នៅពេលគ្មាននរណាម្នាក់ដើរតួជាឪពុកម្តាយសម្រាប់សិស្សដែលមានពិការភាព នោះមណ្ឌលសិក្សាធិការ ឬតុលាការអនីតិជនត្រូវចាត់តាំងមនុស្សពេញវ័យដែលមានទំនួលខុសត្រូវឲ្យធ្វើការសម្រេចចិត្តផ្នែកអប់រំ រួមទាំងសេចក្ដីសម្រេចចិត្តទាក់ទងនឹងការអប់រំពិសេសផងដែរ។ នៅក្រោមផ្នែក AB 3632 មនុស្សពេញវ័យដែលមានទំនួលខុសត្រូវ ត្រូវបានស្គាល់ថាជា “ឪពុកម្តាយជំនួស” ។
ជាទូទៅ តុលាការអនីតិជននឹងតែងតាំងម្តាយឳពុកជំនួស – ដែលហៅថាជាអ្នកមានសិទ្ធិអប់រំ–សម្រាប់សិស្សណាម្នាក់ដែលជាអ្នកនៅក្នុងបន្ទុក ឬបាលិតនៃតុលាការ ដែលមានន័យថា ពួកគេមានសំណុំរឿងសុំសិទ្ធិចិញ្ចឹម/ចិញ្ចឹមបីបាច់ដោយបើកចំហ ឬសំណុំរឿងអនីតិជនប្រព្រឹត្តិបទល្មើស។
ប្រសិនបើសិស្សមិនជាប់ពាក់ព័ន្ធក្នុងប្រព័ន្ធតុលាការទាំងពីរនោះ មណ្ឌលសិក្សាធិការត្រូវតែតែងតាំងម្តាយឳពុកជំនួសឱ្យតំណាងសិស្សក្នុងដំណើរការកម្មវិធី IEP ប្រសិនបើចំណុចមួយ ឬច្រើនខាងក្រោមជាការពិត៖
- គ្មានឪពុកម្តាយសម្រាប់សិស្សណាម្នាក់អាចកំណត់អត្តសញ្ញាណបាន
- បន្ទាប់ពីការខិតខំប្រឹងប្រែងសមស្រប មណ្ឌលសិក្សាធិការមិនអាចរកឃើញឪពុកម្តាយ ឬ
- មណ្ឌលសិក្សាធិការក៏ត្រូវតែងតាំងម្តាយឳពុកជំនួសដែរ ប្រសិនបើសិស្សជាអ្នកនៅក្នុងបន្ទុក ឬបាលិតនៃតុលាការ ប៉ុន្តែតុលាការមិនទាន់បានតែងតាំងមនុស្សពេញវ័យដែលមានទំនួលខុសត្រូវ ជាអ្នកមានសិទ្ធិអប់រំរបស់សិស្ស។
មណ្ឌលសិក្សាធិការត្រូវ “ខិតខំប្រឹងប្រែងសមស្រប” ដើម្បីតែងតាំងឪពុកម្តាយបណ្តោះអាសន្ន ក្នុងរយៈពេល 30 ថ្ងៃបន្ទាប់ពីកំណត់ថាឪពុកម្តាយជំនួស គឺមានភាពចាំបាច់។ លើសពីនេះ មនុស្សពេញវ័យដែលមានទំនួលខុសត្រូវ ដែលទទួលបានការចាត់តាំងដោយមណ្ឌលសិក្សាធិការ មិនអាចមានទំនាស់ផលប្រយោជន៍ជាមួយសិស្សឡើយ។ ទំនាស់មានន័យថាផលប្រយោជន៍ណាមួយដែលអាចរឹតត្បិត ឬលម្អៀងទៅលើសមត្ថភាពក្នុងការតស៊ូមតិសម្រាប់សេវាកម្មទាំងអស់ដែលត្រូវការដើម្បីធានាថាសិស្សមានការអប់រំ FAPE។ 1
ប្រសិនបើសិស្សជាអ្នកនៅក្នុងបន្ទុក ឬបាលិតនៃតុលាការ ចៅក្រមគួរតែតែងតាំងនរណាម្នាក់ឱ្យធ្វើការសម្រេចចិត្តផ្នែកអប់រំសម្រាប់អ្នកនៅក្នុងបន្ទុក ឬបាលិតនៃតុលាការ។ តុលាការផ្តល់សិទ្ធិក្នុងការសម្រេចចិត្តដល់ឪពុកម្តាយ ប្រសិនបើឪពុកម្តាយបន្តស្ថិតនៅជាផ្នែកមួយនៃជីវិតរបស់នៅរបស់សិស្ស។ ប៉ុន្តែតុលាការមានអំណាចក្នុងការកំណត់សិទ្ធិ របស់ឪពុកម្តាយទាក់ទងនឹងការសម្រេចចិត្តផ្នែកអប់រំតាមរយៈដីការបស់តុលាការ ប៉ុន្តែត្រូវស្ថិតក្នុងកម្រិតមួយដែលចាំបាច់ដើម្បីការពារសិស្សនោះ។
ប្រសិនបើតុលាការកំណត់សិទ្ធិអប់រំរបស់មាតាបិតា នោះតុលាការក៏ត្រូវតែងតាំងមនុស្សពេញវ័យដែលមានទំនួលខុសត្រូវជាអ្នកមានសិទ្ធិអប់រំរបស់សិស្សរហូតដល់មានហេតុការណ៍ដូចខាងក្រោមនេះកើតឡើង៖
- សិស្សមានអាយុ 18 ឆ្នាំ (លើកលែងតែសិស្សសម្រេចចិត្តប្រគល់សិទ្ធិអំណាចធ្វើការសម្រេចចិត្តផ្នែកអប់រំរបស់គាត់ទៅអ្នកផ្សេង ឬបើតុលាការរកឃើញថាសិស្សនោះ “មិនមានសមត្ថភាព”)
- មនុស្សពេញវ័យទទួលខុសត្រូវម្នាក់ទៀតត្រូវបានតែងតាំងឲ្យធ្វើការសម្រេចចិត្តផ្នែកអប់រំ
- សិទ្ធិរបស់ឪពុកម្តាយក្នុងការធ្វើការសម្រេចចិត្តត្រូវបានប្រគល់ជូនវិញ
- អាណាព្យាបាល ឬអ្នកមើលថែទាំត្រូវបានតែងតាំងសម្រាប់សិស្ស ឬ
- សិស្សត្រូវបានដាក់ក្នុងមណ្ឌលថែទាំរយៈពេលវែង — ឬការរៀបចំការរស់នៅអចិន្ត្រៃយ៍ជំនួសដោយមានគ្រោងទុក (APPLA) ហើយឪពុកម្តាយចិញ្ចឹមត្រូវបានផ្តល់សិទ្ធិអំណាចធ្វើការសម្រេចចិត្តផ្នែកអប់រំ។
ប្រសិនបើសិស្សជាអ្នកនៅក្នុងបន្ទុក ឬបាលិតនៃតុលាការអនីតិជន ហើយមិនត្រូវបានតែងតាំងជាអ្នកមានសិទ្ធិអប់រំដោយចៅក្រមទេ បទល្មើសអនីតិជន ឬមេធាវីបទល្មើសអនីតិជនរបស់ពួកគេគួរតែលើកឡើងបញ្ហាជាមួយចៅក្រម។
- Cal. Gov. Code Secs. 7579.5(a) & (i).[↩]