Menu Close

(K) សំណើសុំ​ការសម្រុះសម្រួល​​ និង​​​សវនាការ​​​តាម​​​នីតិវិធី​​

(K) សំណើសុំ​ការសម្រុះសម្រួល​​ និង​​​សវនាការ​​​តាម​​​នីតិវិធី​​

ការិយាល័យ​សវនាការ​រដ្ឋកាលីហ្វ័រញ៉ា

សលាកបត្រព័ត៌មាន​សម្រាប់​ទម្រង់បន្ថែម​​៖ សំណើសុំ​សវនាការ​តាម​នីតិវិធី ​និង​ការសម្រុះសម្រួលជំនួស​​សិស្ស

ឯកសារ​​ជូន​ភ្ជាប់​គឺ​ជា​ទម្រង់​ដែល​លោក លោកស្រី​​អាច​ប្រើ​ដើម្បី​ស្នើសុំ​ការិយា​ល័យ​សវនាការ​ដែល​​គេ​ហៅថា “OAH” ដើម្បី​រៀបចំ​កាលវិភាគ​នៃ​សវនាការ​តាមនីតិវិធី​​ដែល​អាច​ស្នើ​សុំ​ការ​សម្រុះ​សម្រួល​ជំនួស​សិស្ស​។  សំណើ​នេះ​ត្រូវ​បាន​គេ​ហៅ​ថា “ពាក្យបណ្តឹង”។ ប្រសិនបើ​លោក លោកស្រី​ចង់ស្នើ​សុំ​តែ​សវនាការមួយគត់​ សូម​​ប្រើ​ទម្រង់ “លិខិត​ស្នើសុំ​តែ​សវនាការ​មួយគត់”។​

សូម​ផ្តល់​ព័ត៌មាន​ឲ្យ​បាន​ត្រឹមត្រូវ​ និង​ពេញលេញ។ ការមិន​បាន​ផ្តល់​ព័ត៌មាន​ពេញ​​​លេញ ​និង​ត្រឹមត្រូវ​​អាច​ពន្យារ​ពេល​​ដល់​ការបើក​នូវ​សំណុំ​រឿង ​ឬក៏បណ្តាល​​ឲ្យ​សំណើ​របស់​លោក លោកស្រី​ត្រូវ​បាន​ប្រគល់​ជូន​វិញ​។

បន្ទាប់ពី​ពាក្យបណ្តឹង​ដែល​បាន​បំពេញ​រួចរាល់​ត្រូវ​បាន​ដំណើរ​ការ លោក ​លោកស្រី​នឹង​ទទួល​ដំណឹង​អំពី​កាលបរិច្ឆេទ​​នៃ​សវនាការ ​OAH ​តាម​នីតិវិធីដូច​​ក្នុង​​កាល​វិភាគ​​។ កាលបរិច្ឆេទ​នៃ​ការសម្រុះសម្រួល​អាច​ត្រូវ​បាន​ស្នើសុំ​បន្ទាប់ពី​ទទួល​បាន​ការកំណត់​កាលបរិច្ឆេទ​ដំបូង​ដោយ​ដាក់​សំណើសុំ​ការសម្រុះសម្រួល​។​  អាច​ចូល​ទៅ​កាន់ SFT ​តាមវិប​សាយ https://www.applications.dgs.ca.gov/oah/oahsftweb

ការសម្រុះសម្រួល​និង​សវនាការ​តាម​នីតិវិធី​ អនុលោម​តាម​ច្បាប់ស្តីពី​ការកែលម្អ​ការអប់រំ​សម្រាប់​ជនពិការ​ឆ្នាំ 2004

ច្បាប់ស្តីពី​ការកែលម្អ​លើ​ការអប់រំជន​ពិការ​ឆ្នាំ 2004 ​ដែល​​ត្រូវ​​បាន​គេ​ស្គាល់​ថា​ “IDEA” ​ផ្តល់​ការសម្រុះ​សម្រួល ​និង​សវនាការ​តាម​នីតិវិធី​ ដើម្បី​ដោះស្រាយ​វិវាទ​អប់រំ​ពិសេស។​  គោលបំណង​នៃ ​IDEA ​គឺ​ដើម្បី​ជួយ​ធានា​ថា កុមារ​ពិការ ទទួល​បា​ន​​សេវា​អប់​រំ​ពី​រដ្ឋ​​ដោយ​ឥត​គិត​ថ្លៃ និង​​សមរម្យ​ដែល​ឆ្លើយ​តប​ទៅ​នឹង​តម្រូវការ​ដោយឡែកៗ​​របស់​​កុមារ​ម្នាក់ៗ។  “ការអប់រំ​សាធារណៈ​ដោយ​ឥត​គិត​ថ្លៃ​និង​សមរម្យ​” ​ជា​ធម្មតា​​ត្រូវ​បាន​គេ​ហៅថា ​“FAPE”។

