Menu Close

(I) គំរូលិខិត – បណ្តឹង​​អំពី​​អនុលោមភាពនៃច្បាប់

(I) គំរូលិខិត – បណ្តឹង​​អំពី​​អនុលោមភាពនៃច្បាប់

លោក Yasmine Alghazi
អាសយដ្ឋាន​
ទីក្រុង លេខកូដតំបន់ រដ្ឋកាលីហ្វ័រញ៉ា
លេខទូរសព្ទ​

កាលបរិច្ឆេទ​

អង្គភាព​គ្រប់គ្រង​និង​ដោះស្រាយ​ពាក្យ​បណ្តឹង​
ផ្នែកអប់រំពិសេស
ក្រសួង​អប់រំ​រដ្ឋកាលីហ្វ័រញ៉ា
1430 N Street
Sacramento, រដ្ឋកាលីហ្វ័រញ៉ា 95814

សូម​គោរព​ជូន​លោក លោកស្រី៖

នេះ​គឺ​​ជា​ពាក្យ​បណ្តឹង​អំពី​ការអនុលោមភាព​អំពីការអប់រំ​ពិសេស​។ [5 C.C.R. Secs. 4600 and following.] ខ្ញុំមានអារម្មណ៍ថា Local Unified School District (LUSD) មិនគោរព​តាម​ច្បាប់​ស្តីពី​​ការអប់រំ​ពិសេស​​​របស់​សហព័ន្ធ និង​រដ្ឋ​ឡើយ។

កូនខ្ញុំឈ្មោះ Amir អាយុ 7 ឆ្នាំ ជា​សិស្ស​នៅ​សាលា​បឋម​សិក្សា César Chávez។ គាត់មិនមានការអភិវឌ្ឍ និងមានពិការភាពផ្នែក​រាង​កាយ​ផង​ដែរ ដែលតម្រូវឲ្យគាត់ប្រើ​ជំនួយផ្នែក​ចលនា។​ ខ្ញុំ​មាន​បញ្ហា​ដូច​ខាង​ក្រោម​ជាមួយ​សាលា​ក្នុង​មណ្ឌល​របស់​ខ្ញុំ៖

សម្គាស់៖ សូម​ជ្រើស​រើស​បញ្ហា​ដែល​ត្រូវ​នឹង​ស្ថានភាព​កូន​របស់​លោក​ លោកស្រី​។ ប្រសិនបើលោក លោកស្រីមានបញ្ហា​ខុ​​សពី​បញ្ហាដែល​បានបង្ហាញ​ ​សូម​រៀបរាប់​​អំពី​​ស្ថានភាព​​នេះ​ឲ្យ​បាន​ពេញ​លេញ​​ និង​​បញ្ចូល​ច្បាប់​​ដែល​​ត្រូវ​បាន​រំលោភ​បំពាន​។ ទោះបី​ជា​លោក លោកស្រី​មិន​ដឹងច្បាប់ណាមួយ​ដែល​ត្រូវ​បាន​​គេ​​​រំលោភបំពាន​​ក៏​ដោយ ក៏ CDE គួរតែ​ផ្គូរផ្គង​ច្បាប់​ដែល​ត្រូវ​នឹង​​​ស្ថានភាពរបស់​​លោក លោកស្រី។

(1) ខ្ញុំ​មិនបាន​ឯកភាព​ចំពោះ​ការវាយតម្លៃ​ផ្លូវចិត្ត​ដែល​​ធ្វើ​ឡើងដោយ​សាលា​ក្នុង​មណ្ឌ​ល​​ឡើយ​។ (ការ​មិន​បាន​ទទួល​ការឯកភាព​ជាលាយ​លក្ខណ៍​អក្សរ​​ពី​មាតាបិតា​ចំពោះ​ការវាយតម្លៃ​ 34 C.F.R. Sec. 300.300,  រដ្ឋកាលីហ្វ័រញ៉ា Ed. Code Sec. 56321​(c).)

(2) នៅ​ពេល​ដែលរូប​ខ្ញុំ​បាន​ស្នើសុំ​លទ្ធផល​តេស្ត​ដែល​ធ្វើ​ឡើង​​ដោយ​អ្នកចិត្តវិទ្យា​​ពី​​សាលា​ក្នុង​មណ្ឌល សាលា​បាន​បដិសេធ​​មិន​ផ្តល់​លទ្ធផល​នេះជូនរូបខ្ញុំទេ។ (ការ​មិន​បាន​ផ្តល់​ជូន​មាតាបិតា​នូវ​ឯកសារ​ដែល​បាន​ស្នើ​សុំ 34 C.F.R. Sec. 300.501;   រដ្ឋកាលីហ្វ័រញ៉ា Ed. Code Sec. 56504.)

