(16.21) តើស្ថានភាពសុខភាពមួយចំនួនដែលបានរ៉ាប់រងជាទូទៅដោយផ្នែក 504 មានអ្វីខ្លះ ហើយតើការសម្របសម្រួលអ្វីខ្លះត្រូវបានផ្តល់ជូនដល់កុមារដែលមានស្ថានភាពសុខភាពណាមួយ?

កុមារម្នាក់ដែលមានស្ថានភាពសុខភាពមួយចំនួនអាចនឹងមានលក្ខណៈ សម្បត្តិគ្រប់គ្រាន់ក្រោមផ្នែក 504 ប្រសិនបើស្ថានភាពនេះរឹតត្បិតច្រើនលើគាត់ក្នុងសកម្មភាពមុខងារសំខាន់ៗក្នុងជីវិតដូចជាការដកដង្ហើម មុខងារផ្លូវដង្ហើម មុខងារប្រព័ន្ធភាពស៊ាំ ការផ្ចង់ស្មារតី ការថែទាំខ្លួនឯង និងការសិក្សា។¹ ស្ថានភាពនានាដូចជាជំងឺទឹកនោមផ្អែម ជំងឺហឺត ប្រតិកម្មទៅនឹងចំណីអាហារ ប្រតិកម្មទៅនឹងមជ្ឈដ្ឋាន (ងាយទទួលរងប្រតិកម្មទៅនឹងសារធាតុគីមីចម្រុះ) ជំងឺឆ្កួតជ្រូក និងជំងឺភាពមិនប្រក្រតីនៃការផ្ចង់ស្មារតី (ADHD) ស្ថានភាពទាំងនេះត្រូវបានរ៉ាប់រងជាទូទៅដោយផ្នែក 504 នៅពេលមានភស្តុតាងបង្ហាញថាស្ថានភាពនោះរឹតត្បិតសមត្ថភាពរបស់កុមារនៅក្នុងការបំពេញសកម្មភាពមុខងារសំខាន់ៗនៅក្នុងជីវិត បើធៀបទៅនឹងកុមារផ្សេងទៀតដែលមានវ័យដូចគ្នានៅក្នុងចំនួនក្រុមកុមារទូទៅ។² ស្ថានភាពទាំងនេះ ក៏អាចឲ្យកុមារណាម្នាក់មានលក្ខណៈសម្បត្តិគ្រប់គ្រាន់ទទួលបានកម្មវិធី IEP ក្រោមប្រភេទនៃការចុះខ្សោយសុខភាពផ្សេងៗ (OHI) នៃច្បាប់ IDEA ផងដែរ។ សូមមើល ជំពូក 3 ព័ត៌មានស្តីពីលក្ខណៈវិនិច្ឆ័យនៃសិទ្ធិទទួលបាន។

ពេលណាកុមារម្នាក់មានសិទ្ធិទទួលបានក្រោមផ្នែក 504 សាលារៀនរបស់គាត់មានកាតព្វកិច្ចជាទូទៅដើម្បីធានាថាគាត់មានឱកាសស្មើភាពក្នុងការទទួលបានអត្ថប្រយោជន៍ដូចគ្នា និងចូលរួមក្នុងកម្មវិធីដូចគ្នាទៅនឹងមិត្តរួមថ្នាក់របស់គាត់ដែលគ្មានពិការភាព ផ្អែកលើមូលដ្ឋានស្មើភាពគ្នា។³ ការិយាល័យ OCR បានជឿជាក់ថាសាលារៀនមានកាតព្វកិច្ចក្រោមផ្នែក 504 ក្នុងការចាត់វិធានការដើម្បីឲ្យមជ្ឈដ្ឋានសាលារៀនមានសុវត្ថិភាពសម្រាប់សិស្សដែលមានពិការភាព ដូចគ្នាទៅនឹងសិស្សដែលគ្មានពិការភាពដែរ។⁴ ម្យ៉ាងទៀត សាលារៀនត្រូវតែធានាថាសិស្សដែលមានពិការភាពមិនត្រូវបានផាត់ចេញពីកម្មវិធី ថ្នាក់រៀន ឬសកម្មភាពសិក្សាបន្ថែមណាមួយ ដោយសារតែពិការភាពរបស់ពួកគាត់ឡើយ ប្រសិនការសម្របសម្រួលសមស្រប និងសមហេតុផលដែលដោះស្រាយបញ្ហាតម្រូវការពិការភាពរបស់គាត់អាចត្រូវបានអនុវត្តដើម្បីធានានូវការចូលរួមរបស់គាត់ប្រកបដោយសុវត្ថិភាព និងប្រសិទ្ធភាព។⁵

