មិនអាចផ្លាស់ប្តូរការដាក់បញ្ចូល​កូនអ្នកដោ​យ​​​​គ្មាន​ការយល់ព្រមពីអ្នក ឬដោយគ្មាន​កិច្ចប្រជុំកំណត់ការសម្តែងចេញ​អាកប្បកិរិយា​ឡើ​យ​ លើកលែង​តែអាកប្បកិរិយា​ធ្ងន់ធ្ងរ​ជាក់លាក់​មួយ​ចំនួន​​។ (សូមមើ​ល​សំណួរ​ទី​ 11 ខាងក្រោម)

ច្បាប់​រដ្ឋ​ស្របតាម​ច្បាប់សហព័ន្ធសម្រាប់​វិធានភាគច្រើន​ដែលគ្រប់គ្រង​លើការ​ផ្អា​​ក និង​ការ​បណ្តេញ​សិស្ស​នៅក្នុងការអប់រំពិសេស​។ [Cal. Ed. Code Sec. 48915​.5.] ច្បាប់សហព័ន្ធនិងរដ្ឋ អនុញ្ញាតឲ្យមានការផ្អាកសិស្សនៅក្នុង​ការ​អប់រំ​ពិសេសរហូតដល់ 10 ថ្ងៃជាប់ៗ​គ្នា​​ដោយ​​​មិន​ចាំបាច់​មានលក្ខខណ្ឌ​កំណត់ការ

សម្តែង​ចេញ​អាកប្បកិរិយានោះទេ​​ ប៉ុន្តែសម្រាប់ការផ្អាកលើសពី 10 ថ្ងៃ ដាច់ខាត​​​ត្រូវតែ​មានកិច្ចប្រជុំពិសេស។ [20 U.S.C. Sec. 1415(k)(1)(B).] ហេតុដូច្នេះ ពេល​ខ្លះ​ នាយកសាលាត្រូវ​បន្ត​ការ​​ផ្អាកការសិក្សា​របស់សិស្ស 5 ថ្ងៃនេះ​ក្នុងរយៈ​​​ពេល​​​ចំនួន​​​ 5 ថ្ងៃបន្ថែម​ទៀត។ សិស្សអាចត្រូវបានផ្អាកការសិក្សា​នៅ​ក្នុងការ​ប្រព្រឹត្ត​ខុស​លើកដំបូងបាន​​ លុះត្រាតែ​ដោយសារមូល​ហេតុ​ (1) ដល់​ (5) នៅក្នុង​ការ​ចែង​បញ្ជាក់​នៅក្នុង​សំណួរ​ទី​ 2 ខាងក្រោម​ ឬ​ដោយសារតែ​វត្តមាន​របស់​គាត់​បង្ក​គ្រោះ​ថ្នាក់​ដល់​បុគ្គល​​​ផ្សេងទៀត។ [Cal. Ed. Code Sec. 48900.5.]

(8.8) តើកិច្ចប្រជុំ “កំណត់ការសម្តែងចេញ​អាកប្បកិរិយា” គឺជាអ្វី?

កិច្ចប្រជុំកំណត់ការសម្តែងចេញ​អាកប្បកិរិយា គឺជាកិច្ចប្រជុំកម្មវិធី IEP ដើម្បី​កំណត់​ថា​តើសិស្ស​ដែល​មាន​ពិការភាព​អាចត្រូវបានបណ្តេញចេញពីសាលា ឬ​ជំរុញ​​​ផ្លាស់ប្តូរការដាក់បញ្ចូល​ទៅក្នុង​កា​រសិក្សា​របស់​គាត់​លើសពីថ្ងៃសិក្សា​ 10 ថ្ងៃ ដោយសារការប្រព្រឹត្តមិនត្រឹមត្រូវ។ វា​ត្រូវ​ធ្វើ​ឡើង​​ក្នុងរយៈពេលថ្ងៃ​សិក្សា​ 10 ថ្ងៃ​ បន្ទាប់ពី​ការ​ម្រេច​ចិត្តរបស់សាលា​ក្នុងការបណ្តេញសិស្សចេញ ឬ​ការ​ផ្លាស់ប្តូរ​ការ​ដាក់បញ្ចូល​នៅក្នុង​ការ​សិក្សា​​​របស់គាត់។ ក្នុង​កិច្ចប្រជុំក្រុមការងារកម្មវិធី​ IEP ពិនិត្យ​មើល​ព័ត៌មាន​ដែលពាក់ព័ន្ធ​ពី​ឯកសារ​របស់សិស្ស រួម​មាន​កម្មវិធី IEP និងព័ត៌មា​ន​មួយចំនួន​ដែល​បាន​មក​​ពីគ្រូ និងឪពុកម្តាយ ហើយ​បន្ទាប់​មក​ត្រូវ​ធ្វើការ​សម្រេច​ចិត្តពីរយ៉ាង៖

1. តើអាកប្បកិរិយានេះ​បង្កឡើង​ ឬ​មាន​ “ទំនាក់ទំនងដោយ​ផ្ទាល់ និងជា​ទូទៅ​​” ទៅនឹង​ពិការភាពរបស់សិស្សដែឬទេ​?​
2. តើ​អាកប្បកិរិយានេះបណ្តាលមកពី​កំហុសរបស់​មណ្ឌលសិក្សាធិការក្នុ​ង​ការ​អនុវត្តកម្មវិធី IEP ដែរឬទេ​? 

[34 C.F.R. Sec. 300.530(e).]

ប្រសិនបើក្រុមការងារ​កម្មវិធី​ IEP ឆ្លើយថា “បាទ/ចាស” ចំពោះសំណួរណាមួយ​ ពេល​​នោះ​សិស្ស​មិន​អាច​ត្រូវ​បានបណ្តេញចេញទេ។  ហើយការផ្លាស់ប្តូរ​ការដាក់​បញ្ជូននេះ​ តម្រូវឲ្យមានការយល់ព្រមពីឪពុកម្តាយ ឬដីកាបង្គាប់​របស់ចៅក្រម​ ALJ​​។  ប្រសិនបើក្រុមការងារ​កម្មវិធី​ IEP កំណត់ថា​អាកប្បកិរិយា​នេះ​ គឺជាសម្តែ​​ង​​ឲ្យ​ឃើញ​នូវ​ពិការភាព​​របស់​សិស្ស ដូច្នេះ​​សិស្សនោះ​មានសិទ្ធិត្រឡប់ទៅ​កាន់​កន្លែង​សិក្សា​ដើម​របស់ខ្លួនវិញ លើកលែងតែក្រុមការងារ​កម្មវិធិ​ IEP សម្រេច​ចិត្តថា​ការ​ផ្លាស់ប្តូរការដាក់បញ្ចូលក្នុងការសិក្សានោះមាន​ភាព​សមរម្យ។ សាលាក៏ត្រូវ​ធ្វើ​ការ​​វាយតម្លៃអាកប្បកិរិយាមុខងារ (FBA) សម្រាប់សិស្ស ឬកែប្រែផែន​ការ​អន្តរាគមន៍​អាកប្បកិរិយា (BIP) ដែលមានស្រាប់របស់សិស្សផងដែរ ដើម្បីដោះស្រាយបញ្ហា​អាកប្បកិរិយានេះ។ [20 U.S.C. Sec. 1415(k)(1)(F); 34 C.F.R. Sec. 300.530​(f).]

ប្រសិនបើក្រុមការងារឆ្លើយថា “ទេ” ចំពោះសំណួរទាំងពីរនេះ សិស្សអាចត្រូវ​បាន​ផ្ដល់ការណែនាំ​បន្ត​សម្រាប់ការ​​បណ្តេញចេញ។

(8.9) តើខ្ញុំត្រៀមរៀបចំយ៉ាង​ដូចម្តេចសម្រាប់កិច្ចប្រជុំកំណត់ការសម្តែង​ចេញ​​អាកប្បកិរិយា?

អ្នកគួរតែត្រៀមខ្លួនដើម្បីពិភាក្សាសំណួរនីមួយៗដែលត្រូវឆ្លើយ មុនពេលដែល​មណ្ឌលសិក្សាធិការអាចផ្តល់ការណែនាំឲ្យកូនរបស់អ្នកត្រូវបណ្តេញចេញពី

សាលា​។ ក្រុមការងារ​កម្មវិធី​ IEP ផ្នែក​កំណត់ការសម្តែងចេញ​អាកប្បកិរិយា ត្រូវ​តែ​​​ឯកភាពថា​អាកប្បកិរិយា​របស់​កូន​អ្នក​ មិនពាក់ព័ន្ធ​ដោយ​ផ្ទាល់​ទៅនឹង​ពិការភាព​របស់គាត់ទេ ហើយថាកម្មវិធី IEP ត្រូវបាន​អនុវត្ត​យ៉ាង​ត្រឹម​ត្រូវ មុន​ពេលមណ្ឌល សិក្សាធិការអាចផ្លាស់ប្តូរការដាក់បញ្ចូល​សិស្សនៅក្នុង​ការអប់រំ​ពិសេសនោះ។  អ្នក​អាចប្រើបុគ្គលិកមណ្ឌលសិក្សាធិការ (ប្រសិនបើ​ពួកគេយល់​ស្របនឹងគំនិត​របស់អ្នក) ឬឯកសារ​របស់​សាលា អ្នកជំនាញឯករាជ្យ និងអ្នក​ផ្តល់​សេវាកម្ម និង​ការ​ចូល​រួម​របស់​​អ្នកដើម្បីគាំទ្រដល់ការយល់ឃើញ​របស់​អ្នក។  ដូច្នេះ ប្រសិន​បើ​អ្នកមិនបានធ្វើដូច្នោះទេ អ្នកគួរតែពិចារណាទទួលយក​គំនិត​យោបល់​របស់អ្នក​ជំនាញ​ខាង​ចិត្ត​សាស្ត្រ ឬអ្នក​ជំនាញ​ពិគ្រោះ​យោបល់ពាក់ព័ន្ធ​សំណួរ​ទាំងពីរ​ដែ​ល​​​ក្រុមការងារត្រូវឆ្លើយ។ អ្នកគួរតែនាំយកអ្នកជំនាញនោះ (ឬរបាយការណ៍​របស់​ពួកគេ) មកកាន់​កិច្ចប្រជុំ។ អ្នកក៏គួរពិចា​រណានាំយក​អ្នក​តស៊ូ​ម​តិ ឬមេធាវីទៅ​កា​ន់​​កិច្ច​ប្រជុំ​កំ​ណត់ការសម្តែងចេញ​អាកប្បកិរិយា​​របស់​អ្នក​បាន​ ​ប្រសិន​បើ​អាច​ធ្វើ​បាន​​​។

ជា​ផ្នែកមួយ​​នៃ​ការតស៊ូមតិរ​បស់អ្នកនៅកិច្ចប្រជុំកម្មវិធី IEP ស្តីពីការ​កំណត់ការ​សម្តែង​​ចេញ​អាកប្បកិរិយា​ អ្នកគួរតែពិចារណាថាតើសមាសធាតុទាំងអស់នៃ

កម្ម​វិធី IEP ត្រូវបានអនុវត្តដែរឬអត់​។ តើ​សេវាកម្មដែលត្រូវបានចែងជាលា​យ លក្ខណ៍​អក្សរទៅក្នុងកម្មវិធី IEP ពិត​ជាត្រូវ​បាន​ផ្តល់ជូន​នៅពេល​អាកប្បកិរិយា​នោះ​​មានការសង្ស័យ​​ដែរឬទេ? ប្រសិនបើផែនការ BIP មានពីមុនមកស្រាប់​ តើវា​ត្រូវបានអនុវត្តតាមការកំណត់ដោយ​កម្មវិធី IEP​ នៅ​ពេល​​​​​កើត​មាន​អាកប្បកិរិ​យា​នេះ​​​​ដែរ​ឬទេ​? ប្រសិនបើកម្មវិធី IEP រួមបញ្ចូលផែនការ BIP ឬ​គោលដៅ​ដែល​បាន​​ដោះស្រាយបញ្ហា​អាកប្បកិរិយាសំខាន់ៗ ពេលនោះ​ក្រុម​ការងារផ្នែក​កំណត់​ការ​សម្តែងចេញ​អាកប្បកិរិយា ទំនង​ជា​អា​ចនឹង​​​​រកឃើញថា​អាកប្បកិរិយា​នេះ​​មាន​

ជាប់​​​​ពាក់ព័ន្ធ​នឹ​ង​ពិការ​ភាព​របស់កូនអ្នក។ លើសពីនេះទៀត អ្នកក៏គួរតែពិចារណា​ថាតើមណ្ឌលសិក្សាធិការ​បានដោះស្រាយ​ រាល់ តម្រូវ​ការអាកប្បកិរិយា​ទាំងអស់​របស់កូន​អ្នក​ហើយឬនៅ។ តើ​បញ្ហាអាកប្បកិរិយាបង្ហាញ​ឲ្យឃើញច្បាស់​​ដែរឬទេ​ នៅចំពោះមុខ​ការប្រព្រឹត្តខុស​ដែលនាំឲ្យមានកិច្ច​ប្រជុំ​កំណត់​ការកំណត់ការ​សម្តែ​​ង​​ចេញ​អាកប្បកិរិយា? បើដូច្នេះមែន​ តើការវាយតម្លៃ​ FBA ធ្លាប់បាន​ធ្វើ​ដែរឬទេពីមុនមក​? តើផែនការអាកប្បកិរិយាមាន​ពីមុនមកស្រាប់​ដែរ​ឬទេ​? តើកម្មវិធី IEP បានបញ្ជាក់អំពីទំហំ ឬប្រភេទថ្នាក់ជាក់លាក់ណាមួយ​ ប្រភេទនៃ​មជ្ឈដ្ឋានថ្នាក់រៀន ឬ​កម្មវិធី​សិក្សាពិសេស ឬការ​កែប្រែផ្សេងទៀតដែរឬទេ​? បើដូច្នេះមែន​ តើសមាសភាគ​កម្មវិធី IEP ទាំងនោះ​ត្រូវបាន​ផ្តល់ជូន​នៅពេល​ដែ​ល​​​​ការប្រព្រឹត្ត​ខុស​កំពុង​ត្រូវ​បាន​ពិភាក្សាដែរឬទេ? ប្រសិនបើ​បញ្ហាអាកប្បកិរិ​យា​​ដែល​កំពុងកើតមា​ន​ មិនត្រូវបានដោះស្រាយដោយបុគ្គលិកឲ្យបាន​សមស្រប​នោះ​ទេ​ អ្នកអាចបញ្ជាក់​ប្រាប់មណ្ឌលសិក្សាធិការ​នេះថា​សិស្ស​មិនគួរ​ត្រូវ​បាន​​ផ្ដល់​​​ការណែនាំ​ឲ្យ​​បណ្តេញ​ចេញនោះទេ​​។

(8.10) ប្រសិនបើខ្ញុំមិនយល់ស្របនឹងការណែនាំរបស់ក្រុមការងារ​កម្មវិធី​ IEP ផ្នែក​កំណត់ការសម្តែងចេញ​អាកប្បកិរិយា នៅ​ក្នុងការបណ្តេញ​កូន​​ខ្ញុំនោះទេ​ តើខ្ញុំអាចធ្វើការតវ៉ានឹងការណែនាំនោះ​បានដែរឬ​ទេ?

