នៅពេលដែលមណ្ឌលសិក្សាធិការទទួលខុសត្រូវក្នុងការតែងតាំងឳពុកម្ដាយជំនួស ជាដំបូងមណ្ឌលសិក្សាធិការត្រូវតែតែងតាំងអ្នកថែទាំជាសាច់ញាតិ ឪពុកម្តាយចិញ្ចឹម ឬអ្នកតស៊ូមតិពិសេសដែលតុលាការបានតែងតាំង (CASA) ដែលមានឆន្ទៈ និងអាចបម្រើបាន។ ប្រសិនបើគ្មានអ្នកថែទាំជាសាច់ញាតិ ឪពុកម្តាយចិញ្ចឹម ឬ CASA ទេ នោះមណ្ឌលសិក្សាធិការអាចជ្រើសរើសឪពុកម្តាយជំនួសបាន។ ប្រសិនបើឪពុកម្តាយជំនួសរបស់សិស្សធ្លាប់ធ្វើជាអ្នកមើលថែទាំជាសាច់ញាតិ ឬជាឪពុកម្តាយចិញ្ចឹម ហើយសិស្សបានចាកចេញពីផ្ទះរបស់ឪពុកម្តាយជំនួសនោះ មណ្ឌលសិក្សាធិការត្រូវតែងតាំងឪពុកម្តាយជំនួសថ្មី ប្រសិនបើចាំបាច់ ដើម្បីធានាឲ្យមានការធ្វើជាតំណាងគ្រប់គ្រាន់។1
ច្បាប់អនុញ្ញាតឲ្យគ្រូបង្រៀនចូលនិវត្តន៍ បុគ្គលិកសង្គមកិច្ច ឬមន្រ្តីផ្នែកព្យួរទោសដោយមានលក្ខខណ្ឌ ដែលមិនធ្វើការឲ្យទីភ្នាក់ងារសាធារណៈដែលពាក់ព័ន្ធនឹងការអប់រំ ឬការថែទាំសិស្សនោះទេ ដូច្នេះពួកគេ អាចត្រូវបានចាត់តាំងឲ្យធ្វើជាឪពុកម្តាយជំនួស។ និយោជិកនៃទីភ្នាក់ងារឯកជន អាចទទួលបានការចាត់ ដរាបណាទីភ្នាក់ងារមិនផ្តល់សេវាកម្មអប់រំដល់សិស្ស។ មនុស្សម្នាក់ដែលមានលក្ខណៈសម្បត្តិផ្សេងទៀតនៅក្នុងការធ្វើជាឪពុកម្តាយជំនួសមិនត្រូវបានចាត់ទុកថាជានិយោជិករបស់មណ្ឌលសិក្សាធិការទេ បើទោះបីជាមណ្ឌលសិក្សាធិការទូទាត់ប្រាក់ដល់ឪពុកម្តាយជំនួសនោះសម្រាប់សេវាកម្មរបស់គាត់ក៏ដោយ។2
មណ្ឌលសិក្សាធិការមិនអាចតែងតាំងឪពុកម្តាយជំនួសបានទេ ប្រសិនបើគាត់មានទំនាស់ផលប្រយោជន៍ជាមួយសិស្ស។ ទំនាស់ផលប្រយោជន៍ មានន័យថាផលប្រយោជន៍ណាមួយដែលអាចរឹតត្បិត ឬលម្អៀងទៅលើសមត្ថភាពក្នុងការតស៊ូមតិសម្រាប់សេវាកម្មទាំងអស់ដែលត្រូវការចាំបាច់ដើម្បីធានាថាសិស្សទទួលបានការអប់រំ FAPE។ បើជាការល្អ ឪពុកម្តាយជំនួសគួរតែមានការយល់ដឹងខាងផ្នែកវប្បធម៌របស់សិស្សដែលបានប្រគល់ឲ្យគាត់។3
ឳពុកម្ដាយជំនួសមានអំណាចទាំងអស់របស់មាតាបិតា ឬអាណាព្យាបាលរបស់សិស្សផ្នែកអប់រំពិសេសនោះ ហើយត្រូវតែយល់ព្រមចំពោះកម្មវិធី IEP សេវាវេជ្ជសាស្រ្តដែលមិនសង្គ្រោះបន្ទាន់ ការព្យាបាលសុខភាពផ្លូវចិត្ត និងសេវាកម្មព្យាបាលដោយការងារ ឬព្យាបាលដោយចលនា។4 ទោះបីជាឳពុកម្ដាយជំនួសត្រូវបានផ្តល់ជូននូវសិទ្ធិអំណាចមេបាពេញលេញក្នុងដំណើរការអប់រំពិសេសក៏ដោយ ឳពុកម្ដាយជំនួសត្រូវបានតម្រូវឱ្យជួបជាមួយកូនតែម្តងប៉ុណ្ណោះ។ ដើម្បីបំពេញតួនាទីតាមសមត្ថភាព ឪពុកម្តាយជំនួសគួរតែជួបជាមួយសិស្សលើសពីម្តង ចូលរួមកិច្ចប្រជុំកម្មវិធី IEP ពិនិត្យមើលកំណត់ត្រាសិស្ស និងពិគ្រោះជាមួយគ្រូ និងអ្នកដទៃទៀតដែលពាក់ព័ន្ធនឹងការអប់រំរបស់សិស្ស។ រាល់ទំនាក់ទំនងនិងសកម្មភាពទាំងអស់នេះ ត្រូវបានអនុញ្ញាតិតាមច្បាប់។ ឪពុកម្តាយជំនួស ត្រូវតែគោរពតាមច្បាប់សហព័ន្ធនិងរដ្ឋស្តីពីការរក្សាការសម្ងាត់របស់សិស្ស ហើយប្រើប្រាស់ឆន្ទានុសិទ្ធិនៅពេលផ្តល់ព័ត៌មានទៅដល់មនុស្សពាក់ព័ន្ធ។5