ដើម្បី​ឲ្យមាន​សវនាការ​តាមនីតិវិធី​តាមកាល​បរិច្ឆេទ​ លោក លោក​ស្រី​ត្រូវ​បំពេញ​បណ្តឹង​តវ៉ា​ដោយ​ព័ត៌មាន​សមស្របទាំងអស់ដែល​បាន​ផ្ដល់ជូន​។ IDEA ​មាន​តម្រូវការ​ជាក់លាក់​​ទាក់ទង​នឹង​ព័ត៌មាន​​ដែល​ត្រូវ​ដាក់​បញ្ចូល​ក្នុង​បណ្តឹង​តវ៉ា​។ សំណើសុំ​សវនាការ​តាម​នីតិវិធី​និង​ការសម្រុះ​សម្រួល​ ដូច​ដែល​​បាន​ជូន​ភ្ជាប់​មក​ជាមួយ​បានរំលេចនូវ​​រាល់​ព័ត៌មាន​ចាំបាច់​​ទាំងអស់។ 

ប្រសិនបើ​ព័ត៌មាន​មិន​ពេញ​លេញ​ នោះ​សំណើ​របស់​លោក លោកស្រី​ដើម្បីទទួលបាន​​នូវ​សវនាការ​តាម​នីតិវិធី​អាច​ត្រូវ​បាន​ពន្យារពេល​រហូត​ដល់​ព័ត៌មាន​ចាំបាច់​ទាំងអស់​ត្រូវ​បាន​ផ្តល់​ឲ្យ។ ​បើ​មិន​ដូច្នេះ​ទេ ​ពាក្យបណ្តឹង​របស់​លោក​ លោកស្រី​​នឹង​​ត្រូវ​បាន​ផ្ញើ​ត្រឡប់​ទៅ​វិញ​។ 

សំណើ​របស់​លោក ​លោកស្រី​ត្រូវតែ​ផ្ញើ​ទៅ​គ្រប់​​ភាគី​ទាំងអស់។

ជាអនុសាសន៍​ សេវាកម្ម​​បញ្ជូន​ឯកសារ ​OAH ​គួរធ្វើ​ឡើង​តាម​ប្រព័ន្ធផ្ទេរឯកសារ​អេឡិចត្រូនិក​​ដែល​​មាន​​សុវត្ថិភាព ដែល​​​គេ​ហៅថា​ “SFT”។ សម្រាប់​ព័ត៌មាន​បន្ថែម និង​ប្រព័ន្ធ SFT ​សូម​ចូល​ទៅ​កាន់​គេហទំព័រ​របស់ ​OAH ​​https://www.dgs.ca.gov​/OAH​/Case– ប្រភេទ/ការអប់រំពិសេស។

សូម​អាន​មុន​ពេល​បំពេញ​សំណើសុំ​ទទួល​បាន​នូវ​សវនាការ​តាមនីតិវិធី​និង​ការសម្រុះសម្រួល – សេចក្តី​ដក​​ស្រង់​​​ចេញ​ពី​លក្ខន្តិកៈសហព័ន្ធ​ដែល​មាន​ជាធរ​មាន