បាទ/ចាស​។ ប្រសិនបើអ្នកមិនយល់ស្របនឹងការណែនាំរបស់ក្រុមការងារ អ្នក​អា​ច​​ដាក់ពាក្យប្តឹង​សម្រាប់​កិច្ច​ដំណើរការ​ត្រឹមត្រូវតាមច្បាប់​ ​ដើម្បីជំទាស់​នឹងការណែ​នាំ​​​របស់ក្រុមការងារផ្នែក​កំណត់ការសម្តែងចេញ​អាកប្បកិរិយា​នោះ​​។ [20 U.S.C. Sec. 1415(k)(3); 34 C.F.R. Secs. 300.530 - 300.532.] ករណីភាគច្រើន ទាល់​តែ​នីតិវិធីនៃ​កិច្ច​ដំណើរការ​ត្រឹមត្រូវ​តាមច្បាប់​ត្រូវបានបញ្ចប់ នោះ​ទើប​កូន​​​របស់អ្នក​ត្រូវ​​បន្ត​ស្ថិតនៅក្នុងការដាក់ថ្នាក់បញ្ចូក​ក្នុង​ថ្នាក់​រៀនបច្ចុប្បន្នរបស់គាត់ និង​បន្ត​ទទួល​​សេវា​អប់រំ​ពិសេសដែលតម្រូវ​ឲ្យមាន​នៅក្នុងកម្មវិធី IEP របស់គាត់​។ មើល​ជំពូក​ 6 ព័ត៌មាន​ស្តីពីបណ្តឹង​សម្រាប់​កិច្ចដំណើរការត្រឹមត្រូវ ​​​​/ការអនុ​វត្តតាម​ច្បាប់​​​។

(8.11) តើមានស្ថានភាព​ណាខ្លះដែលសាលារៀន​អាចផ្លាស់ប្តូរ​ការដាក់​បញ្ចូល​​​ក្នុងការ​​សិក្សា​របស់កូនខ្ញុំបាន​​ភ្លាមៗ​​?

បាទ/ចាស​។ ក្នុងស្ថានភាព​ជាក់លាក់មួយចំនួន​ មណ្ឌលសិក្សាធិការ​អាចដាក់កូន​របស់​អ្នកទៅក្នុង​ទីកន្លែងសិក្សា​ផ្សេង​ទៀត​ណាមួយ​បាន​​ភ្លាមៗ និង​បន្ត​ទុក​គាត់​នៅ​​ទីនោះ​រហូតដល់រយៈ​ពេលថ្ងៃសិក្សា​ 45 ថ្ងៃ​ ទោះបីជា​​អាកប្បកិរិយា​​​​ត្រូវបាន​រកឃើញថាជា​ការ​សម្តែង​ចេញមក​នៃ​​ពិការភាពរបស់គាត់ក៏ដោយ។ ក្នុងសា្ថនភាព​នេះ ការដាក់បញ្ចូល​ក្នុងទីកន្លែង​សិក្សា​ផ្សេងទៀត​នោះ​ ត្រូវបានហៅថា “មជ្ឈដ្ឋាន​​​អប់រំ​ជំនួស​បណ្តោះអាសន្ន”។ កូនរបស់អ្នកអាចត្រូវបានគេដាក់បញ្ជូនក្នុង “មជ្ឈដ្ឋាន​អប់រំជំនួសបណ្តោះអាសន្ន” ប្រសិនបើមណ្ឌលសិក្សា​ធិការ​​​អះអាងថាគាត់​បាន​ប្រព្រឹត្ត​​ដូច​ខាងក្រោម៖

1. បាន​យកអាវុធទៅសាលារៀន​ ឬកាន់កាប់​​អាវុធនៅសាលារៀន​ ឬ​នៅ​​ក្នុងបរិវេណ ឬក្រៅបរិវេណសាលារៀន​។
2. បាន​កាន់កាប់​ ឬប្រើប្រាស់គ្រឿងញៀនខុសច្បាប់ដោយចេតនា​ ឬ​បាន​​លក់ ឬជំរុញឲ្យមានការលក់ថ្នាំ​ញៀន​នៅសាលា ក្នុងបរិវេណសាលា ឬក្រៅបរិវេណសាលា។
3. ធ្វើឲ្យរងរបួសរូបរាងកា​យធ្ងន់ធ្ងរលើមនុស្សម្នាក់ផ្សេងទៀតពេល​នៅ​សាលា ក្នុងបរិវេណសាលា ឬក្រៅបរិវេណសាលា។ "របួសរាង​កាយ​ធ្ងន់ធ្ងរ" មានន័យថា៖ ហានិភ័យខ្ពស់​ប្រឈមនឹង​ការស្លាប់ ឬឈឺចាប់​លើរូបរាងកាយធ្ងន់ធ្ងរ ឬការខូចទ្រង់ទ្រាយរូបរាង​ជាក់ស្តែង​និងរយៈ​ពេ​ល​វែង​ ឬការខាតបង់រយៈពេលវែង​ ឬភាព​ចុះខ្សោយមុខងារ​សារពាង្គ​កា​យ សរីរាង្គ ឬផ្លូវចិត្ត​។

[20 U.S.C. Secs. 1415(k)(1)(G) & (7)(d)); 34 C.F.R. Sec. 300.530(g).]

ទោះ​បី​មណ្ឌលសិក្សាធិការព្យាយាមដកយកកូនរបស់អ្នកទៅកាន់​មជ្ឈដ្ឋាន​អប់រំ​ជំនួស​បណ្តោះអាសន្ន​ក៏​ដោយ ប៉ុន្តែ​មណ្ឌលសិក្សាធិការនៅតែត្រូវជួបអ្នកក្នុង

រយៈ​​ពេល 10​ ថ្ងៃសិក្សា ​ដើម្បី​បើក​កិច្ច​ប្រជុំ​​កំណត់ការ​សម្តែង​ចេញ​អាកប្បកិរិយា។

អ្នកអាចដាក់ពាក្យប្តឹង​សម្រាប់​កិច្ច​ដំណើរការ​ត្រឹមត្រូវតាមច្បាប់​ ដើម្បីមិនឯកភាព​​នឹង​ការ​សម្រេច​របស់​កិច្ចប្រជុំកម្មវិធី IEP ផ្នែក​​​កំណត់ការសម្តែងចេញ​អាកប្បកិរិយា ទៅលើ​​ការបណ្តេញចេញនោះ​ រួមទាំង​ការ​ផ្លាស់​កូនរបស់អ្នកទៅមជ្ឈដ្ឋាន​អប់រំ​ជំនួ​ស​បណ្តោះអាសន្នណាមួយ​ផងដែរ​។ ប្រសិនបើអ្នកដាក់ពាក្យប្តឹងសម្រាប់​កិច្ច​ដំណើរការ​ត្រឹមត្រូវ​តាម​ច្បាប់ដើម្បី​ជំទាស់​នឹង​ការ​ដាក់​កូន​របស់​អ្នក​នៅក្នុង​មជ្ឈដ្ឋា​ន​បណ្តោះអាសន្នណាមួយ​ ឬការសម្រេចចិត្តផ្សេងទៀតរបស់ក្រុមការងារកម្មវិធី​ IE​​P ថាតើអាកប្បកិរិយានេះជាការសម្តែង​ឲ្យ​ឃើញនូវ​ពិការភាពណាមួយ​​ ឬយ៉ាង​ណា ពេលនោះ​ចៅក្រម​​ ALJ នឹង​សម្រេចចិត្ត — ក្នុងសវនាការពន្លឿន​​មួយ ​​—​ ថាតើ​ត្រូវបញ្ជូនកូន​របស់អ្នកមក​កន្លែងដើម​វិញ​ ឬត្រូវ​​ទុក​ឲ្យគាត់​ (ឬបញ្ជាឲ្យគា​ត់​) ស្ថិតនៅក្នុង​ការដាក់បញ្ចូ​លក្នុងការ​​សិក្សា​ជំនួសណាមួយ​ក្នុង​​រយៈពេល 45 ថ្ងៃ។ [20 U.S.C. Sec. 1415(k)(3)(B); 34 C.F.R. Sec. 300.532(b).]

ក្នុងអំឡុង​ពេល​ការតវ៉ាទៅនឹង​មជ្ឈដ្ឋាន​បណ្តោះអាសន្ន ឬការកំណត់​របស់​មណ្ឌល​សិក្សា​ធិការដែល​​ថា​អាកប្បកិរិយា​​នេះ​មិនមែនជាការសម្តែង​ឲ្យឃើញនូវ​ពិការភាពរបស់កូនអ្នកទេ​ ដូច្នេះ​កូនរបស់អ្នក​នឹងត្រូវ​បន្ត​ស្ថិត​នៅ​ក្នុងមជ្ឈដ្ឋាន​ណា​មួយ​ដែលមណ្ឌលសិក្សាធិការបានដាក់បញ្ចូល​គាត់ក្នុង​ទីកន្លែង​នោះ​។ [20 U.S.C. Sec. 1415(k)(4)(A).] សវនាការនោះ ត្រូវតែធ្វើឡើងក្នុងរយៈ​ពេលថ្ងៃ​សិក្សា 20 ថ្ងៃ​ គិត​ចាប់ពីថ្ងៃដែលអ្នកស្នើ​សុំនោះ​ម​ក​​ ហើយចៅក្រម​ ALJ ត្រូវតែ​ចេញ​សេចក្តីសម្រេចក្នុងរយៈពេល 10 ថ្ងៃក្រោយមក​។ ត្រូវមាន “កិច្ចប្រជុំរក​ដំណោះ​​​ស្រាយ” ឬ​ការសម្រុះសម្រួល​ដែល​បាន​ធ្វើឡើង​ក្នុង​រយៈពេលប្រាំពីរ​ថ្ងៃ​បន្ទាប់​ពី​ការ​ស្នើសុំ​នោះ​។ [20 U.S.C. Sec. 1415(k)(3)(B); 34 C.F.R. Sec. 300.​532(c).] មើលជំពូក​ 6 ព័ត៌មានស្តីពីបណ្តឹង​សម្រាប់​កិច្ច​ដំណើរការ​ត្រឹមត្រូវ/​ការ​អនុវត្ត​តាមច្បាប់​​។

មណ្ឌលសិក្សាធិការ ក៏អាចស្នើសុំឲ្យមានសវនាការលើកិច្ច​ដំណើរការត្រឹមត្រូវ​តាម​ច្បាប់ណាមួយ​ផងដែរ​ ដើម្បីស្នើសុំឲ្យ​ចៅក្រម​ ALJ បង្គាប់ឲ្យ​ផ្លាស់ប្តូរការ​ដាក់​បញ្ជូននៅក្នុងការសិក្សានោះ​​ ប្រសិនបើមណ្ឌលសិក្សាធិការ “ជឿ​ជាក់​ថាការ​រក្សាទុក​នៅក្នុង​ទី​កន្លែងបច្ចុប្បន្នរបស់កុមារ ច្បាស់ជា​អាច​​បង្ក​ឲ្យ​មានការរងរបួស​ដល់​កុមារ ឬអ្នកដទៃ​​ទៀតបាន​។ [34 C.F.R. Sec. 300.532(a).] ប្រសិនបើ​ចៅក្រម​ ALJ កំណត់ថាការរក្សាទុកការដាក់​បញ្ចូល​សិស្ស​នៅក្នុង​កន្លែងសិក្សា​បច្ចុប្បន្ន ​ច្បាស់ជា​អាច​បណ្តាល​ឲ្យ​សិស្ស ឬអ្នកផ្សេងទៀតរងរបួស ដូច្នេះ​គាត់​អាច​​បង្គាប់​ឲ្យមានការផ្លាស់ប្តូរ​ក្នុងការដាក់​បញ្ចូល​​​ក្នុង​ការ​សិក្សាជំនួស​បណ្តោះ​អាស​ន្នមួយ​ដែលសមស្រប ក្នុងរយៈពេលមិនលើសពី 45 ថ្ងៃសិក្សាឡើយ​។ [20 U.S.C. Sec. 1415(k)(3)(B) (ii)(II); 34 C.F.R. Sec. 300.532(b)(2)(ii).] ខណៈ​ពេ​ល​ដែលស្ថិតនៅក្នុងមជ្ឈដ្ឋាន​​អប់រំជំនួសបណ្តោះអាសន្ន ក្នុងអំឡុង​ពេ​ល​​នៃការផ្អាករយៈពេលវែង (ឬការបណ្តេញចេញ) សិស្សនៅតែមានសិទ្ធិ​ទទួ​ល​​​បាន​ការអប់រំនៅសាលារដ្ឋ​សមស្រប​ដោយឥតគិតថ្លៃ​ ដែល​អាច​ឲ្យ​សិស្ស​មានការ​រីក​ចម្រើនទៅមុខសមស្រប​​នៅក្នុងកម្មវិធីសិក្សាទូទៅ និង​មាន​វឌ្ឍនភាព​យ៉ា​ងសម​ស្រ​ប​​​​​ឆ្ពោះទៅ​រកការសម្រេចគោលដៅដែលបានកំណត់នៅក្នុងកម្មវិធី IEP របស់​កុមារ​។ នេះរួមបញ្ចូលនូវ​សេវាកម្ម និងការកែសម្រួល​អន្តរាគមន៍​អាកប្បកិរិយា​ ដើម្បីឲ្យ​អាកប្បកិរិយា​ដែលនាំ​ឲ្យ​មានការ​ដាក់​សិស្ស​បញ្ចូល​ទៅក្នុងមជ្ឈដ្ឋាន​អប់រំ​បណ្តោះ​អាសន្ននោះ លែង​​កើត​មានសាជាថ្មីទៀត​​។ [34 C.F.R. Sec. 300.530(d).]

