ផ្នែក 504 តម្រូវឲ្យមណ្ឌលសិក្សាធិការដែលបានរ៉ាប់រងទាំងអស់ ឬទីភ្នាក់ងារអប់រំផ្តល់នូវការអប់រំសាធារណៈសមស្របឥតគិតថ្លៃ (FAPE) ដល់សិស្សគ្រប់រូបដែលមានសិទ្ធិទទួលបាន។1 មណ្ឌលសិក្សាធិការ មានផ្តល់ជូននូវសេវាកម្មអប់រំ និងសេវាកម្មពាក់ព័ន្ធដែលបានបង្កើតឡើងដើម្បីបំពេញតម្រូវការរបស់សិស្សដែលមានពិការភាពឲ្យបានគ្រប់គ្រាន់ដូចគ្នាទៅនឹងការបំពេញតម្រូវការរបស់សិស្សដែលគ្មានពិការភាពដែរ។2 ការអប់រំសមស្របត្រូវបានឲ្យនិយមន័យថា៖ “ការផ្តល់ការអប់រំធម្មតា ឬពិសេស និងជំនួយនិងសេវាកម្មពាក់ព័ន្ធ” ដែល៖
- បានបង្កើតឡើងដើម្បីបំពេញតាមតម្រូវការនីមួយៗរបស់សិស្សដែលមានពិការភាពឲ្យបានសមស្របដូចគ្នាទៅនឹងការបំពេញតម្រូវការរបស់សិស្សដែលគ្មានពិការភាពដែរ និង
- បានអនុវត្តស្របទៅតាមនីតិវិធីផ្នែក 504។3
នៅក្នុងការពិនិត្យតាមដានថាតើមណ្ឌលសិក្សាធិការបានបំពេញតាមកាតព្វកិច្ចអប់រំ FAPE របស់ខ្លួនក្រោមផ្នែក 504 ដែរឬអត់នោះ ការិយាល័យសិទ្ធិពលរដ្ឋ (Office for Civil Rights, OCR) ពិនិត្យមើលកត្តាចំនួនបី៖
- តើមណ្ឌលសិក្សាធិការវាយតម្លៃសិស្សស្របតាមលក្ខខណ្ឌតម្រូវផ្នែក 504 ដែរឬទេ?
- តើមណ្ឌលសិក្សាធិការកំណត់តម្រូវការរបស់សិស្សដោយផ្អែកលើមូលដ្ឋានបុគ្គលដែរឬទេ៖
- តើមណ្ឌលសិក្សាធិការផ្តល់ជំនួយ និងសេវាកម្មចាំបាច់ដើម្បីបំពេញតាមតម្រូវការបុគ្គលរបស់សិស្សនោះដែរឬទេ។4
មណ្ឌលសិក្សាធិការ មិនអាចគេចផុតពីភារកិច្ចរបស់ខ្លួនក្នុងការផ្តល់ការអប់រំ FAPE ក្រោមផ្នែក 504 ដោយការទាមទារនូវការកែតម្រូវជាមូលដ្ឋាន ឬបន្ទុកមិនសមស្របនោះទេ។5
កុមារម្នាក់ដែលមានសិទ្ធិទទួលបានក្រោមផ្នែក 504/ច្បាប់ ADA ដោយផ្អែកលើមូលដ្ឋានមានការចុះខ្សោយដែលធ្វើឲ្យមានលក្ខណៈសម្បត្តិគ្រប់គ្រាន់ ដែលនាំឲ្យមានការរឹតត្បិតច្រើនទៅលើសកម្មភាពសំខាន់ៗក្នុងជីវិត កុមារនោះគប្បីទទួលបានការវាយតម្លៃដើម្បីកំណត់ពីតម្រូវការរបស់គាត់សម្រាប់ជំនួយ និងសេវាកម្មដើម្បីទទួលបានការអប់រំ FAPE។ ទោះយ៉ាងណាក៏ដោយ ការមានកំណត់ត្រានៃពិការភាព ឬការចាត់ទុកថាមានពិការភាពក្នុងខ្លួនពួកគេមិនផ្តល់សិទ្ធិទៅដល់សិស្សណាម្នាក់ដែលបំពេញលក្ខណៈវិនិច្ឆ័យណាមួយសម្រាប់ការអប់រំ FAPE ក្រោមផ្នែក 504/ADA នោះទេ។ សិស្សម្នាក់ត្រូវតែបំពេញរាល់សមាសធាតុទាំងបីនៃលក្ខខណ្ឌវិនិច្ឆ័យនៃសិទ្ធិទទួលបានក្រោមផ្នែក 504 សម្រាប់ការការពារ និងសេវាកម្ម។
វិធីមួយដែលមណ្ឌលសិក្សាធិការអាចផ្តល់ការអប់រំ FAPE ក្រោមផ្នែក 504 គឺតាមរយៈការផ្តល់នូវកម្មវិធីអប់រំលក្ខណៈបុគ្គល (IEP) អនុលោមតាមច្បាប់អប់រំលក្ខណៈបុគ្គលដែលមានពិការភាព (Individuals with Disabilities Education Act, IDEA)។6 សូមមើល ជំពូក 4 សម្រាប់ ព័ត៌មានស្តីពីដំណើរការកម្មវិធី IEP។ ប៉ុន្តែ ជាធម្មតា មណ្ឌលសិក្សាធិការប្រើប្រាស់ឯកសារមួយដែលស្គាល់ជាទូទៅស្គាល់ថាជា ផែនការ 504 ដើម្បីកំណត់ពិការភាពរបស់កុមារ រាយការណ៍អំពីលទ្ធផលនៃការវាយតម្លៃ កំណត់ជំនួយ និងសេវាកម្មដែលកុមារត្រូវការ និងសម្រេចចិត្តទៅលើកន្លែងរៀនដែលគាត់នឹងទទួលបានការអប់រំ។