ទេ។ ប្រសិនបើនៅកិច្ចប្រជុំកម្មវិធី IEP ដំណាក់កាលដំបូងនេះ អ្នកនិងមណ្ឌលសិក្សាធិការមិនយល់ស្របទៅលើសេវាមួយណាដែលកូនរបស់អ្នកនឹងត្រូវការនោះទេ ពេលនោះអ្នកអាចដោះស្រាយទៅលើការមិនយល់ព្រមនោះដោយការដាក់ពាក្យសុំសម្រាប់កិច្ចដំណើការសមស្រប។ រហូតទាល់តែការមិនឯកភាពគ្នានេះត្រូវបានដោះស្រាយ ពុំនោះទេ កូនរបស់អ្នកមិនមានសិទ្ធិបន្តទទួលបានសេវាអន្តរគមន៍ពីដើមទី ដែលគាត់បាននឹងកំពុងទទួលពីមណ្ឌលសិក្សាធិការ ឬមជ្ឈមណ្ឌលតំបន់របស់អ្នកនោះទេ។1 ប៉ុន្តែ មណ្ឌលសិក្សាធិការ អាចនឹងផ្តល់ឲ្យកូនអ្នកនូវសេវាកម្មបន្តិចបន្តួច ឬសេវាកម្មដទៃផ្សេងទៀត។ ប្រសិនបើអ្នកផ្តល់ការយល់ព្រម មណ្ឌលសិក្សាធិការត្រូវតែផ្តល់សេវាទាំងនោះ ខណៈពេលដែលភាពខ្វែងគំនិតគ្នារបស់អ្នកនៅមិនទាន់ដោះស្រាយរួច។ សូមមើល ជំពូក 6 ព័ត៌មានស្តីពីនីតិវិធីត្រឹមត្រូវតាមផ្លូវច្បាប់/នីតិវិធីនៃអនុលោមភាព។
ប្រសិនបើកូនរបស់អ្នកជាអតិថិជននៃមជ្ឈមណ្ឌលក្នុងតំបន់ អ្នកមានជម្រើសក្នុងការស្នើសុំការប្រជុំស្តីពី ផែនការកម្មវិធីសម្រាប់បុគ្គល (IPP) ដើម្បីពិភាក្សាអំពីការបន្តសេវាកម្មផ្នែក C ។ មជ្ឈមណ្ឌលក្នុងតំបន់អាចបន្តផ្ដល់សេវាកម្មនានា៖ (1) រហូតដល់ពេលចាប់ផ្តើមត្រីមាសសិក្សាបន្ទាប់ ក្រោយថ្ងៃគម្រប់ខួបចេះដើររបស់កូនអ្នក (នៅពេលដែលកម្មវិធីមត្តេយ្យកម្រិតទាបនៃផ្នែកអប់រំពិសេសរបស់មណ្ឌលសិក្សាធិការមិនមានវគ្គសិក្សា) និង (2) ក្រុមការងារកំណត់ថាសេវាមានភាពចាំបាច់ រហូតដល់កម្មវិធីមត្តេយ្យកម្រិតទាបបន្តដំណើរការឡើងវិញ។2