ច្បាប់តម្រូវឱ្យមណ្ឌលសិក្សាធិការ សាលាឆាទ័រ និងការិយាល័យអប់រំខោនធីធ្វើការលើកលែងសិស្សដែលមានពិការភាពពីការសិក្សាមុខវិជ្ជាក្នុងមូលដ្ឋានទាំងអស់ និងលក្ខខណ្ឌតម្រូវផ្សេងទៀតដែលបន្ថែមលើលក្ខខណ្ឌតម្រូវនៃមុខវិជ្ជាទូទាំងរដ្ឋ។1 សិស្សដែលមានពិការភាពដែលបានចូលរៀនថ្នាក់ទីប្រាំបួនក្នុងឆ្នាំសិក្សា 2022-23 ឬក្រោយនេះ ហើយមានសិទ្ធិទទួលយករង្វាយតម្លៃជំនួសរបស់រដ្ឋកាលីហ្វ័រញ៉ាអាចបញ្ចប់ការសិក្សានៅវិទ្យាល័យក្រោមលក្ខខណ្ឌតម្រូវអប្បបរមានៃការបញ្ចប់ការសិក្សារបស់រដ្ឋបាន។2 លក្ខខណ្ឌតម្រូវអប្បបរមានៃការបញ្ចប់ការសិក្សារបស់រដ្ឋត្រូវបានរៀបរាប់នៅក្នុងសំណួរ 11.16។
មណ្ឌលសិក្សាធិការ សាលាឆាទ័រ ឬការិយាល័យអប់រំខោនធីត្រូវតែធានាថាសិស្សដែលមានសិទ្ធិទទួលបានមធ្យោបាយបញ្ចប់ការសិក្សានេះមានសិទ្ធិចូលរួមក្នុងពិធីបញ្ចប់ការសិក្សា ឬសកម្មភាពសាលាណាមួយដែលទាក់ទងនឹងការបញ្ចប់ការសិក្សាជាមួយមិត្តរួមថ្នាក់របស់ពួកគេ។ ដោយសំខាន់បំផុត ការចូលរួមក្នុងមធ្យោបាយបញ្ចប់ការសិក្សានេះមិនបញ្ចប់លក្ខខណ្ឌតម្រូវដែលសាលាផ្តល់ FAPE ដល់សិស្សរហូតដល់អាយុម្ភៃពីរឆ្នាំទេ លុះត្រាតែក្រុមការងារកម្មវិធី IEP យល់ព្រមថា សិស្សបានបញ្ចប់បទពិសោធវិទ្យាល័យរបស់គាត់។3