(11.20) ប្រសិនបើកូនរបស់ខ្ញុំបំពេញបានតាមលក្ខខណ្ឌតម្រូវសម្រាប់បញ្ចប់ការសិក្សា និងទទួលបានសញ្ញាបត្រចំណេះទូទៅ តើសិទ្ធិទទួលបានការអប់រំពិសេសត្រូវបញ្ចប់ដែរឬទេ?

បាទ/ចាស លើកលែងតែករណីលើកលែងដែលបានកត់សម្គាល់នៅក្នុងសំណួរ 11.18 សម្រាប់សិស្សដែលទទួលបានសញ្ញាបត្រចំណេះទូទៅតាមរយៈមធ្យោបាយជំនួសដើម្បីទទួលបានសញ្ញាបត្រ ការបញ្ចប់ការសិក្សាដោយទទួលបានសញ្ញាបត្រមធ្យមសិក្សាទុតិយភូមិចំណេះទូទៅនឹងធ្វើឱ្យកូនរបស់អ្នកមិនមានសិទ្ធិទទួលបានសេវាកម្មអប់រំពិសេសបន្ថែមទៀតទេ។¹

ការបញ្ចប់ការសិក្សាដោយទទួលបានសញ្ញាបត្រចំណេះទូទៅ គឺជា “ការផ្លាស់ប្តូរកន្លែងរៀន” សម្រាប់សិស្សផ្នែកអប់រំពិសេស។² “ការផ្លាស់ប្តូរកន្លែងរៀន” គឺជាព្រឹត្តិការណ៍ដ៏សំខាន់ស្របច្បាប់សម្រាប់សិស្សផ្នែកអប់រំពិសេស ហើយតម្រូវឲ្យមណ្ឌលសិក្សាធិការផ្ញើសេចក្តីជូនដំណឹងជាលាយលក្ខណ៍អក្សរជាមុនដល់សិស្សមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត (ពេលវេលាច្រើនគ្រប់គ្រាន់មុនពេលការផ្លាស់ប្តូរកន្លែងរៀននេះប្រព្រឹត្តទៅ) ។³ សេចក្តីជូនដំណឹងជាលាយលក្ខណ៍អក្សរជាមុនរួមមាន៖ ការពណ៌នាអំពីអ្វីដែលមណ្ឌលសិក្សាធិការមានបំណងចង់ធ្វើ ការពន្យល់អំពីមូលហេតុនៃវិធានការ ការពណ៌នាអំពីជម្រើសផ្សេងៗដែលមណ្ឌលសិក្សាធិការបានពិចារណា និងមូលហេតុដែលវិធានការទាំងអស់នេះត្រូវបានបដិសេធ ការពណ៌នាអំពីរបាយការណ៍ តេស្ត និងនីតិដែលផ្តោតលើវិធានការនេះ និងព័ត៌មានអំពីសិទ្ធិរបស់សិស្សមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងប្រភពនៃជំនួយតស៊ូមតិ។⁴ បើគ្មានការជូនដំណឹងចាំបាច់នេះទេ សំណើរបស់មណ្ឌលសិក្សាធិការសុំបញ្ចប់ការសិក្សាកូនរបស់អ្នកអាចនឹងមិនសមស្របទេ។⁵ ទោះយ៉ាងណាក៏ដោយ មិនចាំបាច់មានការវាយតម្លៃថ្មីទៅលើកូនរបស់អ្នកមុនពេលប្រគល់សញ្ញាបត្រមធ្យមសិក្សាទុតិយភូមិចំណេះទូទៅដល់គាត់នោះទេ។⁶

ប្រសិនបើអ្នកមិនយល់ស្របនឹងការកំណត់របស់ក្រុមការងារកម្មវិធី IEP ដែលកំណត់ថាកូនរបស់អ្នកនឹងបញ្ចប់ការសិក្សា នោះអ្នកអាចដាក់ពាក្យបណ្តឹងសុំនីតិវិធីត្រឹមត្រូវតាមផ្លូវច្បាប់បាន។

Cal. Ed. Code Sec. 56026.1(a); 34 C.F.R. Sec. 300.102(a)(3)(i).[↩]
34 C.F.R. Sec. 300.102(a)(3)(iii); Cal. Ed. Code Secs. 56500.5.[↩]
34 C.F.R. Sec. 300.503(a)(1); Cal. Ed. Code Sec. 56500.4(a).[↩]
34 C.F.R. Secs. 300.102(a)(3)(iii) & 300.503(b); Cal. Ed. Code Sec. 56500.4(b).[↩]
Union School District v. Smith, 15 F.3d 1519 (9th Cir. 1994).[↩]
34 C.F.R. Sec. 300.305(e)(2); Cal. Ed. Code Sec. 56381(i)(1).[↩]