ប្រសិនបើឪពុកម្តាយចិញ្ចឹមត្រូវបានតែងតាំងជាឪពុកម្តាយជំនួសដោយមណ្ឌលសិក្សាធិការ ឬអ្នកមានសិទ្ធិអប់រំដោយតុលាការអនីតិជន ពួកគេ​មានសិទ្ធិ និងការទទួលខុសត្រូវក្នុងការសម្រេចចិត្តផ្នែកអប់រំពិសេស​ជំនួសសិស្សបាន។¹ លើសពីនេះទៀត ច្បាប់រដ្ឋកាលីហ្វ័រញ៉ាបញ្ជាក់យ៉ាងច្បាស់ថាឪពុកម្តាយចិញ្ចឹម ត្រូវតែទទួលបានអាទិភាព​ — បន្ទាប់​ពីអ្នក​មើលថែទាំដែលជាសាច់ញាតិ និងមានអាទិភាព​មុនអ្នកតស៊ូ​មតិ​​ CASA — នៅពេលដែល​មណ្ឌល​​សិក្សាធិការតែងតាំងឪពុកម្តាយជំនួស​។²

ប្រសិនបើឪពុកម្តាយចិញ្ចឹមមិនមែនជាឪពុកម្តាយជំនួសរបស់សិស្ស ឬអ្ន​ក​មានសិទ្ធិអប់រំទេ ពួកគេនៅតែដើរតួយ៉ាងសំខាន់នៅក្នុងកម្មវិធីអប់រំ​ពិ​សេស​របស់កុមារ។ ឪពុកម្តាយចិញ្ចឹមមានសិទ្ធិចូលមើលកំណត់ត្រាអប់រំបច្ចុប្បន្ន និងថ្មីៗបំផុ​ត​របស់សិស្ស រួមទាំងកម្មវិធី IEP និងផែនការ 504 ផងដែរ។³ ឪពុកម្តាយចិញ្ចឹមក៏ត្រូវទំនាក់ទំនងដោយផ្ទាល់ជាមួយអ្នកមានសិទ្ធិអប់រំរបស់កុមារ ឬបុគ្គលិកសង្គមកិច្ចផ្នែកសុខុមាលភាពកុមារផងដែរ ថាតើ​មួយណាដែលសមស្របបំផុត ដើម្បីពិភាក្សាអំពីតម្រូវការ​អប់រំពិសេស។⁴ ឪពុកម្តាយចិញ្ចឹមក៏អាចចូលរួមកិច្ចប្រជុំកម្មវិធី IEP របស់សិស្ស រួមទាំង MDRs ផងដែរ ប្រសិនបើមណ្ឌលសិក្សាធិការ ឬអ្នកមានសិទ្ធិអប់រំរបស់​កុមារជឿថាពួកគេមានជំនាញពិសេស ឬចំណេះដឹងទាក់ទងនឹងយុវជន​ជាកូនចិញ្ចឹម។⁵

1. 34 C.F.R. Secs. 300.30(a)(2) & (b); Cal. Ed. Code Sec. 7575(a)(2).[↩]
2. Cal. Gov. Code Sec. 7579.5(c).[↩]
3. EC 49069.3(b)[↩]
4. Cal. Ed. Code Sec.49069.3(c).[↩]
5. Cal. Ed. Code Sec. 56341(b)(6).[↩]