(3) នៅ​ក្នុង​កិច្ចប្រជុំ​ IEP​ នា​ពេល​ថ្មីៗ​​នេះ LUSD​ ​បាន​​បដិសេធ​មិន​សរសេរ​នៅ​ក្នុង IEP អំពីតម្រូវការ និង​ចំនួនដង ​និង​រយៈពេលនៃ​សេវាកម្មព្យាបាល​​ដោយ​​ចលនា​ (សេវា​កម្ម​​ពាក់ព័ន្ធ) ទោះបី​ជា​ក្រុម​នេះ​​បាន​​យល់​ស្រប​ថា​ សេវាកម្ម​​ទាំងនេះ​​មាន​ភាព​ចាំបាច់​យ៉ា​ង​​ណា​​ក៏​ដោយ​។ (ការ​មិន​បាន​ផ្តល់​ចំនួន​ដង​​ និង​រយៈពេល​នៃសេវាកម្ម​ពាក់ព័ន្ធ 34 C.F.R. Sec. 300.320(a)(7); រដ្ឋកាលីហ្វ័រញ៉ា Ed. Code Sec. 56345(a)(7).

(4) កម្មវិធីសិក្សា IEP របស់ Amir បានលើកឡើងថា គាត់នឹង​ទទួល​​ទាន​បាយ​ថ្ងៃត្រង់ និង​រៀនតូរ្យ​តន្រ្តី​ជាមួយ​​សិស្ស​​ដែល​មិន​មាន​ពិការ​ភាព ​ប៉ុន្តែ​សាលា​ក្នុង​មណ្ឌល​​មិន​​ទាន់បាន​ផ្តល់​ឱកាស​ទាំងនេះនៅឡើយ។ (ការមិនបានអនុវត្តកម្មវិធីសិក្សា IEP, 5 C.C.R. Sec. 4650(a)(7)(D) ការមិនបានផ្តល់នូវបរិយាកាសដែលមិនសូវមានភាពតឹងតែង 34 C.F.R. Sec. 300.114-117.

(5) កម្មវិធីសិក្សា ​IEP របស់ Amir បាន​លើក​ឡើង​ថា គាត់​នឹង​ទទួល​បានការព្យាបាល​ការនិយាយពីរដងក្នុង​មួយ​សប្តាហ៍​រយៈពេល 30 នាទី ប៉ុន្តែ LUSD និយាយថា ពួកគេមិន​មាន​គ្រូពេទ្យ​ព្យាបាលការនិយាយ។ ការមិនបានផ្តល់ការអប់រំសាធារណៈដោយឥតគិតថ្លៃ និង​សមរម្យ (FAPE), 20 U.S.C. Sec. 1412(a)(1)(A) ការមិនបានអនុវត្តកម្មវិធីសិក្សា IEP; 5 C.C.R. Sec. 4650(a)(7)(D).

(6) ខ្ញុំជឿជាក់ថា Amir កំពុងស្ថិតក្នុងគ្រោះថ្នាក់ផ្នែករាង​កាយ​[ឬក៏ថា]​ សុខភាព សុវត្ថិភា​ព និងសុខុមាលភាព​របស់​គាត់​ត្រូវ​​បាន​គំរាម​កំហែង ព្រោះ ​[ពន្យល់​ពី​ហេតុផល​នៃការជឿជាក់នេះ]។ (CDE ត្រូវ​តែ​ស៊ើប​អង្កេត​លើ​ពាក្យបណ្តឹង​អំពី​ការស្ថិតក្នុងស្ថានភា​ព​គ្រោះថ្នាក់​រាង​កាយ​ ឬក៏​ការគំរាម​កំហែង​ដល់​​​សុខភាព​ សុវត្ថិភាព ឬក៏​សុខុមាលភាព​របស់សិស្ស 5 C.C.R. Sec. 4650(a)(7)(C).)

ដើម្បី​ដោះស្រាយពាក្យបណ្តឹងនេះ ខ្ញុំសូមស្នើសុំនូវ​ដំណោះ​ស្រាយ​​ដូច​ខាង​ក្រោម៖​  

(1) សូម​បញ្ជាឲ្យ​សាលា​ក្នុង​មណ្ឌល​​​អនុញ្ញាត​ឲ្យ​ខ្ញុំ​បាន​ចូល​​មើល​របាយការណ៍​នានា​អំពី​កូន​របស់​ខ្ញុំ​។

(2) សូម​បញ្ជា​ឲ្យ​សាលា​ក្នុង​មណ្ឌល​សុំ​ការ​ឯកភាព​ពីរូប​ខ្ញុំ​ជា​​មុនសិន ​មុនពេល​​ធ្វើ​ការវាយ​តម្លៃលើក​ក្រោយ​។      

(3) សូម​បញ្ជា​ឲ្យ​សាលា​ក្នុង​មណ្ឌល​អនុញ្ញាត Amir បាន​ទទួល​​ទាន​អាហារ​ថ្ងៃត្រង់​ និង​រៀន​តូរ្យតន្រ្តី​ជាមួយនឹងសិស្ស​ដែល​​​​មិន​មាន​ពិការ​ភាព ​ដូច​បាន​លើក​ឡើង​​ក្នុង​កិច្ច​ប្រជុំ ​IEP។