(8.12) មណ្ឌលសិក្សាធិការបានផ្លាស់កូនរបស់ខ្ញុំទៅក្នុងថ្នាក់រៀន​ថ្មី ដោយ​សារតែ​បញ្ហា​​វិន័យ។  តើនេះជា “ការផ្លាស់ប្តូរ​ការដាក់​បញ្ចូល​ក្នុង​ការសិក្សា​” ដែល​តម្រូវឲ្យមានកិច្ចប្រជុំកម្មវិធី IEP ដែរឬទេ?

ដូចបានបញ្ជាក់ពីខាងដើម​ មណ្ឌលសិក្សាធិការអាចដាក់បញ្ចូល​កូនរបស់អ្នកទៅ​ក្នុង​​មជ្ឈដ្ឋាន​អប់រំ​បណ្តោះ​អាសន្ន​ (សម្រាប់ការប្រព្រឹត្តិពាក់ព័ន្ធនឹងអាវុធ គ្រឿង​ញៀនខុសច្បាប់ ឬ​ការបង្ក​របួស​ស្នាមលើ​រាងកាយ​ធ្ងន់ធ្ងរ​) ហើយបន្តទុក​គាត់នៅ​ទីនោះ​រហូតដល់រយៈពេលថ្ងៃ​សិក្សា​ 45 ថ្ងៃ ទោះបីជាអាកប្បកិរិយា​ត្រូវបាន​រក​ឃើញ​​ថាជា​ការ​សម្តែង​ចេញមក​នៃ​​ពិការភាពរបស់គាត់ក៏ដោយ។ ក្នុងស្ថានភាព​នោះ​ មិនមានលក្ខខណ្ឌតម្រូវ​ឲ្យស្ថិតនៅបន្ត​នោះទេ ។ [34 C.F.R. Sec. 300.533​.] ប៉ុន្តែ ប្រសិនបើកូនរបស់អ្នកត្រូវបានណែនាំឲ្យបណ្តេញចេញដោយសារ​អាកប្បកិរិ​យា​ផ្សេងទៀត ពេលនោះ​​​លក្ខខណ្ឌ​តម្រូវឲ្យ​ស្ថិតនៅ​បន្ត​ គួរតែ​ត្រូវ​បាន​អនុវត្តតាម។

ម្យ៉ាង​ទៀត មណ្ឌលសិក្សាធិការអាចនឹង​ព្យាយាមធ្វើ “ការផ្ទេរចេញដោយ​សារ​បញ្ហា​វិន័យ” របស់កូន​អ្នក​ទៅ​សាលារៀន​ថ្មី។ ការផ្ទេរនេះធ្វើឡើង​ដើម្បី​ចៀសវាង​ការ​ប​ន្ត​ស្ថិតនៅណាមួយ​​ (ដោយផ្តល់​ទឡ្ហីករ​ថាការ​ផ្លាស់ប្តូរ​សាលា​ណាមួយ ​មិន​មែ​ន​​ជា​ការផ្លាស់ប្តូរការដាក់បញ្ចូ​លក្នុង​ការសិក្សា​ទេ ប្រសិនបើកម្មវិធី IEP ដូច​​គ្នានេះ​ត្រូវ​បាន​​ផ្តល់ជូន​នៅ​​ទីតាំងថ្មី​) ឬដោយសារតែកូនរបស់អ្នកមានបញ្ហាអាកប្បកិរិយា​នៅ​សាលារៀន​។ លើកលែងតែក្នុង​ករណីដូចមានចែង​ខាងលើ ពុំនោះ​សោត ការ​​ផ្លាស់​ប្តូរការដាក់បញ្ជូនក្នុងការសិក្សា​របស់​កូន​អ្នក (រួមទាំង​ការផ្ទេរចេញ​ដោយ​សារ​​បញ្ហាវិន័យ) គឺជាការសម្រេចចិត្តមួយ​ដែលត្រូវធ្វើឡើង​ដោយក្រុម​ការងារ​​កម្មវិធី​ IE​P ក្នុងករណីដែល​នីតិវិធីកិច្ច​ដំណើរការត្រឹមត្រូរតាមច្បាប់ អាច​នឹង​ត្រូវ​ប្រើប្រា​ស់​​។

(8.13) តើមណ្ឌលសិក្សាធិការត្រូវតែបន្តផ្តល់សេវាកម្មអប់រំពិសេស​ដល់​កូន​ខ្ញុំដែរឬទេ ប្រសិនបើគាត់​ត្រូវបាន​ផ្អាកការសិក្សា​លើសពីដប់ថ្ងៃ ឬ​ប្រសិនបើគាត់ត្រូវបានបណ្តេញចេញ?

បាទ/ចាស​។ ផ្ទុយពីសិស្សនៅក្នុងការ​អប់រំទូទៅ សិស្សដែលមានពិការភាព​ត្រូវ​បន្ត​​ទទួលបាន​ការអប់រំ​នៅ​សាលា​សាធារណៈ​​​​សមស្រប​ដោយឥតគិតថ្លៃ (FAPE​)​ ក្នុងអំ​ឡុងពេលនៃការផ្អាកការសិក្សា​លើសពី 10 ថ្ងៃ ទាំង​ក្នុង​អំឡុង​ពេលនៃ​ការ​ដាក់បណ្តោះអាសន្ន និងក្នុងអំឡុងពេលនៃការបណ្តេញចេញ។ [20 U.S.C. Sec​s​.​ 1412(a)(1) & 1415(k)(1)(D); 34 C.F.R. Sec. 300.530(d).] សេវាកម្មដែល​កូន​របស់អ្នកទទួលនៅក្រោមស្ថានភាព​ទាំងនេះ ​អាចជួយឲ្យ​គាត់បន្តចូលរួម​ក្នុង​កម្មវិ​ធី​​សិក្សា​ទូទៅ និងបន្តរីកចម្រើនឆ្ពោះទៅរកគោលដៅកម្មវិធី IEP របស់គាត់ និងទ​ទួ​ល​បានការវាយតម្លៃ និង​សេវាកម្មអាកប្បកិរិយាដែលត្រូវការ​ចាំបាច់។ [20 U.S.C. Sec. 1415(k)(1)(D); 34 C.F.R. Secs. 300.530(d)(1)(i) & (ii).]

(8.14) ខ្ញុំជឿជាក់ថាកូនរបស់ខ្ញុំមានពិការភាពដែលបណ្តាលឲ្យមាន​អាកប្បកិរិយា​មិនសមរម្យ​ ប៉ុន្តែ​មណ្ឌល​សិក្សា​​ធិ​ការមិន​ដែលវាយ​តម្លៃ​គា​ត់សម្រាប់ការអប់រំពិសេសទេ។ តើវិធានទាក់ទង​នឹងវិន័យ​របស់​សិស្ស​នៅក្នុងការអប់រំពិសេស ត្រូវ​​អនុវត្តចំពោះគាត់ដែរឬទេ​?

វិធានវិន័យផ្នែកអប់រំពិសេសត្រូវបានអនុវត្ត ប្រសិនបើមុនពេលកើត​មាន​បញ្ហា​អាកប្បកិរិយា មណ្ឌល​សិក្សា​ធិការ​ “បានទទួលស្គាល់” ថាកូនរបស់អ្នកមាន ឬ​អាចនឹង​មានពិការភាព។ ប្រសិនបើកូន​របស់អ្នកមិនទាន់ត្រូវបាន​គេកំណត់​ថា​ជាសិស្សនៅក្នុង​ការអប់រំពិសេសនោះទេ​​ ដូច្នេះ​​មាន​​ស្ថានភាពចំនួនបី​ដែល​មណ្ឌ​ល​សិក្សាធិការត្រូវ “ចាត់ទុកថា” បានដឹងឮ៖

1. នៅពេលដែលឪពុកម្តាយបានសម្តែងការព្រួយបារម្ភជាលាយលក្ខណ៍​អក្សរ (មុនពេលមាន​​អាកប្បកិរិយា​មិនសមរម្យ​របស់សិស្ស) ទៅកាន់​រដ្ឋបាល​​សាលា​ ឬ គ្រូរបស់សិស្សឲ្យបានជ្រាបថាគាត់​ត្រូវការការ​អប់រំ​ពិសេស និងសេវាកម្មពាក់ព័ន្ធ។
2. នៅពេលដែលឪពុកម្តាយបានស្នើសុំ (មុនពេលមានអាកប្បកិរិយា​មិន​សមរម្យ​) ឲ្យមានការវាយតម្លៃទៅលើសិស្ស​សម្រាប់ការអប់រំពិសេស។ និង
3. មុនពេល​កើត​មានអាកប្បកិរិយាមិនសមរម្យ​ នៅពេលដែល​គ្រូ ឬ​បុគ្គលិក​​​សាលាផ្សេងទៀត បានសម្តែងការព្រួយបារម្ភជាក់លាក់អំពីទម្រង់​នៃ​អាកប្បកិរិយាណាមួយ​ដោយផ្ទាល់ប្រាប់​ទៅដល់​នាយកផ្នែកអប់រំ​ពិសេ​ស ឬ បុគ្គលិកគ្រប់គ្រងផ្សេងទៀត។ [20 U.S.C. Sec. 1415(k)(5); 34 C.F.R. Sec. 300.534(b).]

មានស្ថានភាព​ចំនួនបី​ដែលមិនចាត់ទុកថាមណ្ឌលសិក្សាធិការបានដឹងឮ៖

1. នៅពេលដែលមណ្ឌលសិក្សាធិការបានវាយតម្លៃសិស្សរួច និងបាន​កំណត់​ថាគាត់មិនមានសិទ្ធិទទួលការអប់រំពិសេស។
2. នៅពេលដែលឪពុកម្តាយមិនបានអនុញ្ញាតឲ្យមានការវាយតម្លៃ។ ឬ
3. ឪពុកម្តាយបានបដិសេធសេវាកម្មអប់រំពិសេស។ [34 C.F.R. Sec. 300.534(c).]

ក្នុងស្ថានភាពទាំងនេះ សិស្សមិនត្រូវបានការពារក្រោមច្បាប់វិធានវិន័យផ្អែកអប់រំ​ពិសេ​សទេ។

(8.15) តើមានអ្វីកើតឡើង បើខ្ញុំស្នើសុំឲ្យមានការវាយតម្លៃការអប់រំ​ពិសេ​ស​​សម្រាប់កូនរបស់ខ្ញុំ ប៉ុន្តែ​ខ្ញុំ​មិន​បាន​ធ្វើ​វាជាលាយលក្ខណ៍អក្សរ?

ច្បាប់របស់រដ្ឋតម្រូវឲ្យធ្វើការវាយតម្លៃការអប់រំពិសេស​ បើទោះបីជាការស្នើសុំត្រូវ​បាន​ធ្វើឡើង ​​ដោយផ្ទាល់​មាត់​ ​​ដោយឪពុកម្តាយក៏ដោយ។ បុគ្គលិកមណ្ឌល​សិក្សា​ធិការដែលទទួលបានការស្នើសុំនោះ ត្រូវតែជួយឪពុកម្តាយ ប្រសិនបើ​ឪពុកម្តា​យ​​ស្នើសុំ​ជំនួយ​ក្នុងការដាក់សំណើសុំ​ការ​បញ្ជូនបន្តនោះ​ជាលាយ លក្ខណ៍អក្សរ។ [Title 5 California Code of Regulations (C.C.R.) Sec. 3021(a).] ការស្នើសុំ​ផ្ទា​ល់​មាត់សម្រាប់ការវាយតម្លៃ ទោះបីវាមិនត្រូវបានអនុវត្តដោយមណ្ឌល​សិក្សា​ធិការ​ក៏ដោយ ការ​ស្នើ​សុំនោះ​គួរតែគ្រប់គ្រាន់ដើម្បី​បង្ហាញថាមណ្ឌល​សិក្សាធិការ​បាន​ដឹងឮគ្រប់គ្រាន់អំពីពិការភា​ព​ដែល​មាន​ការ​សង្ស័យ​សម្រាប់គោលបំណង​នៃការ​រៀបចំកិច្ចប្រជុំក្រុម​ការងារ​​កម្មវិធី​ IEP​ ដើម្បីធ្វើការ​កំណត់ការ​សម្តែង​ចេញ​​អាកប្បកិរិយា។ [34 C.F.R. Sec. 300.534.]

