CAASPP គឺជាប្រព័ន្ធតេស្តបញ្ចប់ការសិក្សារបស់សិស្សនៅរដ្ឋកាលីហ្វ័រញ៉ា សម្រាប់មុខវិជ្ជាអក្សរសាស្រ្ត/អក្ខរកម្មភាសាអង់គ្លេស (English Language Arts/Literacy, ELA) និងគណិតវិទ្យាសម្រាប់សិស្សថ្នាក់ទី 3 រហូតដល់ទី 8 និងទី 11។ វារួមបញ្ចូលនូវការធ្វើតេស្តផ្នែកវិទ្យាសាស្ត្ររបស់រដ្ឋកាលីហ្វ័រញ៉ា (California Science Test, CAST) សម្រាប់សិស្សថ្នាក់ទី 5 ទី 8 និងថ្នាក់មួយក្នុងចំណោមថ្នាក់ទី 10 ទី 11 ឬទី 12 ណាមួយដែលកូនសិស្សកំពុងទទួលការបានការបង្រៀនមុខវិជ្ជាវិទ្យាសាស្ត្រ។1 ប្រព័ន្ធ CAASPP បានដាក់ជំនួសកម្មវិធីការធ្វើតេស្តស្តង់ដារ និងការធ្វើរបាយការណ៍ (Standardized Testing and Reporting, STAR) ដោយចាប់ផ្តើមនៅឆ្នាំសិក្សា 2014-15។2
ផ្នែក ELA (English Language Arts) និងផ្នែកគណិតវិទ្យានៃការធ្វើតេស្ត៍ គឺផ្អែកលើស្តង់ដាស្នូលទូទៅរបស់រដ្ឋ (Common Core State Standards, CCSS) ដែលជាបទដ្ឋាននៃសមិទ្ធិផលនៃស្តង់ដាការអប់រំដែលរដ្ឋកាលីហ្វ័រញ៉ា និងរដ្ឋមួយចំនួនទៀតបានទទួលយកចាប់តាំងពីឆ្នាំ ២០១០ មក។ CCSS ពណ៌នាអំពីអ្វីដែលសិស្សគួរតែដឹង និងអាចធ្វើបាននៅក្នុងផ្នែកនៃមុខវិជ្ជានីមួយៗនៅតាមកម្រិតថ្នាក់រៀនទាំងនេះនីមួយៗ។ CAST វាស់វែងនូវអ្វីដែលសិស្សដឹង និងអាចប្រើប្រាស់បានដោយប្រើស្តង់ដាបែបវិទ្យាសាស្ត្រជំនាន់ថ្មីរបស់រដ្ឋកាលីហ្វ័រញ៉ា (California Next Generation Science Standards) ដែលផ្តោតលើការយល់ដឹងអំពីទស្សនៈបែប វិទ្យាសាស្ត្រ ដែលមាននៅក្នុងវិទ្យាសាស្ត្រជីវិត វិទ្យាសាស្ត្រផែនដីនិងអវកាស និងវិទ្យាសាស្ត្ររូបនិយម។