(4) ​សូមបញ្ជា​ឲ្យ​សាលា​ក្នុង​មណ្ឌល​កែប្រែ​កម្មវិធីសិក្សា ​IEP​ ដើម្បី​បញ្ជាក់​ថា ​មាន​ការព្យាបាល​ដោយ​ចលនា​ចំនួន​បី​ដង​ក្នុង​មួយ​​សប្តាហ៍ ​30 ​នាទី​ក្នុង​មួយ​សប្តាហ៍​​។

(5) សូម​បញ្ជា​ឲ្យ​មណ្ឌល​ចាប់ផ្តើម​ជាបន្ទាន់​នូវ​ការព្យាបាល​​ការ​និយាយ​​ឲ្យ​បាន​ចំនួន​ 2 ដង​ក្នុង​មួយ​សប្តាហ៍​ដូច​ដែល​បាន​បញ្ជាក់​​ក្នុង​កិច្ចប្រជុំ​ IEP​ របស់ ​Amir​។

(6) សូម​បញ្ជា​ឲ្យ​មណ្ឌល​រៀបចំ​ឲ្យ​មាន​ម៉ោង​ព្យាបាល​​ការ​និយាយ​សងវិញសម្រាប់​ម៉ោង​​ទាំង​អស់​ដែល​កូន​ប្រុស​របស់​​ខ្ញុំ​ខកខាន​ខណៈ​ពេល​ដែលមិនមាន​គ្រូពេទ្យព្យាបាល​ការនិយាយ​;

(7) ស៊ើប​អង្កេត​អំពីស្ថានភាព​គ្រោះថ្នាក់ និង​ការគំរាម​កំហែង​​ដល់​សុខភាព សុវត្ថិភាព និងសុខុមាលភាព​ដូចដែល​បាន​រៀបរាប់​​នៅ​ក្នុង​លិខិត​នេះ​​និង​បញ្ជា​ឲ្យ​សាលា​ក្នុង​មណ្ឌល​ចាត់​វិធាន​ការ​ចាំបាច់​នានា​ដើម្បី​ធានា​បាន​នូវ​បរិយាកាស​អប់រំ​​មួយ​ប្រកប​ដោយ​សុវត្ថិភាព​ និងល្អចំពោះ​សុខភាព​។

ខ្ញុំ​បាន​ជូន​ភ្ជាប់​ស្មារតី​នៃ​កិច្ចប្រជុំ ​IEP ​របស់​កូន​ខ្ញុំ និង​លិខិត​មួយ​ច្បាប់​ទៅសាលា​ក្នុង​មណ្ឌល ដោយស្នើសុំ ______________ (អ្វីក៏ដោយ​ដែល​លោក លោកស្រី​​បាន​សរសេរ​ទៅ​សាលា​ក្នុង​មណ្ឌល​និង​​ស្នើ​សុំ​ឲ្យ​ពួកគេ​ដោះស្រាយ​​មុន​លោក លោកស្រីដាក់ពាក្យបណ្តឹងនេះ)។

ដោយសារ​តែ​ពាក្យ​បណ្តឹង​របស់​ខ្ញុំ​ពាក់ព័ន្ធ​នឹង​បញ្ហា​ដែល​អំពាវនាវ​​ឲ្យ​​​មាន​អន្តរាគមន៍​ដោ​យ​ផ្ទាល់​ពី​ក្រសួងអប់រំ ​ដោយ​​អនុលោម​តាម​ជំពូក​ទី 5 នៃ​ក្រមនិយ័តកម្មរដ្ឋកាលីហ្វ័រញ៉ា 4650(a)(7) ខ្ញុំ​មិន​បាន​ដាក់​ពាក្យ​បណ្តឹង​ជាផ្លូវការ​ទៅ​មណ្ឌល​ដែល​ខ្ញុំរស់​នៅឡើយ​។ ផ្ទុយទៅវិញ ​ខ្ញុំសូម​ស្នើសុំ​អន្តរាគមន៍​ដោយ​ផ្ទាល់​ពី​រដ្ឋ​ចំពោះ​​បញ្ហា​នេះ​។

ខ្ញុំ​សូម​ស្នើ​សុំ​ការ​ស៊ើប​អង្កេត និង​ដំណោះស្រាយ​ជា​បន្ទាន់​ ព្រោះ​កូន​របស់​ខ្ញុំ​មិន​អាច​រង់ចាំ​សេវាកម្ម​ទាំង​នេះ​បាន​ឡើយ​។

សូមអរគុណចំពោះអន្តរាគមន៍របស់លោក។

សូមលោកមេត្តាទទួលនូវការគោរពរាប់អានពីខ្ញុំ។
លោក Yasmine Alghazi