ទោះបីជាអ្ន​កបា​នស្នើ​សុំដោយផ្ទាល់មាត់សម្រាប់ការវាយតម្លៃក៏ដោយ អ្នកក៏គួរ​ធ្វើ​សំណើ​របស់​អ្នកជា​លាយ​លក្ខណ៍​​អក្សរ ហើយផ្ញើទៅមណ្ឌលសិក្សាធិការ។ នៅក្នុងលិខិតរបស់អ្នក អ្នកត្រូវស្នើសុំការវាយតម្លៃ​ជាក់លាក់សម្រាប់សេវាកម្ម​អប់រំពិសេស និង​ប្រាប់​មណ្ឌល​សិក្សា​ធិការអំពីមូលហេតុដែលអ្នកគិតថាកូនរបស់អ្នកមានភាពពិការ។ ត្រឹម​តែ​ការ​បង្ហាញពីការ​ព្រួយ​បារម្ភ​របស់អ្នកប៉ុណ្ណោះ​មិនទាន់​គ្រប់គ្រាន់ទេ។ [មើល Saddleback Valley Unified School District v. Student, OAH Case No. 2010100932.]

(8.16) កូន​របស់ខ្ញុំដែលត្រូវបានគេបណ្តេញចេញ មិនត្រូវបានផ្តល់​សិទ្ធិ​ទទួល​ការអប់រំ​ពិសេសទេ​ ប៉ុន្តែ​ចាប់​តាំង​ពី​​ឧប្បត្តិហេតុនោះ​បានកើត ឡើងខ្ញុំបានស្នើសុំការវាយតម្លៃមួយ​។ តើនឹងមានអ្វីកើតឡើង​ចំពោះ​ការ​ដាក់បញ្ជូនកូនរបស់ខ្ញុំ នៅពេលយើងកំពុងរង់ចាំ​លទ្ធផល​នៃ​ការ​វាយ​​តម្លៃ​នោះ?

នៅពេលដែល​អ្នកបា​ន​ស្នើសុំការវាយតម្លៃសម្រាប់សិទ្ធិទទួលបានការអប់រំពិសេស បន្ទាប់ពីឧប្បហេតុ​​អាកប្ប​កិរិយាដែលនាំទៅរក​ការណែនាំឲ្យ​បណ្តេញចេញ ពេល​នោះ​ការវាយតម្លៃ​ត្រូវធ្វើឲ្យបាន​លឿន​ជាង​មុន​។ ប៉ុន្តែ រហូតទាល់តែ​លទ្ធផលនៃ​កា​រ​​វាយ​តម្លៃនោះ​មានផ្តល់​ជូន​ ទើប​កូនរបស់អ្នក​នឹងបន្ត​​ស្ថិត​ក្នុង​ការដាក់​បញ្ចូល​ក្នុង​ការ​អប់រំដែលបាន​កំណត់ដោយមន្ត្រី​នៅ​តាម​សាលារៀន​។ នេះមានន័យថា​កូនរបស់អ្នក អាចត្រូវបានបណ្តេញចេញមុនពេលដែល​កិច្ច​​ដំណើរការ​វាយតម្លៃ​រហ័ស​នោះ​ ត្រូវ​បាន​បញ្ចប់​។ [20 U.S.C. Sec. 1415(k)(5)(D); 34 C.F.R. Sec. 300.534(d)(2).]

(8.17) តើ​គ្រូបង្រៀន ឬ​ការសម្តែង​ការព្រួយបារម្ភ​របស់​បុគ្គលិក​ដទៃ​ទៀ​ត​​​​អំពី​អាកប្បកិរិយា​ ចាំបាច់​ត្រូវ​មាន​ជា​លាយលក្ខណ៍អក្សរដែរ​ឬទេ​?

ទេ។ គ្រូបង្រៀន ឬ​បុគ្គលិកផ្សេង​ទៀត ត្រូវ​បង្ហាញការព្រួយបារម្ភ​ជាក់លាក់អំពី​បែបបទ​អាកប្បកិរិយា​របស់​កូនអ្នក​ដោយផ្ទាល់ទៅកាន់​នាយកផ្នែកអប់រំពិសេស ឬបុគ្គលិកគ្រប់គ្រងផ្សេងទៀត។ ប៉ុន្តែការព្រួយបារម្ភទាំងនេះ មិនចាំបាច់បង្ហាញ​ជា​លាយលក្ខណ៍អក្សរទេ។ [34 C.F.R. Sec. 300.534(b)(3).]

(8.18) តើកូនរបស់ខ្ញុំអាចត្រូវបានបណ្តេញចេញពីផ្នែកនៃ​ការ​​ដឹកជញ្ជូន​របស់​កម្មវិធីសាលារបស់គាត់ដែរឬទេ?

បាទ/ចាស​។ ទោះយ៉ាង​ណាក៏ដោយ ប្រសិនបើកូនរបស់អ្នកត្រូវ​បានគេដកចេញ​ពី​មធ្យោបាយដឹកជញ្ជូនតាមរថយន្ត​ក្រុង​សាលា ហើយមធ្យោបាយដឹកជញ្ជូន​គឺ​ជា​​ផ្នែកមួយនៃកម្មវិធី IEP របស់គាត់ ដូច្នេះ​គាត់នៅតែមាន​សិទ្ធិ​ទទួល​​បាន​មធ្យោបា​យ​ដឹកជញ្ជូនជា​ទម្រង់ផ្សេង​ទៀត​ដោយមិនឲ្យអ្នក​ចំណាយ​ប្រាក់​ឡើយ​។ [Cal. Ed. Code Sec. 48915.5(c).] កិច្ច​ប្រ​ជុំកម្មវិធី IEP ត្រូវតែធ្វើឡើងមុនពេលដកចេញកូ​ន​របស់អ្នកចេញ​ពីរថយន្ត​ក្រុ​ង ​ពីព្រោះវា​គឺជាការ​ផ្លាស់ប្តូរ​​សេវាកម្មវិធី​ IEP ។

(8.19) តើវិធាន​ពិសេសៗ​គ្រប់គ្រងវិន័យរបស់សិស្សដែលត្រូវបាន​កំណ​ត់​​ថាមានពិការភាពក្រោមផ្នែក 504 នៃ​ច្បាប់​ស្តីពីការ​ស្តារ​នីតិសម្ប​ទា (Rehabilitation Act) ឆ្នាំ1973 មានអ្វីខ្លះ?

ផ្នែក 507 តម្រូវឲ្យ​សាលាធ្វើការ​វាយតម្លៃ​សិស្ស​ដែល​គេជឿថា​មានពិការភាព ​មុន​​​​ពេល​ធ្វើការ​ដាក់​បញ្ចូល​សិស្ស​ដំណាក់កាល​ដំបូង និងមុន​ពេលមាន​ការផ្លាស់​ប្តូ​រសំខាន់ៗដំណាក់កាលបន្ទាប់​ក្នុង​ការ​ដាក់​បញ្ជូន​សិស្សនោះ​។ [34 C.F.R. Sec. 104.35(a).] យោងទៅតាម OCR ការមិនរាប់បញ្ចូលសិស្សលើសពី 10 ថ្ងៃជាប់ៗ​គ្នា ការមិនរាប់បញ្ចូល​សិស្ស​ក្នុង​រយៈពេល​មិន​កំណត់ និងការមិនរាប់បញ្ចូលសិ​ស្ស​​ជា​អចិន្ត្រៃយ៍ (ការបណ្តេញចេញ) អាចបង្កើត​ការផ្លាស់ប្តូរ​ការដាក់​បញ្ចូល​សិស្ស​ក្នុងការសិក្សា​នៅក្រោមផ្នែក 504។ ការផ្អាកការ​សិក្សា​ជាច្រើនលើកច្រើនសារ ​ដែលការផ្អាក​នីមួយៗមានរយៈពេល 10 ថ្ងៃ ឬតិចជាងនេះ​ ប៉ុន្តែ​បញ្ហា​​នោះ​បង្កើត​បានជា “ទម្រង់​នៃការមិនរាប់បញ្ចូលក្នុងការសិក្សា​” ដូច្នេះ​​ការផ្អាកនោះ​ក៏​អាចជា​ការ​​ផ្លាស់​​ប្តូរ​​​សំខាន់ៗ​ក្នុងការដាក់បញ្ចូល​ក្នុងការ​សិក្សា​ផងដែរ​។ [Office of Civil Rights, Letter re: Akron City School Dist., 19 IDELR 542 (Nov. 18, 1992) (cited in Parents of Student W. v. Puyallup Sch. Dist., No. 3, 31 F.3d 1489, 1495 (9th Cir. 1994).]

មុនពេលផ្លាស់ប្តូរការដាក់បញ្ចូល​សិស្សផ្នែក 504 មណ្ឌលសិក្សាធិការ​ត្រូវធ្វើ​ការ​វាយតម្លៃសិស្ស​ឡើងវិញ​ដើម្បី​កំណត់​ថា​តើការប្រព្រឹត្តខុស​ឆ្គងដែលកំពុង​ពិភា​ក្សា​​នេះ​បណ្តាលមកពីពិការភាពរបស់សិស្សដែរឬអត់​ ហើយ​បើ​ដូច្នេះ​មែន​ តើ​ការដា​ក់​បញ្ចូល​សិស្ស​ក្នុងការ​អប់រំបច្ចុប្បន្ននោះ​មាន​ភាព​សមរម្យដែរ​ឬទេ។ [34 C.F.R. Sec. 104.35(d).] ជាជំហានដំបូងក្នុងការវាយតម្លៃឡើងវិញ មណ្ឌលសិក្សាធិការ​ត្រូវកំណត់ថា​តើការប្រព្រឹត្តខុសឆ្គងនោះ​​បង្ក​ឡើង​​ដោយពិការភាព​របស់សិស្ស​ដែ​​រ​ឬអត់​។ ការកំណត់នេះ អាចត្រូវបានធ្វើឡើងដោយក្រុមការងារ​តែមួយ​ ដែល​ធ្វើ​ការ​សម្រេចចិត្តលើ​ការ​ដាក់​បញ្ជូន​ដំណាក់កាល​ដំបូងសម្រាប់សិស្សផ្នែក 504 ។ ព័ត៌មានវាយតម្លៃផ្នែក​ចិត្តសាស្រ្តបថ្មីៗ​ពាក់ព័ន្ធនឹងអាកប្បកិរិយានេះ គួរតែត្រូវ​បាន​ផ្តល់ជូនទៅកាន់​ក្រុមការងារ​​នោះ។ ការកំណត់មិន​គួរធ្វើឡើង​ដោយអ្នក​ដែល​ទទួលខុសត្រូវចំពោះគោលការណ៍វិន័យធម្មតា​របស់​មណ្ឌល​សិក្សា​ធិការឡើយ​​ ដូចជា​​អ្នកគ្រប់គ្រងរដ្ឋបាល​ដែលមិនមាន​​ជំនាញ និងចំណេះដឹងផ្ទាល់ខ្លួន​អំពី​សិ​ស្ស​​​ជាដើម​​។ ទោះយ៉ាងណាក៏ដោយ បុគ្គលទាំងនេះអាចចូល​រួមក្នុងនាម​ជាសមាជិ​ក​ក្រុមការងារ​សម្រេចចិត្ត​លើការ​ដាក់​បញ្ជូននោះ​។ ប្រសិនបើមា​ន​ការ​​កំណត់ថាកា​រ​ប្រព្រឹត្ត​ខុ​ស​របស់សិស្សផ្នែក 504 គឺបណ្តាលមកពីពិការភាព ពេលនោះ​ក្រុម​វាយ​តម្លៃត្រូវតែបន្តវាយតម្លៃដើម្បីកំណត់ថាតើការដាក់បញ្ចូល​សិស្ស​ក្នុងការ​អប់រំ​បច្ចុប្ប​ន្ន​សមស្រប​ដែរ​ឬ​អត់​​។ សូម្បី​នៅ​ពេលអាកប្បកិរិយាបាន​បង្កឡើង​ដោយ​ពិការភាព ហើយ​ភាពសមស្រប​នៃការដាក់បញ្ចូល​ទៅក្នុង​ការ​​​អប់រំ​បច្ចុប្បន្នត្រូវ​បាន​ពិនិត្យឡើងវិញក៏ដោយ​ ការពិនិត្យឡើងវិញនោះប្រហែល​ជា​អាចចាត់ទុកថា​ជា​ការ​​ដាក់​​បញ្ចូល​មិនសមរម្យ ហើយអាចនាំឲ្យមានការផ្លាស់​ប្តូរអចិន្រ្តៃយ៍​ណាមួ​យ​​នៅ​ក្នុងការដាក់បញ្ចូល​ និង​/ឬ​សេវាកម្ម​។ បើមាន​ការ​កំ​​​ណត់ថាការប្រព្រឹត្តខុសនេះ​មិនបណ្តាលម​កពីពិការភាព​របស់សិ​ស្ស​នោះ​ទេ​ នោះ​សិស្ស​អាច​នឹង​ត្រូវ​បាន​បណ្តេញចេញពីសា​លាតាមរបៀប​ដូចគ្នា​នឹង​សិស្សដែលមិនមានពិការភាពដែរ។ ក្នុងស្ថានភាពបែបនេះ ផ្នែក 504 និងច្បាប់​ ADA នឹងអនុញ្ញាត​ឲ្យ​បញ្ចប់​រាល់​​​សេវាកម្ម​អប់រំ​ទាំង​អស់​ដែល​អនុវ​ត្ត​​​ចំពោះសិស្ស​​ក្រោម​​ផ្នែក 504 តែប៉ុណ្ណោះ​។ ស្តង់ដាបណ្តេញចេញក្រោមផ្នែក​ 504 គឺខុសគ្នា​ពី​គោលការណ៍​ដែលបានអនុវត្ត​ចំពោះ​សិស្ស​ដែល​មាន​សិទ្ធិ​ទទួល​សេវាក្រោម​ច្បា​ប់​ IDEA ។ [វិន័យរបស់សិស្សដែលមានពិការភាពនៅសាលាបឋមសិក្សា​ និង​វិទ្យាល័យ  ការិយាល័យ OCR ខែតុលា ឆ្នាំ1996 អាចរកបានតាមរយៈ​៖ http://corporate.findlaw.com/law-library/discipline-of-students-with-disabilities-in-elementary-and.html.]

