ស្ថានប័នថែទាំកុមារដែលមានអាជ្ញាបណ្ណ (LCI) គឺជាកន្លែងស្នាក់នៅថែទាំមានអាជ្ញាបណ្ណ ដែលផ្តល់ការថែទាំក្រៅវេជ្ជសាស្ត្រដល់កុមារ។ LCI រួមមានមន្ទីរថែទាំរួម និងកម្មវិធីស្នាក់នៅព្យាបាលរយៈពេលខ្លី (STRTP) ប៉ុន្តែមិនរួមបញ្ចូលនូវ៖
- សាលាតុលាការអនីតិជន សាលសម្រាប់អនីតិជន មន្ទីរសម្រាប់អនីតិជន មជ្ឈមណ្ឌលថែទាំពេលថ្ងៃសម្រាប់អនីតិជន ទីវាលសម្រាប់អនីតិជន ឬជំរំសម្រាប់អនីតិជន
- កម្មវិធីសាលាសហគមន៍ប្រចាំខោនធី
- កម្មវិធីអប់រំពិសេសណាមួយដែលផ្ដល់ជូនសម្រាប់សិស្សដែលត្រូវបានដាក់នៅមណ្ឌលនៅក្នុង (1) និង (2) ខាងលើយោងទៅតាមច្បាប់
- ទីភ្នាក់ងារសាធារណៈផ្សេងទៀត។1
មន្ទីរថែទាំកុមារកំព្រា (FFH) គឺជាកន្លែងស្នាក់នៅបែបគ្រួសារ ដែលផ្តល់ការថែទាំរយៈពេល 24 ម៉ោង និងមើលការខុសត្រូវកុមារចិញ្ចឹមមិនលើសពីប្រាំមួយនាក់ឡើង។ វារួមមានផ្ទះបែបគ្រួសារតូចៗ មន្ទីរបែបគ្រួសារដែលមានការបញ្ជាក់សម្រាប់ភ្នាក់ងារចិញ្ចឹមកុមារកំព្រាបែបគ្រួសារ និងគ្រួសារធនធាន។2
ប្រសិនបើកុមារមានពិការភាពណាម្នាក់ ត្រូវបានដាក់បញ្ចូលតាម LCI ឬ FFH ដោយតុលាការ មជ្ឈមណ្ឌលក្នុងតំបន់ សម្រាប់បុគ្គលដែលមានពិការភាពផ្នែកលូតលាស់ ឬអង្គភាពសាធារណៈណាមួយក្រៅពីទីភ្នាក់ងារអប់រំ ពេលនោះផ្នែកផែនការមូលដ្ឋានអប់រំពិសេស (SELPA) ដែល LCI ឬ FFH មានទីតាំងស្ថិតនៅ គឺជាអ្នកទទួលខុសត្រូវសម្រាប់ការផ្តល់សេវាកម្មអប់រំពិសេសដល់កុមារនោះ។ ប្រសិនបើមានមណ្ឌលសិក្សាធិការចម្រុះនៅក្នុងផ្នែក SELPA នោះត្រូវតែមានការព្រមព្រៀងតាមមូលដ្ឋាននៅក្នុងកំណត់ទីភ្នាក់ងារអប់រំដែលទទួលខុសត្រូវ។3 ប្រសិនបើកុមារម្នាក់ត្រូវបានដាក់នៅក្នុង LCI ឬ FFH ជាឯកតោភាគីដោយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬតាមរយៈក្រុមហ៊ុនធានារ៉ាប់រងឯកជន មណ្ឌលសិក្សាធិការដែលមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតរបស់កុមារម្នាក់នោះស្នាក់នៅអាចនឹងទទួលខុសត្រូវតាមរយៈដំណើរការកម្មវិធី IEP នៃផ្នែកអប់រំពិសេសធម្មតា។ នីតិវិធីត្រឹមត្រូវតាមផ្លូវច្បាប់អាចនឹងត្រូវការចាំបាច់ ប្រសិនបើមានភាពមិនឯកភាពទៅលើការដាក់បញ្ចូលទៅក្នុងការអប់រំ និង/ឬសេវាកម្មនានាដែលសិស្សត្រូវការចាំបាច់ នៅពេលដាក់បញ្ចូលពួកគេទៅក្នុង LCI ឬ FFH។