សំណើសុំ​សម្រុះ​សម្រួល​ និង​សវនាការ​តាម​នីតិវិធី (បណ្តឹង​តវ៉ា) ​រួម​មាន​៖

  • “ឈ្មោះ​កុមារ ​អាសយដ្ឋាន​រស់​នៅ​របស់​កុមារ (​ឬក៏​ព័ត៌មាន​​ទំនាក់ទំនង​​​ក្នុង​ករណី​កុមារ​គ្មាន​​ផ្ទះសម្បែង​) និង​ឈ្មោះ​សាលា​ដែល​កុមារ​កំពុង​រៀន” (20 U.S.C. § 1415 (b)(7)(A)(ii)(I));
  • “ការពិពណ៌នា​អំពី​ប្រភេទ​បញ្ហា​របស់​កុមារ​ទាក់ទង​នឹង​ការ​ផ្តួចផ្តើម​គំនិត​ ឬក៏​ការផ្លាស់ប្តូរ​ដែល​បាន​ស្នើ​ឡើង​ រួមមាន​អង្គហេតុ​ទាក់ទង​នឹង​បញ្ហា​នេះ”។ (20​ U.S.C. § 1415(b)(7)(A)(ii)(III)) និង
  • “សំណើ​​ដោះ​ស្រាយ​បញ្ហាដែល​​ត្រូវ​បាន​ភាគី​ម្ខាង​​ដឹង​ និង​មាន​ក្នុង​កម្រិត​មួយ​​នៅពេល​នោះ”។ (20 U.S.C. § 1415 (b)(7)(A)(ii)(IV))
  • “ភាគី​ម្ខាង​មិន​អាច​មាន​សវនាការ​តាមនីតិវិធី​រហូត​ដល់​ភាគី​នោះ ឬក៏មេធាវី​តំណាង​ឲ្យភាគី​នោះ​ជូនដំណឹង​ដែលបំពេញតាម​លក្ខខណ្ឌ​តម្រូវ​នៃអនុ​កថាខ​ណ្ឌ (A)(ii)។”​ (20 U.S.C. § 1415 (b)(7)(B))
  • “ពាក្យបណ្តឹង ​នឹង​ត្រូវ​បាន​ចាត់​ទុក​ថា​គ្រប់គ្រាន់ ​​ប្រសិន​បើ​ភាគី​ដែល​ទទួល​បាន​ដំណឹង​នោះ​ជូន​ដំណឹង​ដល់​មន្ត្រី​សវនាការ ​និង​ភាគី​ម្ខាង​ទៀត​ជាលាយ​លក្ខណ៍​អក្សរ​​ថា ភាគី​ទទួល​ជឿថា សេចក្តី​ជូន​ដំណឹង​នេះ​មិន​បាន​បំពេញ​​តាម​លក្ខខណ្ឌ​តម្រូវ​ផ្នែក​ (b)(7)(A).” (20 U.S.C. § 1415 (c)(2)(A))
  • “…មន្ត្រី​សវនាការ​នឹង​ធ្វើ​សេចក្តី​សម្រេចដោយផ្អែកលើ​សេចក្តី​ជូន​ដំណឹង​ ថាតើ​សេចក្តីជូន​ដំណឹង​នេះ​បំពេញតាម​លក្ខខណ្ឌ​តម្រូវដែរឬទេ…​ហើយ​នឹង​ជូន​ដំណឹង​ទៅ​ភាគី​នានា​ជា​លាយ​​លក្ខណ៍​អក្សរ​អំពី​ការសម្រេចនេះ។” (20 U.S.C. § 1415 (c)(2)(D))
  • ភាគី​ម្ខាង​អាច​កែប្រែ​បណ្តឹង​តវ៉ា​របស់​ខ្លួន​បាន​លុះត្រា​តែ​៖ (I) ភាគី​ម្ខាង​ទៀត​ឯកភាព​ជា​លាយ​លក្ខណ៍​អក្សរ​​ និង​មាន​កិច្ច​ប្រជុំ​​រកដំណោះស្រាយ។ ​ឬក៏ ​(II) ​ប្រសិនបើ​ទទួល​បាន​ការ​អនុញ្ញាត​​ពី​ចៅក្រមរដ្ឋបាល។ (20 U.S.C. § 1415 (c)(2)(E)(i))
  • “ពេល​វេលា​កំណត់​ដែល​អាច​អនុវត្ត​បាន​សម្រាប់​​​សវនាការតាមនីតិវិធី​​​ក្រោមអនុ​ជំពូក​នេះ​នឹង​ត្រូវចាប់ផ្ដើមម្ដងទៀត​នៅ​ពេល​ដែល​ភាគី​នោះ​ធ្វើ​សេចក្តី​ជូន​ដំណឹង​ដែល​បាន​កែប្រែ​នោះ​…” (20 U.S.C.§ 1415(c)(2)(E)(ii))