(8.20) តើខ្ញុំ​មានសិទ្ធិអ្វីខ្លះ ប្រសិនបើខ្ញុំមិនឯកភាព​ទៅ​នឹងការកំណត់​របស់​ផ្នែក 504 អំពីអាកប្បកិរិយា​របស់​កូន​ខ្ញុំនោះទេ​​?

ប្រសិនបើអ្នកមិនឯកភាពទៅលើ​ការកំណត់ថាអាកប្បកិរិយានោះ​មិន​ពាក់ព័ន្ធ​នឹង​​ពិការភាពរបស់សិស្ស — ឬ​មិនឯកភាព​ទៅលើ​​​សំណើ​ដាក់បញ្ចូល​ក្នុងករណី​ទាំងឡាយ​ដែលអាកប្បកិរិយា​នោះ​ត្រូវបាន​កំណត់​ថា​បណ្តាល​មក​ពីពិការភា​ព —​ ពេល​នោះ​អ្នកអាចស្នើសុំសវនាការផ្នែក 504 បាន​។ បទប្បញ្ញត្តិតម្រូវ​ឲ្យសវនាការ​មិន​មានភាពលំអៀង ហើយត្រូវ​ឲ្យឪពុកម្តាយ​មាន​ឱកាសចូលរួម និង​តំណាង​ដោយ​​ទីប្រឹក្សាផ្នែកច្បាប់។ [34 C.F.R. 104.36.] មិនដូចនីតិវិធី​វិន័យផ្នែកអប់រំ​ពិសេស​ទេ​ មណ្ឌលសិក្សាធិការនីមួយៗ បង្កើតនីតិវិធីសវនាការក្រោម​ផ្នែក 504 របស់​ខ្លួន​ផ្ទាល់​។ មណ្ឌលសិក្សាធិការតែមួយ​ប៉ុណ្ណោះ​ ជាអ្នក​ជ្រើសរើសមន្រ្តី សវនា​កា​​រ​​ដើម្បីធ្វើការ​សម្រេច​ចិត្ត​លើការ​មិន​ឯកភាព​​គ្នា​នេះ​។  ការិយាល័យ OCR បានបញ្ជាក់​ថានិយោជិក និងសមាជិកក្រុមប្រឹក្សាភិបាល​នៃមណ្ឌល​សិក្សាធិការ​របស់​អ្នក​មិនអាចដើរ​តួទាទី​ជា​មន្ត្រីសវនាការឡើយ។ ប្រសិនបើមណ្ឌល​សិក្សាធិការ​ផ្សេង​ទៀតចូលរួមនៅក្នុង​កិច្ចសន្យា​ជាមួយមណ្ឌលសិក្សាធិការរបស់អ្នក​ដើម្បី​ផ្តល់​សេវាកម្មដល់សិស្សដែលមានពិការភាព ពេលនោះ​បុគ្គលិក​របស់​មណ្ឌលសិក្សា​ធិការនោះ​ ក៏​ត្រូវ​បានហាម​ឃាត់​​​មិនឲ្យ​ដើរតួនាទី​ជាមន្ត្រីសវនាការផងដែរ។ [Letter to Anonymous,18 IDELR 230 (OCR 1991).]

មានភាពខុ​សគ្នា​សំខាន់​មួយទៀតរវាងការអប់រំពិសេស និងនីតិវិធី​វិន័យក្រោម​ផ្នែ​ក​​ 504។  មិនដូចនីតិវិធី​វិន័យក្រោមច្បាប់​ IDEA នោះទេ នីតិវិធីក្រោមផ្នែក​ 504 មិនមានលក្ខខណ្ឌ​ “ស្ថិតនៅជា​បន្ត” នោះទេ​។ ហេតុដូច្នេះ ការដាក់បញ្ចូល​សិស្ស​ក្រោម​ផ្នែក 504 អាចត្រូវបានផ្លាស់ប្តូរ ពុំនោះសោត​ គាត់​អាច​ត្រូវ​បាន​គេ​បណ្តេញ​ចេញ នៅពេលដែលសវនាការផ្នែក 504 មិនទាន់សម្រេច​កាត់​សេចក្តីនៅឡើយ​។ ប៉ុន្តែ ការិយាល័យ OCR បានណែនាំ​ថា​ការផ្លាស់ប្តូរ​ការដាក់​បញ្ចូលសិស្ស ​មុន​ពេល​ដែល​ឪពុកម្តាយបាន​តវ៉ា​ការ​សម្រេចចិត្តនេះ “ហាក់ដូចជាធ្វើឲ្យប៉ះពាល់ដល់​សិទ្ធិ​ដែលផ្តល់ដោយកិច្ច​ដំណើរការ​ត្រឹមត្រូវតាមច្បាប់” ហើយ​ “ប្រព័ន្ធ​នីតិវិធី​កិច្ច​ដំណើរ​ការត្រឹមត្រូវតាមច្បាប់​ដោយ​យុត្តិធម៌​អាច​នឹង​បណ្តាល​ឲ្យ​មណ្ឌលសិក្សាធិការ​ត្រូវ​រង់ចាំលទ្ធផលនៃកិច្ច​ដំណើរការនោះ មុនពេលធ្វើការផ្លាស់ប្តូរ”។ [Letter to Zirkel,​22 IDELR 667(1995).] ប្រសិន​បើអាកប្ប​កិរិយាពាក់ព័ន្ធនឹងការប្រើប្រាស់គ្រឿងស្រវឹង ឬគ្រឿងញៀន​ខុស​ច្បាប់នាពេលបច្ចុប្បន្ន មណ្ឌលសិក្សា​ធិការ​អាចចាត់វិធានការ​វិន័យ​ទៅលើ​សិស្សដែលមានពិការភាពដូចគ្នានឹងវិធានការទៅលើ​វិន័យប្រឆាំងទៅនឹង​អ្នក​ដែល​​មិនមានពិការភាពដែរ​។ នីតិវិធី​កិច្ច​ដំណើរការ​ត្រឹមត្រូវតាមច្បាប់​​ដែល​បាន​ពិភាក្សាខាង​លើ មិនត្រូវ​បានអនុវត្ត​នោះទេ​ នៅពេល​ដែល​​វិ​ធានការ​​​​វិន័យ​កើត​ឡើង​ដោយសារ​ការសេព​គ្រឿងញៀន ឬគ្រឿងស្រវឹងខុស​ច្បាប់​នាពេល​បច្ចុប្បន្ន​​​​​ដោយ​​សិស្សដែលមានពិការភាព។ [29 U.S.C. Sec. 705(20)(C)(iv).]

(8.21) តើកូនរបស់ខ្ញុំមានសិទ្ធិអ្វីខ្លះ​ដើម្បីត្រឡប់ចូលរៀន​នៅសាលា​វិញ​នៅ​ក្នុង​មណ្ឌលសិក្សា​ធិការ​ដែល​បណ្តេញ​គាត់​ចេញ​?

ក្រុមប្រឹក្សាអប់រំនៃមណ្ឌលសិក្សាធិការ ត្រូវអនុម័ត​នូវ​វិធាន និងបទប្បញ្ញត្តិ​នានា​ក្នុង​​មូលដ្ឋាន​ដែល​​បង្កើត​នូវ​នីតិវិធី​សម្រាប់កិច្ច​ដំណើរការស្នើសុំ​ការអនុញ្ញាតឲ្យ​សិស្ស​​ដែលត្រូវបាន​បណ្តេញ​ចេញ​ឲ្យចូល​រៀន​វិញ​។ ប៉ុន្តែ ការអនុញ្ញាត​ចូលរៀន​វិញ មិនមែនចូលបានដោយស្វ័យប្រវត្តិទេ។ មណ្ឌលសិក្សាធិការរបស់អ្នក ត្រូវ​តែ​កំណត់ថាកូនរបស់​អ្នកអាច​ត្រូវ​បាន​អនុញ្ញាត​ឲ្យ​ចូលរៀន​វិញនៅ​មណ្ឌលសិក្សា​ធិកា​រ​នោះ​។ [Cal. Ed. Code Sec. 48916.]

បន្ទាប់ពីការ​បោះ​ឆ្នោត​បណ្តេញចេញ​កូនអ្នក​ ក្រុមប្រឹក្សាភិបាលអាច​ផ្អាកការ ក្រុមប្រឹក្សាអប់រំនៃមណ្ឌលសិក្សាធិការ ត្រូវអនុម័ត​នូវ​វិធាន និងបទប្បញ្ញត្តិ​នានា​ក្នុង​​មូលដ្ឋាន​ដែល​​បង្កើត​នូវ​នីតិវិធី​សម្រាប់កិច្ច​ដំណើរការស្នើសុំ​ការអនុញ្ញាតឲ្យ​សិស្ស​​ដែលត្រូវបាន​បណ្តេញ​ចេញ​ឲ្យចូល​រៀន​វិញ​។ ប៉ុន្តែ ការអនុញ្ញាត​ចូលរៀន​វិញ មិនមែនចូលបានដោយស្វ័យប្រវត្តិទេ។ មណ្ឌលសិក្សាធិការរបស់អ្នក ត្រូវ​តែ​កំណត់ថាកូនរបស់​អ្នកអាច​ត្រូវ​បាន​អនុញ្ញាត​ឲ្យ​ចូលរៀន​វិញនៅ​មណ្ឌលសិក្សា​ធិកា​រ​នោះ​។ [Cal. Ed. Code Sec. 48916.]

សេចក្តីបង្គាប់​ឲ្យ​បណ្តេញ​​កូន​របស់អ្នកចេញ ​ត្រូវតែបញ្ជាក់ពីកាលបរិច្ឆេទ​ដែល​គា​​ត់​អាច​ដាក់ពាក្យ​ស្នើសុំ​ដើម្បី​ទទួលបានការអនុញ្ញាតចូលរៀនវិញ។ កាលបរិច្ឆេ​ទ​នោះ មិនអាចហួសផុត​​ថ្ងៃចុងក្រោយនៃឆមាសបន្ទាប់ពី​ឆមាស​ដែល​ការបណ្តេ​​​ញ​ចេញ​បាន​កើត​​ឡើងនោះទេ ប៉ុន្តែអាចមុនកាលបរិច្ឆេទ​កំ​ណត់នេះ​បាន។ សេចក្តី​បង្គាប់​នេះ អាចរួមបញ្ចូលនូវ​ផែនការនៃការស្តារ​នីតិសម្បទា​ដែលកូន​របស់អ្នក​ត្រូវតែ​អនុវត្ត​តាម​ក្នុង​​អំឡុង​​ពេលនៃការបណ្តេញចេញនោះ​។ វាក៏អាចរួម​បញ្ចូល​ផងដែរ​នូវ​ការវាយតម្លៃ នៅពេលដាក់ពាក្យសុំ​អនុញ្ញាតចូលរៀន​​វិញនោះ​​ផង​ដែរ​។ ផែនការនេះ ក៏អាចរួមបញ្ចូលនូវការណែនាំសម្រាប់ការលើក​កម្ពស់សកម្មភាព​សិ​ក្សា ការបង្រៀន ការ​វាយ​តម្លៃ​ផ្នែកអប់រំពិសេស ការបណ្តុះបណ្តាល ការងារ ការពិគ្រោះ​យោបល់ការងារ សេវាកម្មសហគមន៍ ឬ​កម្មវិធី​ស្តារនីតិ​សម្បទា​ផ្សេង​ទៀត​។ [Cal. Ed. Code Sec. 48916.] ប្រសិនបើមា​នហេតុផលណាមួយ​សម្រាប់​​ការបណ្តេញចេញដែលពាក់ព័ន្ធនឹងសារធាតុ​ដែលមានគ្រប់គ្រង​តឹងរ៉ឹង​ ឬគ្រឿង​ស្រវឹង​ មណ្ឌលសិក្សាធិការតម្រូវឲ្យកូនរបស់អ្នកចូលក្នុង​កម្មវិធីស្តារនីតិសម្ប​​ទា​​គ្រឿងញៀន​ដែល​គាំទ្រដោយខោនធី ដែលជាលក្ខខណ្ឌមួយ​នៃការអនុញ្ញាត​ឲ្យ​ចូលរៀនវិញ និង​ដោយ​មានការ​យល់ព្រម​ពី​អ្នក​។ [Cal. Ed. Code Sec. 48916.​5​.​]

(8.22) ប្រសិនបើកូនរបស់ខ្ញុំត្រូវបានគេបណ្តេញចេញ តើមានវិធាន​អ្វីខ្លះ​ដែលគ្រប់គ្រង​លើការ​អនុញ្ញាត​ឲ្យ​កូន​ខ្ញុំ​​​ទៅ​មណ្ឌលសិក្សាធិការថ្មី?

