សិស្សវិទ្យាល័យសាធារណៈធម្មតាទាំងអស់ត្រូវតែបំពេញនូវអ្វីដែលគេហៅថា “វគ្គសិក្សាដែលបានកំណត់”។ វគ្គសិក្សាដែលបានកំណត់ គឺជាបញ្ជីរាយនាមវគ្គសិក្សាចំនួន 13 ដែលរដ្ឋបានតម្រូវសម្រាប់ការទទួលបានសញ្ញាបត្រ។ វាមានដូចខាងក្រោម៖
- វគ្គសិក្សាភាសាអង់គ្លេសចំនួនបីវគ្គ
- វគ្គសិក្សាគណិតវិទ្យាចំនួនពីរវគ្គ (រួមទាំងពិជគណិត I)
- វគ្គសិក្សាវិទ្យាសាស្ត្រសង្គមចំនួនបីវគ្គ (ប្រវត្តិសាស្ត្រ និងភូមិសាស្ត្រសហរដ្ឋអាមេរិក ប្រវត្តិសាស្រ្តពិភពលោក វប្បធម៌ និងភូមិវិទ្យា ហើយមួយឆមាសម្តងសិក្សាអំពីរដ្ឋាភិបាល និងសេដ្ឋកិច្ចរបស់អាមេរិក)
- វគ្គសិក្សាវិទ្យាសាស្ត្រចំនួនពីរវគ្គ (ជីវវិទ្យា និងរូបវិទ្យា)
- វគ្គសិក្សាអប់រំកាយពីរវគ្គ លុះត្រាតែសិស្សត្រូវបានលើកលែងស្របតាម Cal. Ed. Code sec. 51241
- វគ្គសិក្សាភាសាបរទេស ឬសិល្បៈសោទស្សន៍និងការសម្តែង ឬការអប់រំបច្ចេកទេសមួយវគ្គ។ សម្រាប់គោលបំណងនៃការបំពេញលក្ខខណ្ឌតម្រូវអប្បបរមានៃមុខវិជ្ជាសិក្សា មុខវិជ្ជាសិក្សាភាសាសញ្ញាអាមេរិកនឹងត្រូវបានចាត់ទុកថាជាមុខវិជ្ជាសិក្សាភាសាបរទេស1
មណ្ឌលសិក្សាធិការ ត្រូវតែធានាថាសិស្សបញ្ចប់វគ្គសិក្សាដែលបានកំណត់មុនពេលទទួលសញ្ញាបត្រ ប៉ុន្តែ មណ្ឌលសិក្សាតាមមូលដ្ឋាន អាចបន្ថែមនូវលក្ខខណ្ឌតម្រូវទាំងនេះបាន។2 អ្នកគួរតែទាក់ទងមណ្ឌលសិក្សាការនៅតាមមូលដ្ឋានរបស់អ្នក ដើម្បីស្វែងយល់ថាតើមានវគ្គសិក្សាបន្ថែម ឬលក្ខខណ្ឌតម្រូវផ្សេងទៀតដែរឬទេ ដូចជាគម្រោងស្រាវជ្រាវនៅវិទ្យាល័យ (Senior Project) ដែលអនុវត្តនៅក្នុងមណ្ឌលសិក្សាធិការរបស់អ្នក។