កូនរបស់អ្នក អាចទទួលការ​អនុញ្ញាតឲ្យចូលរៀននៅមណ្ឌលសិក្សាធិការមួយ​ផ្សេង​ទៀត​បាន​ លុះត្រាតែ៖

1.  គាត់តាំងទីលំនៅស្របច្បាប់នៅក្នុងដែនសមត្ថកិច្ចរបស់មណ្ឌល​  សិក្សាធិការថ្មី។ ឬ
2.  មណ្ឌលសិក្សាធិការបច្ចុប្បន្នរបស់គាត់ ផ្តល់ឲ្យគាត់នូវការផ្ទេរពី​មណ្ឌល​សិក្សា​ធិការ​មួយ​ទៅមណ្ឌលសិក្សា​មួយ​ទៀត​​។

[Cal. Ed. Code Secs. 46600(c) (ផ្ទេរសម្រាប់សិស្សដែលត្រូវបានបណ្តេញចេញ), 46601 (បណ្តឹងឧទ្ធរណ៍) & 46603 (ការអនុញ្ញាតឲ្យចូលរៀនវិញ​ជា​បណ្តោះ​អាសន្ន​)​]

មណ្ឌល​សិក្សាធិការថ្មី អា​ចស្នើសុំ​ព័ត៌មាន និង/ឬការណែនាំពីមណ្ឌល​សិក្សាធិការ​ចាស់ ហើយបន្ទាប់មក​នឹង​បើក​សវនាការ​ដើម្បីកំណត់ថាតើកូនរបស់អ្នកបង្កគ្រោះថ្នាក់ជាបន្តដល់សិស្ស ឬបុគ្គលិក​របស់​មណ្ឌល​សិក្សា​ធិការ​​ថ្មីទៀតដែរឬទេ។ [Cal. Ed. Code Secs. 48915.1(a)-(b).] សវនាការនេះធ្វើឡើងតាមវិធាន និងនីតិវិធីដូចគ្នានឹងសវនាការលើការ​បណ្តេញ​ចេញ​ធម្មតាដែរ។ [Cal. Ed. Code Sec. 48918.] ប្រសិនបើប​ន្ទាប់ពីសវនាការ​នោះ​មក​ មណ្ឌលសិក្សាធិការកំណត់ថាកូនរបស់អ្នកបង្កគ្រោះថ្នាក់ជាបន្ត ពេល​នោះ​មណ្ឌលសិក្សា​ធិការ​អាចកំណត់​លក្ខខណ្ឌ​ចុះឈ្មោះចូលរៀន​នៅលើការ​ចូល​រួមនៅ​ក្នុងកម្មវិធី​ដែលបានកំណត់ណាមួយ​ ឬអាច បដិសេធ ការស្នើសុំ​ការ​អនុញ្ញាតឲ្យ​ចុះឈ្មោះចូលរៀននោះ​។ [Cal. Ed. Code Secs. 48915.1(c)-(d).] ប្រសិនបើមណ្ឌលសិក្សាធិការកំណត់ថាកូនរបស់អ្នកមិនបង្កគ្រោះថ្នាក់ជាបន្តនោះទេ​ ពេលនោះ​មណ្ឌល​សិក្សា​ធិការ​ត្រូវតែអនុញ្ញាត​ឲ្យគាត់​ចូលរៀន​ទៅ​សាលា​រៀនណា​មួយរបស់ខ្លួន​សម្រាប់​រយៈពេល​ដែល​នៅសល់​បន្ទាប់ពី​ការបណ្តេញ​ចេញ​នោះ​ ប្រសិនបើគាត់បានតាំងទីលំនៅក្នុងមណ្ឌលសិក្សាធិការថ្មី ឬទទួល​បាន​​ការផ្ទេរឆ្លង​មណ្ឌលសិក្សាធិការ​នោះ។ [Cal. Ed. Code Sec. 48915.1(e).] ប្រសិនបើអ្នកមិនបានជូនដំណឹងដល់មណ្ឌលសិក្សាធិការថ្មីអំពីការបណ្តេញចេញពីមណ្ឌលសិក្សាធិការចាស់ នោះទេ ហើយ​មណ្ឌលសិក្សាធិការថ្មីរកឃើញ​ពី​ការបណ្តេញចេញ​នោះ ​ការ​មិនជម្រាប​ប្រាប់​​ព័ត៌មាន​​​​នេះ​ នឹង​​ត្រូវ​​បានកត់ត្រាទុក ​ហើយអាចនឹង​ត្រូវយកមក​ពិភាក្សានៅក្នុង​សវនាការលើការអនុញ្ញាតចូល​រៀន​រិញ​​​​ដែល​បានពិពណ៌នាខាងលើ។

​ប៉ុ​ន្តែ ប្រសិនបើកូនរបស់អ្នកត្រូវបានបណ្តេញចេញដោយសារហេតុផលណា​មួយខាងក្រោម ពេលនោះ​គាត់​មិន​អាចចុះឈ្មោះចូលរៀន​នៅក្នុង​មណ្ឌល​សិក្សា​ធិការ​របស់រដ្ឋកាលីហ្វ័រញ៉ា​ផ្សេងទៀត​ក្នុងអំឡុង​ពេល​នៃ​ការ​បណ្តេញ​គាត់ចេញ​បាន​ទេ លើកលែងតែក្នុងករណី​សាលាសហគមន៍ប្រចាំ​ខោនធី ឬសាលាយុវ​តុលា​ការ៖

1.  បង្កឲ្យមានរបួស​លើរាងកាយធ្ងន់ធ្ងរដល់អ្នកដទៃ (លើកលែងតែក្នុងករណី ការពារខ្លួន)។
2. ការយក​កាំបិត សារធាតុ​ផ្ទុះ ឬវត្ថុគ្រោះថ្នាក់ផ្សេងទៀតមកតាមខ្លួន​ដោយ​ មិនមាន​ការប្រើប្រាស់សមស្រប​សម្រាប់​គាត់នៅក្នុងបរិវេណ​សាលា ឬ សកម្មភាព​ខាងក្រៅ​បរិវេណ​សាលា​។
3.  ការយក​តាមខ្លួន​នូវ​សារធាតុដែលមាន​ការ​គ្រប់គ្រងតឹងរ៉ឹង​។
4.  ចូលរួមក្នុងអំពើប្លន់ ឬចាប់ជំរិតទារប្រាក់។
5.  ការបំពារបំពាន ឬវាយដំ​។
6.  ការកាន់កាប់​ ឬការ​លក់កាំភ្លើង។
7.  ការ​គ្រវីកាំបិត។
8.  ការ​លក់សារធាតុ​ដែលមានការគ្រប់គ្រង​តឹងរ៉ឹង​ ឬ
9.  ការ​បំពារបំពានផ្លូវភេទ។

[Cal Ed. Code Secs. 48915.1, 48915(a) & (c), 48915.2(a).]

បន្ទាប់ពីរយៈពេលនៃការបណ្តេញចេញ (ដោយសារ​ហេតុផលណាមួយខាងលើ) ត្រូវ​បានបញ្ចប់ កូនរបស់អ្នក​អាច​ទទួលបាន​ការអនុញ្ញាតឲ្យចូលរៀននៅក្នុង​មណ្ឌ​ល​សិក្សាធិការថ្មី ប្រសិនបើគាត់​បំពេញ​តាម​លក្ខខណ្ឌ​តម្រូវ​នៃ​ទីកន្លែង​ស្នាក់​នៅ​ ឬ​ការ​ផ្ទេរឆ្លង​មណ្ឌលសិក្សាធិការ​។ ការអនុញ្ញាតឲ្យចុះឈ្មោះចូលរៀ​ននឹងត្រូវ​បាន​ពិចារណា លុះត្រា​តែ​ក្រោយពេល​សវនាការ មណ្ឌលសិក្សា​ធិការ​ថ្មី​កំណត់ថា​គាត់​មិនបង្កគ្រោះថ្នាក់ជាបន្ត។

ប្រសិ​នបើកូនរបស់​អ្នកត្រូវ​​បា​នបណ្តេញចេញ ហើយបាន​ចុះឈ្មោះ​ចូលរៀន​មណ្ឌល​សិក្សាធិការថ្មី ពេលនោះ​មណ្ឌល​សិក្សាធិការថ្មីត្រូវ​បន្តផ្តល់សេវាកម្ម​អប់រំ​ពិសេស និងសេវាកម្មពាក់ព័ន្ធដល់កូនរបស់អ្នកប្រហាក់​ប្រហែល​គ្នាទៅនឹងកម្ម​វិ​​ធី IEP បច្ចុប្បន្នរបស់សិស្ស។

(8.23) កូនរបស់ខ្ញុំមានបញ្ហាអាកប្បកិរិយាដែលអាចធ្វើឲ្យគាត់ប្រឈម​នឹងការផ្អាកការសិក្សា​ និង/ឬ​ការ​បណ្តេញ​ចេញ​។ តើមានសេវាកម្ម​ពិសេស ឬការការពារសម្រាប់គាត់ដែរឬទេ​?

ក្រោមច្បាប់របស់រដ្ឋ និងសហព័ន្ធនាពេលបច្ចុប្បន្ននេះ មជ្ឈមណ្ឌល​សិក្សាធិការ ត្រូវ ផ្តល់សេវា ​និង​ការគាំទ្រ​នានា​​ទាក់ទងនឹង​អាកប្បកិរិយា រួមមាន​ការវាយ​តម្លៃ​មុខងារអាកប្បកិរិយាលម្អិត និង​ផែនការ​អន្តរាគមន៍​​​អាកប្បកិរិយាវិជ្ជមាន​ជាដើម​ ប្រសិនបើ​ចាំបាច់ នៅ​ពេលដែល​សិស្សណា​​ម្នាក់​មាន​អាកប្បកិរិយា​ដែល​ប៉ះពាល់​ដល់​ការសិក្សារបស់សិស្សនោះ ឬដល់សិស្សដទៃទៀត។ [Cal. Ed. Code Sec. 56520(b)(3). [មើលការវាយតម្លៃ​ និងការធ្វើផែនការអាកប្បកិរិយា​វិជ្ជមាននៅ​តាម​សាលា៖ ព្រឹត្តិ​បត្រ​ព័ត៌មានប្រចាំខែមិថុនា ឆ្នាំ2015 និង http://www.disabilityrightsca.org/pubs/CM6001.pdf.]

ប្រសិនបើកូនរបស់អ្នកមានអាកប្បកិរិយាដែលប៉ះពាល់ដល់ការសិក្សារ​បស់កូន​អ្ន​ក ឬកុមារដទៃទៀត​ ពេលនោះ​ច្បាប់សហព័ន្ធតម្រូវឲ្យក្រុមការងារ​កម្មវិធី​ IEP ត្រូវ​ធ្វើការពិចារណាថាតើការគាំទ្រផ្នែក​អាកប្បកិរិយា ​និង​យុទ្ធសាស្រ្ត​​ និងសេវាកម្ម​មួយ​ណា​ដែលត្រូវការចាំបាច់​ ដើម្បីឲ្យកូន​របស់អ្នក​អាច​ទទួល​បាន​​អត្ថប្រយោជន៍​ ពីការអប់រំនៅក្នុងមជ្ឈដ្ឋាន​ដែលមានការរឹតបណ្តឹងតិចតួច។ [34 C.F.R. Sec. 30​0.​324(a)(2), (b)(2); Cal. Ed. Code Sec. 56521.2(b).] មណ្ឌលសិក្សាធិការ ត្រូវ​ផ្ត​ល់​ប្រភេទនៃការវាយតម្លៃ ផែនការ សេវាកម្ម ឬការគាំទ្រដែលក្រុមការងារ​ផែនការ​ IEP របស់កូនអ្នកកំណត់ថាចាំបាច់ដើម្បីជួយដោះស្រាយ​បញ្ហា​អាកប្បកិរិ​យាកូន​អ្នក​។  អាកប្បកិរិយារបស់កូនអ្នក មិនគួររារាំងគាត់មិនឲ្យ​ទទួលបានឱកាស​សម្រា​​ប់​​អត្ថប្រយោជន៍​ពីការអប់រំ ឬទទួលការអប់រំក្នុងមជ្ឈដ្ឋានដែល​មាន​ការ​រឹត​បណ្តឹងតិចតួចទេ។ 

ប្រសិនបើកូនរបស់អ្ន​កមានបញ្ហាអាកប្បកិរិយាធ្ងន់ធ្ងរ ដូចជា​មានភាព​ឆេវឆាវ ឬ​អាកប្បកិរិយា​បង្ក​គ្រោះ​ថ្នាក់​​​ដល់ខ្លួនឯងជាដើម​ ពេលនោះ​ក្រុមការងារ​កម្មវិធី​ IE​P គួរពិចារណាថាតើកូនរបស់អ្នក​ត្រូវការ​ការ​វាយ​តម្លៃ​អាកប្បកិរិយាមុខងារ (Functional Behavioral Assessment, FBA) ឬផែនការអន្តរាគមន៍ អាកប្ប​កិរិយា (Behavioral Intervention Plan, BIP) ដែរឬទេ​ រួមជាមួយនឹងការពិ​ចារណា​លើ​សេវាកម្ម ឬ​យុទ្ធសាស្ត្រ​ផ្សេង​ទៀតដើម្បីដោះស្រាយតម្រូវ​ការអាកប្បកិរិយា​របស់​គាត់។ ប្រសិនបើកូនរបស់អ្នកមានផែនការ​ BIP ដែលមិន​ទាន់មានប្រសិទ្ធភាព​នៅ​ក្នុងការដោះស្រាយ​បញ្ហា​អាកប្បកិរិយាខុសប្រក្រតី​របស់កូនអ្នកបាននោះទេ​ អ្នកគួរបង្ហាញប្រាប់​​អំពីបញ្ហា​នេះទៅដល់​​ក្រុមការងារ​កម្មវិធី​ IEP និងស្នើសុំឲ្យ​កូន​របស់អ្នក​ទទួលបាន​ការវាយតម្លៃ​ FBA លម្អិត ដើម្បីឲ្យក្រុម​ការងា​រកម្មវិធី IEP មាន​ព័ត៌មានគ្រប់គ្រាន់ដើម្បី​ធ្វើការអភិវឌ្ឈផែនការ​ ​BIP បានលម្អិតជាងនេះ​។

សូមចង​ចាំថាមុនពេលសិស្សដែលមានពិការភាពអាចត្រូវបានបណ្តេញចេញ មណ្ឌល​​សិក្សាធិការ​ត្រូវរៀបចំ​កិច្ចប្រជុំកំណត់ការ​សម្តែង​ចេញ​​អាកប្បកិរិយា។ ប្រសិនបើមណ្ឌលសិក្សាធិការចង់បណ្តេញសិស្សចេញដោយសារ​អាកប្បកិរិយា​ណាមួយ​ដែលបាន​ផ្តោត​ជា​គោលដៅ​សម្រាប់​ការផ្លាស់ប្តូរ​ក្រោមផែនការ​ BIP ដែល​​មាន​នៅក្នុងកម្មវិធី IEP របស់សិស្ស ពេលនោះ​ក្រុម​ការងារ​​កម្មវិធី​ IEP ចាំបាច់​ត្រូវ​តែ​រកឲ្យ​ឃើញច្បាស់ថា​​អាកប្បកិរិយានេះ​ គឺជាការ​សម្តែង​ឲ្យ​ឃើញនូវ​​ពិការភាព​​​​​របស់​សិស្ស។ ម្យ៉ាង​ទៀត​ មណ្ឌលសិក្សាធិការអាចនឹង​មិនបាន​ការអនុវត្ត​​ផែនកា​រ​ BIP ដែលតម្រូវ​ឲ្យ​មាន​នៅក្នុង​កម្មវិធី IEP។ ទោះ​ក្នុង​ស្ថានភាព​ណាមួយក៏ដោយ​​ ការបណ្តេញចេញនេះ​ អាច​នឹងត្រូវបាន​ហាមឃាត់។ ដូច្នេះ អ្នកត្រូវតែប្រាកដថា​ផែនការ​​ BIP របស់កូនអ្នក ដោះស្រាយ​បញ្ហា​​អាកប្បកិរិយា​​របស់​កូនអ្នកយ៉ាង​ជាក់​​​លាក់​​គ្រប់ជ្រុងជ្រោយ។ ​នេះ​នឹង​ការពារ​កូនអ្នកបាន​ល្អ​ប្រសើរជាងមុនពី​ការ​បញ្ជូ​ន​​​​បន្ត​សម្រាប់​​ការបណ្តេញ​ចេញ​ដោយសារ​អាកប្បកិរិយា​​ទាំង​នោះ​។ មណ្ឌល​សិក្សា​ធិការ អាចនឹងផ្អាកសិស្សដែលត្រូវការការអប់រំពិសេសដោយសារ​កាប្រព្រឹត្តខុស​ ទោះបី​អាកប្បកិរិយាពាក់ព័ន្ធនោះ​ ត្រូវបានផ្តោត​ជា​គោលដៅ​សម្រា​ប់​ការផ្លាស់ប្តូរ​នៅ​ក្នុងផែនការ​​​ BIP របស់​​សិស្ស​ក៏​ដោយ​ (យោង​តាម​​ដែន​កំណត់​លើការផ្អាកការសិក្សា​ដែលបានពិភាក្សាខាងលើ)។ ប៉ុន្តែ នៅក្នុងការណែ​នាំ​នាពេលថ្មីៗនេះ ការិយាល័យនៃសេវាកម្មអប់រំពិសេស និងស្តារនីតិសម្បទា (Office of Special Education and Rehabilitation Services, OSERS) បាន​បញ្ជា​ក់ថាច្បាប់​ IDEA មិនផ្តល់ឲ្យ​បុគ្គលិក​សាលា​នូវសិទ្ធិអំណាច​ទូលំ​ទូលា​យ​​ក្នុង​ការផ្អាកការសិក្សា​​រយៈពេល​តិចជាងដប់ថ្ងៃ​ ដោយមិនបាន​ពិចារណា​ថាតើ​កម្មវិធី IEP ឬផែនការ​ BIP របស់កុមារ​ត្រូវបានដោះស្រាយបញ្ហា​អាកប្បកិរិយា​របស់​គាត់​បាន​សមស្រប​ដែរឬទេ​។ ម្យ៉ាង​ទៀត ការផ្អាកការសិក្សា​ច្រើនលើក​ច្រើន​សារ​ក្នុង​​រយៈពេល 10 ថ្ងៃ ឬតិចជាងនេះ​អាចបង្ហាញ​ថា​កម្មវិធី​​​ IEP របស់​កុមារ​មិនត្រូវបាន​គណនាឲ្យបាន​សមស្រប​ដើម្បីផ្តល់នូវអត្ថប្រយោជន៍​អប់រំ​គ្រប់​គ្រាន់​នោះទេ​ ហើយក្រុមការងារ​កម្មវិធី​ IEP គួរតែដោះស្រាយបញ្ហា​តម្រូវការ​សម្រាប់​​ជំនួយ​ផ្នែក​អាកប្បកិរិយា​បន្ថែម​ទៀត​។ [OSERS, Dear Colleague Letter on the Inclusion of Behavioral Supportsin Individualized Education Plans, available at: https://www2.ed.gov/policy/gen/guid/school-discipline/files/dcl-on-pbis-in-ieps--08-01-2016.pdf.]

(8.24) តើមានច្បាប់ដែលហាមឃាត់យ៉ាងជាក់លាក់លើការរៀបចំ​កម្មវិធី ឬបច្ចេកទេសផ្នែក​អាកប្បកិរិយាមួយ​ចំនួន​​ដែរឬទេ?

បាទ/ចាស​។ តាមច្បាប់របស់រដ្ឋ “អន្តរាគមន៍បន្ទាន់” ដូចជាការ​ចាប់​ចង និងការ​ដាក់​ឲ្យនៅដាច់​ដោយឡែកពី​គេ​ជាដើម អាច​ត្រូវបានប្រើប្រាស់​តែក្នុងករណី​ដូច​ខាង​ក្រោម​៖

1. កូនរបស់អ្នកបង្ហាញ​​អាកប្បកិរិយាស្តែងចេញមក​ដោយ​ឯកឯង​ និងមិន​អាច​​ដឹង​​ជាមុន​បាន​ ហើយ​
2. អាកប្បកិរិយានេះបង្ហាញពីការបង្ករ​គ្រោះថ្នាក់លើ​​រាងកាយធ្ងន់ធ្ងរដ​ល់​សិស្ស​នោះ​ ឬអ្នកដទៃទៀត ហើយ​
3. អាកប្បកិរិយាគ្រោះថ្នាក់នោះ មិនអាចការពារបានភ្លាមៗដោយប្រើប្រាស់​វិធាន​ការឆ្លើយតប​ដែលមានការ​រឹត​ត្បិតតិចតួចជាជាង​​ការប្រើប្រាស់​អន្តរាគមន៍​បន្ទាន់នេះ​​។

អន្តរាគមន៍បន្ទាន់ មិនអាចយកទៅ​ប្រើប្រាស់​​ជំនួស​ផែនការអន្តរាគមន៍​អាកប្បកិរិ​យា​​វិជ្ជមាន​ដែល​មាន​រយៈពេលយូរ​ជាង​កម្រិត​នៃ​ភាព​ចាំបាច់​ដើម្បី​ទប់ស្កាត់​អាកប្បកិរិ​យានោះទេ​​ ឬមិន​ប្រើប្រាស់​ប្រើ​កម្លាំង​លើសពី​កម្រិត​នៃ​ភាព​សមស្រប​ និងចាំបាច់នៅក្នុងស្ថានភាព​នោះ​។ [Cal. Ed. Code Sec. 56521.1.]

ច្បាប់​​រដ្ឋចែងនូវ​គោលការណ៍ណែនាំយ៉ាងជាក់លាក់ស្តីពីការដោះស្រាយ និង​ការ​ច​ង​ក្រង​ឯកសារស្តីពី​ករណី​បន្ទាន់​​ផ្នែក​អាកប្បកិរិយា។ បន្ទាប់ពីអន្តរាគមន៍បន្ទាន់ សាលាត្រូវទាក់ទងឪពុកម្តាយ/អាណាព្យាបាល​ ក្នុងរយៈពេលមួយ​ថ្ងៃនៃ​ថ្ងៃ​សិក្សា​​​។ លើសពីនេះទៀត សាលាត្រូវបំពេញ​ “ភ្លាមៗ” នូវរបាយការណ៍បន្ទា​ន់ផ្នែក​អាកប្បកិ​រិ​យា ( Behavioral Emergency Report, BER) ដែលនឹង​ត្រូវរក្សាទុកនៅ​ក្នុ​ង​សំណុំ​ឯកសាររបស់សិស្ស។ របាយការណ៍ BER ត្រូវតែមាន៖

1.   ឈ្មោះ និងអាយុរបស់បុគ្គលដែលមានតម្រូវការពិសេស។
2.   មជ្ឈដ្ឋាន​ និងទីតាំងនៃហេតុការណ៍​។
3.   ឈ្មោះបុគ្គលិក ឬអ្នក​ពាក់ព័ន្ធផ្សេងទៀត​។
4. ការពិពណ៌នាអំពីហេតុការណ៍​ និងអន្តរាគមន៍បន្ទាន់​ដែល​បាន​ប្រើ​ប្រាស់​ ហើយ​​ថាតើសិស្សបច្ចុប្បន្នមានផែនការ​ BIP ដែរឬអត់​។ និង
5. ពត៌មានលម្អិតនៃការរងរបួសដែលសិស្ស​ ឬអ្នកដទៃទៀតបាន​ទទួល​រង​  រួមទាំងបុគ្គលិកផងដែរ​។

[Cal. Ed. Code Sec. 48915.1(e).]

រាល់របាយការណ៍​ BER ទាំងអស់ត្រូវតែបញ្ជូនបន្ត និងត្រួតពិនិត្យភ្លាមៗ ដោយ​រដ្ឋ​បាល​ដែលទទួលបាន​ការ​​ចាត់តាំង។ [Cal. Ed. Code Sec. 56521.1(f).] ប្រសិនបើរបាយការណ៍​ BER ត្រូវបានសរសេរជាលាយលក្ខណ៍អក្សរ​អំពីសិស្ស​ដែលមិនមានផែនការ​ BIP ពេលនោះ​សាលាត្រូវកំណត់ពេលប្រជុំ IEP ក្នុងរយៈ​ពេលពីរថ្ងៃ​ ដើម្បីពិភាក្សា​ថាតើ​ត្រូវការផែនការ​នេះ​ដែរ​ឬ​អត់​​។ ប្រសិនបើ​សិស្ស​មាន​ផែនការ​ BIP ហើយហេតុការណ៍​នោះពាក់ព័ន្ធ​នឹង​បញ្ហាអាកប្បកិរិយាធ្ងន់ធ្ងរ​ដែល​មិន​បាន​កត់សម្គាល់​ឃើញពីមុនមក​ ឬអន្តរាគមន៍ដែលបានបង្កើត​​ឡើងពី​មុន​មក​គ្មានប្រសិទ្ធភាព ពេល​នោះ កម្មវិធី IEP គួរតែជួបប្រជុំ​ដើម្បី​កំណត់ថា​តើ​ត្រូវ​កែប្រែផែនការ​ BIP ដែរ​ឬទេ។ [Cal. Ed. Code Sec. 56521.1(g)-(h).]

សូម្បី​តែក្នុងករណីបន្ទាន់ (និងនៅ​ក្នុងសេវាកម្មអាកប្បកិរិយាផ្សេងទៀតទាំងអស់) អន្តរាគមន៍បន្ទាន់​ដែល​ប្រើ​ដោយមណ្ឌលសិក្សាធិការ មិនអាចបណ្តាល​ឲ្យ​មាន​ការ​ឈឺចាប់ ឬរបួសឡើយ។ [Cal. Ed. Code Secs. 56520(a)(4), 56521.2(a).] អន្តរាគមន៍បន្ទាន់ដែលត្រូវហាមឃាត់ជាក់លាក់ រួមមាន​៖

1.  ការ​បង្កឲ្យមានការឈឺចាប់លើរូបរាងកាយ រួមមានការឆក់អគ្គិសនី​ជាដើម​។
2.  ការបញ្ចេញជាតិពុលមានគ្រោះថ្នាក់​ ឬការ​បាញ់ស្ព្រាយ​ធុំ​ខ្លឹន​មិនល្អ​ ចំហា​យ​​ ឬ សារធាតុផ្សេងទៀត​នៅ​ជិត​​មុខសិស្ស
3.  មិន​ឲ្យគេងបានគ្រប់គ្រាន់ មិនឲ្យញ៉ាំអាហារ ទឹក ទីជម្រក កន្លែងគេង ភាព​សុខស្រួលផ្នែករាងកាយ ឬការចេញចូល​ទៅក្នុង​កន្លែងបន្ទប់ទឹក។
4.  ការ​ធ្វើឲ្យសិស្សទទួលរង​ការធ្វើបាប​តាមរយៈពាក្យសម្តី​ ការសើចចំអក​ ការ​ធ្វើឲ្យខ្មាស់គេ។
5.  ប្រើប្រាស់វត្ថុដែលទប់មិនឲ្យដៃ​ជើង​​កម្រើកបាន​។
6.  ចាក់សោដាក់ឲ្យនៅដាច់ដោយឡែកពីគេ។
7.  រារាំងមិនឲ្យមាន​ការ​គ្រប់គ្រងសមស្របទៅលើបុគ្គលនោះ​ និង
8.  រារាំង​មិន​ឲ្យ​បុគ្គល​នោះ​ប្រើប្រាស់​ឥន្ទ្រីយារម្មណ៍​​ណាមួយ​របស់ខ្លួន​។​

[Cal. Educ. Code Sec. 56521.2(a).]

ប៉ុន្តែក្នុងករណីមានភាពបន្ទាន់ផ្នែក​អាកប្បកិរិយា បុគ្គលិកសាលាដែល​បានទទួល​ការ​បណ្តុះបណ្តាល​ត្រឹមត្រូវ​ អាចប្រើប្រាស់វិធានការ​ចង​ទប់ដោយ​ដេកផ្ងារ​ឬ​ផ្កាប់​។ [Cal. Ed. Code Sec. 56521.1(d)(2).]

(8.25) តើខ្ញុំអាចធ្វើអ្វីបានប្រសិនបើគ្រូ ឬបុគ្គលិកសាលាផ្សេងទៀត​ធ្វើ​បាប​ផ្លូវ​កាយ​ ឬផ្លូវចិត្តរបស់កូនខ្ញុំ?

មិន​ថា​ស្ថិតក្នុងបរិបទ “វិន័យ” ឬបរិបទ​ផ្សេងពីនេះ​នោះទេ​ ​ពាក្យបណ្តឹងអាចត្រូវ​បាន​ដាក់​ទៅកាន់​នាយកដ្ឋាន​អប់រំរដ្ឋកាលីហ្វ័រញ៉ា (California Department of Education, CDE) ក្រោមនីតិវិធីបណ្តឹងរួម​មួយ​​​​​​​​​ (Uniform Complaint Procedure) ប្រ​សិនបើ៖ (1) កុមារម្នាក់ ឬច្រើននាក់ស្ថិតក្នុងគ្រោះថ្នាក់​លើ​រាងកាយបន្ទាន់ ឬ (2) សុវត្ថិភាព ឬសុខុមាលភាព​របស់​កុមារ​ម្នាក់ ឬច្រើននាក់ស្ថិត​ក្នុង​ការគំរាម​កំហែង​។ នាយកដ្ឋាន​ CDE ត្រូវតែធ្វើអន្តរាគមន៍ដោយផ្ទាល់ និង​មិនបញ្ជូន​ពាក្យ​បណ្តឹង​ទៅមណ្ឌលសិក្សា​ធិការ​ដើម្បី​ធ្វើការស៊ើបអង្កេតក្នុងមូលដ្ឋាននោះទេ​។ [5 C.C.R. Secs. 4611(a) & 4650(a)(7)(C).] សូមមើលសំណួរទាក់ទងនឹងពាក្យ

បណ្តឹង​ស្តីពីការអនុវត្តបណ្តឹងតាមច្បាប់ក្នុងជំពូក​ 6 ព័ត៌មាន​ស្តីពីកិច្ច​​ដំណើរ​ត្រឹម​ត្រូ​វតាមច្បាប់​/នីតិវិធីប​ណ្តឹង​​។

ប្រសិន​បើមណ្ឌលសិក្សាធិការ​បំពានលើច្បាប់រដ្ឋណា​មួយទាក់ទងនឹងអន្តរាគមន៍​បន្ទាន់ អ្នកក៏អាចដាក់​ពាក្យ​បណ្តឹងស្តីពីការអនុវត្ត​តាមច្បាប់ការអប់រំពិសេស​ទៅ​កាន់​​នាយកដ្ឋានអប់រំរដ្ឋកាលីហ្វ័រញ៉ា (California Department of Education, CDE) ។ [34 C.F.R. Sec. 300.151-153.] សូមមើលសំណួរទាក់ទងនឹងពាក្យ

បណ្តឹង​ស្តីពី​ការអនុវត្តបណ្តឹងតាមច្បាប់ក្នុងជំពូក​ 6 ព័ត៌មាន​ស្តីពីកិច្ច​​ដំណើរ​ត្រឹម​ត្រូ​វតាមច្បាប់​/នីតិវិធីប​ណ្តឹង​​។

(8.26) ប្រសិនបើបន្ទាប់ពីកិច្ចប្រជុំកំណត់ការ​សម្តែង​ចេញ​​អាកប្បកិរិយា ឬកិច្ចប្រជុំផ្នែក​ 504 ក្រុមការងារ​បាន​ផ្តល់​ការណែនាំ​ឲ្យ​បណ្តេញសិស្ស​ចេញ (ហើយអ្នកជ្រើសរើស​មិនតវ៉ានឹង​ការណែនាំ​តាម​រយៈការអនុវត្ត​តាម​ច្បាប់​) តើមាន​នីតិវិធី​សម្រាប់សវនាការបណ្តេញចេញ និងសម្រាប់​​បណ្តឹងឧទ្ធរណ៍មានអ្វីខ្លះ?

ប្រសិនបើក្រុមការងារ​កម្មវិធី​ IEP ណែនាំការបញ្ជូនបន្តសម្រាប់ការបណ្តេញចេ​ញ ពេលនោះ​មណ្ឌលសិក្សា​ធិការ​​​ត្រូវតែ​បើក​សវនាការបណ្តេញចេញ។

សវនាកា​រ​ត្រូវតែកំណត់ពេល​រៀបចំ​ឡើង​ក្នុងរយៈពេល​សាមសិបថ្ងៃ ​បន្ទាប់​ពីការ​សម្រេច​​ចិត្តលើ​ការ​​បណ្តេញ​សិស្ស​នោះ​​ ត្រូវបានធ្វើឡើង​​។ [Cal. Ed. Code Sec. 48918.] នៅពេលដែលបានកំណត់ពេល​​រួចហើយ​ នោះ​អ្នកមានសិទ្ធិពន្យារពេល​សវនាការលើការ​បណ្តេញចេញនោះ​ដោយស្វ័យប្រវត្តិ​រហូតដល់ 30 ថ្ងៃដើម្បី​ត្រៀម​​រៀបចំខ្លួនឲ្យបានគ្រប់គ្រាន់។ [Cal. Ed. Code Sec. 48918(a).] អ្នកគួរ​តែ​ចូល​រួមក្នុងសវនាការជាមួយអ្នកជំនាញ និងអ្នកគាំទ្រ​ដើម្បីផ្តល់ទឡ្ហីករណ៍​ប្រឆាំង​​នឹង​ការបណ្តេញ​ចេញ (ជាទូទៅគឺជាទឡ្ហីករណ៍ដដែល ដែលត្រូវបានបង្ហាញនៅ​ក្នុង​កិច្ច​ប្រជុំកំណត់ការ​សម្តែង​ចេញ​​អាកប្បកិរិយា)។

ការពិភាក្សាពេញ​លេញ​អំពីនីតិវិធីគ្រប់គ្រងសវនាការលើ​ការ​បណ្តេញចេញ និង​សម្រាប់បណ្តឹងឧទ្ធរណ៍​ណា​មួយ​​ទៅលើ​លទ្ធផលនៃសវនាការទាំងនោះ គឺហួស​ពីវិសាលភាពខ្លឹមសារ​នៃ​សៀវ​ភៅណែនាំនេះ។ អ្នកគួរតែរកព័ត៌មាន​ពីច្បាប់អប់រំ​រដ្ឋកាលីហ្វ័រញ៉ា ផ្នែក 48918 - 48926 សម្រាប់ព័ត៌មានបន្ថែម​ ក៏​ដូចជា​គោល​នយោបា​យ​មណ្ឌលសិក្សាធិការរបស់អ្នកសម្រាប់សវនាការលើ​ការបណ្តេញ​ចេញ​។

(8.27) មណ្ឌលសិក្សាធិការស្នើសុំដកកូនខ្ញុំចេញពីសាលាដោយសារ​តែបញ្ហាអាកប្បកិរិយារបស់គាត់ និង​កំពុង​ណែនាំ​ឲ្យមានការបង្រៀន​នៅ​ផ្ទះសម្រាប់ជាការដាក់បញ្ចូលគាត់​នៅ​​ក្នុងការសិក្សា​។ តើមណ្ឌល​សិក្សា​ធិការអាចធ្វើ​ដូច្នេះ​បានដែរឬទេ​​?

បាទ/ចាស​។ ប៉ុន្តែកម្មវិធីបង្រៀននៅផ្ទះណាមួយ ត្រូវតែត្រូវបានរៀបចំឡើង​ជា​លក្ខណៈបុគ្គល​ដើម្បីធានា​ថា​វឌ្ឍនភាព​ឆ្ពោះទៅរកគោលដៅ និងគោលបំណង​នៅ​តែប្រព្រឹត្តទៅ​បន្ត​ ទោះបីជាកម្មវិធីនេះ​ត្រូវបានផ្តល់ជូន​នៅផ្ទះ​របស់​​សិស្ស​ក៏ដោយ​។ ច្បាប់​ក៏តម្រូវឲ្យសិស្សទទួលបាន (និងធ្វើឲ្យមានវឌ្ឍនភាព) កម្មវិធី​សិក្សា​អប់រំទូទៅផងដែរ​។ [20 U.S.C. Sec. 1414(d)(1)(A)(i).] នីតិវិធីដូច​គ្នាទាំង​អស់ត្រូវតែអនុវត្តដោយក្រុមការងារ​កម្មវិធី​ IEP ក្នុងការអភិវឌ្ឍកម្មវិធី IEP សម្រាប់​​សិស្ស​ដែលទទួលការបង្រៀននៅផ្ទះ​ដូចដែលត្រូវបានអនុវត្ត​ចំពោះសិស្ស​ដែល​ទទួល​ការអប់រំពិសេស​ផ្សេង​ទៀត​ដែរ​។ [U.S. Department of Education, Office of Special Education Programs, Letter to Boney (1991) 18 IDELR 537.] ច្បាប់រដ្ឋ​មានវិធាន​បន្ថែមសម្រាប់ការផ្តល់ការណែនាំ​ដល់ផ្ទះដល់សិស្ស​ដែល​មា​ន​​ពិការភាព។ វិធាននេះ​ រាប់បញ្ចូលនូវលក្ខខណ្ឌ​តម្រូវការដែលក្រុមការងាររបស់​ IEP ត្រូវមាន​របាយការណ៍ពីគ្រូពេទ្យ ឬ​គ្រូពេទ្យចិត្ត​សាស្ត្រ​ ដែលរាប់បញ្ចូលទាំង​កាល​បរិច្ឆេទ​ដែលបានព្យាករណ៍ទុក​​សម្រាប់ការវិលត្រឡប់​ចូល​រៀន​វិញ​របស់​សិស្ស​។  [5 C.C.R. Sec. 3051.4.]

ការបង្រៀននៅផ្ទះ ក៏មានសម្រា​ប់សិស្សអប់រំទូទៅដែលមានពិកា​រភាពបណ្តោះ​អាស​ន្ន​ផងដែរ​ ហើយ​ផ្តល់ឲ្យ​ពួក​​គេនូវការបង្រៀនរយៈពេល​មួយម៉ោងក្នុ​ង​មួយ​ថ្ងៃ។ [Cal. Ed. Code Sec. 48206.3.] សេវាកម្មនេះខុសគ្នាពីការដាក់បញ្ចូល​ក្នុង​ការ​អប់រំ​នៅផ្ទះ​ជាលក្ខណៈបុគ្គល ឬ​ការបង្រៀន​ក្រោមច្បាប់​ IDEA សម្រាប់​គោល​បំណងក្នុងការផ្តល់ការអប់រំ​ FAPE ដល់កុមារដែលមានពិការភាព។

សេវាកម្មទាំងពីរ ត្រូវបានសំដៅជាទូទៅថាជា​ “ការបង្រៀននៅផ្ទះ/មន្ទីរពេទ្យ” ប៉ុន្តែ​ការបង្រៀន​នៅផ្ទះ​សម្រាប់​​​សិស្សដែលមានកម្មវិធី IEP ត្រូវតែបន្ត​ផ្តល់ការ​អប់រំ​ FAPE។ [មើល Student v. Tehachapi Unified School District, OAH Case No. 2015060035.]

ការបង្រៀន​នៅផ្ទះ ការ​ដាក់បញ្ចូ​ល​ទៅក្នុងការសិក្សាដែលមាន​ភាព​​រឹតត្បិត​បំផុត​មួយ​​ គឺជាជម្រើស​កម្មវិធី​អប់រំ​ដែល​មានសម្រាប់​សិស្សដែលមានពិការភាព ដែល​ពួកគេ​មិនអាចទទួល​បានការអប់រំ​នៅក្នុង​មជ្ឈដ្ឋាន​​​សាលារៀនសាធារណៈបាន​។ ជាធម្មតា សិស្សនៅក្នុងការដាក់បញ្ជូននេះ ជាសិស្សដែលមានតម្រូវការផ្នែក​សុខភា​ព​សំខាន់ៗ មានជំងឺ ឬ​ពិការភាព​បណ្តោះអាសន្ន ឬមាន​បញ្ហាលំបាក​ផ្នែក​អាកប្បកិរិយាគួរឲ្យ​កត់សម្គាល់។ ការដាក់បញ្ជូននេះ មិនគួរ​យកមកប្រើប្រាស់​ជំនួស​ឲ្យ​ការ​ផ្តល់ជំនួយ​ផ្នែកអាកប្បកិរិយា​នៅក្នុង​មជ្ឈដ្ឋាន​ថ្នាក់​រៀននោះទេ​។​ នៅក្នុងការណែនាំនាពេលថ្មីៗនេះ ការិយាល័យ OSERS បានបញ្ជាក់ថា​ការដាក់​បញ្ចូល​ក្នុង​ការ​បង្រៀន​តាម​​ផ្ទះ​អាច​បង្ហាញ​ឲ្យ​ឃើញ​ថាការដាក់បញ្ចូល​កុមារ​ទៅ​ក្នុង​​មជ្ឈដ្ឋាន​ដែលមានការរឹតបន្តឹង​​តិចតួច ​អាច​នឹង​មិន​មានភាពសមស្រប​ទេ​។ [OSERS, Dear Colleague Letter on the Inclusion of Behavioral Supports in Individualized Education Plans, available at: https://www2.ed.gov/policy/gen/guid/school-discipline/files/dcl-on-pbis-in-ieps--08-01-2016.pdf.]