បន្ថែមពីលើភារកិច្ចរបស់ខ្លួនក្នុងការទប់ស្កាត់ការរើសអើងលើពិការភាព មណ្ឌលសិក្សាធិការត្រូវតែធ្វើការកំណត់លក្ខណៈបុគ្គលនូវផលប៉ះនៃស្ថានភាពសុខភាពទៅលើកុមារ និងកំណត់នូវការសម្របសម្រួល និងសេវាកម្មផ្សេងៗនៅក្នុងផែនការ 504 របស់គាត់ដែលនឹងធានានូវការទទួលបានការអប់រំ FAPE របស់គាត់ ក៏ដូចជាការចូលរួមរបស់គាត់នៅក្នុងកម្មវិធី និងសកម្មភាពរបស់មណ្ឌលសិក្សាធិការដោយស្មើភាពគ្នា។⁶ សេវាជំនួយដូចខាងក្រោម ត្រូវបានចាត់ទុកថាមានភាពសមស្រប និងសមហេតុផលសម្រាប់ស្ថានភាពសុខភាពមួយចំនួននៅក្រោមផ្នែក 504។

ជំងឺទឹកនោមផ្អែម

ការផ្តល់ថ្នាំអាំងស៊ុយលីន នៅពេលសិស្សមិនអាចចាក់ថ្នាំដោយខ្លួនឯងបាន។⁷
ការផ្តល់ថ្នាំអាំងស៊ុយលីន និងថ្នាំគ្លុយកាកុង និងការគណនាសេតូននៅក្នុងដំណើរទស្សនកិច្ចសិក្សា។⁸
ការបង្កើតព័ត៌មានអាហារូបត្ថម្ភសម្រាប់អាហារថ្ងៃត្រង់របស់សាលា។⁹
ការដំឡើងឧបករណ៍ចាក់បញ្ចូលអាំងស៊ុយលីនសម្រាប់ម៉ាស៊ីនបូមអាំងស៊ុយលីន។¹⁰
ការផ្តល់ថ្នាំអាំងស៊ុយលីន និងការផ្តល់អាហារសម្រន់នៅលើរថយន្តក្រុងរបស់សាលា។¹¹

ជំងឺហឺត

ការជួយដល់ការប្រើប្រាស់បំពង់ហឺត ឬការផ្តល់ឱសថ។¹²
ការផ្តល់មធ្យោបាយធ្វើដំណើរទៅកាន់សាលារៀន។¹³
ការបង្កើតផែនការសង្គ្រោះបន្ទាន់សម្រាប់សុវត្ថិភាព និងការផ្តល់ដំណឹងដល់បុគ្គលិកសាលាអំពីវិធានការដែលត្រូវអនុវត្តក្រោមផែនការនេះ។¹⁴
ការអនុញ្ញាតឲ្យសិស្សប្រើម្ជុលស្វ័យប្រវត្តិចាក់ថ្នាំអេពីណេព្រីន¹⁵
ការហាមមិនឲ្យមានវត្តមានសារធាតុមួយចំនួន ដូចជាសណ្តែកដី ឬផលិតផលសណ្តែកដីនៅក្នុងថ្នាក់រៀន។¹⁶
ការដំឡើងកន្លែងលាងដៃក្រៅថ្នាក់រៀន។¹⁷
ការប្រាប់ដល់បុគ្គលិកហាងលក់អាហារអំពីការរឹតត្បិតលើចំណីអាហារ។¹⁸

ប្រតិកម្មចំណីអាហារ 

ការបង្កើតផែនការសង្គ្រោះបន្ទាន់សម្រាប់សុវត្ថិភាព និងការផ្តល់ដំណឹងដល់បុគ្គលិកសាលាអំពីវិធានការដែលត្រូវអនុវត្តក្រោមផែនការនេះ។¹⁹
ការអនុញ្ញាតឲ្យសិស្សប្រើម្ជុលស្វ័យប្រវត្តិចាក់ថ្នាំអេពីណេព្រីន²⁰
ការហាមមិនឲ្យមានវត្តមានសារធាតុមួយចំនួន ដូចជាសណ្តែកដី ឬផលិតផលសណ្តែកដីនៅក្នុងថ្នាក់រៀន។²¹
ការដំឡើងកន្លែងលាងដៃក្រៅថ្នាក់រៀន។²²
ការប្រាប់ដល់បុគ្គលិកហាងលក់អាហារអំពីការរឹតត្បិតលើចំណីអាហារ។²³

ប្រតិកម្មទៅនឹងមជ្ឈដ្ឋាន (ភាពងាយទទួលរងប្រតិកម្មទៅនឹងសារធាតុគីមីចម្រុះ)

ការត្រួតពិនិត្យតាមដានដោយគិលានុប្បដ្ឋាកដែលមានលក្ខណៈសម្បត្តិគ្រប់គ្រាន់។
ការបង្កើតពិធីសារដែលធានានូវលទ្ធភាពក្នុងការប្រើប្រាស់អុកស៊ីសែន។
ការអនុវត្តពិធីសារសង្គ្រោះបន្ទាន់។²⁴

ជំងឺឆ្កួតជ្រូក

ការផ្តល់ជំនួយដោយមានការបណ្តុះបណ្តាលផ្នែកវេជ្ជសាស្ត្រដើម្បីដោះស្រាយបញ្ហាដំណាក់កាលជំងឺពេលមានការប្រកាច់។²⁵

ជំងឺពោះវៀនធំគ្មានសរសៃប្រសាទ (Hirschsprung’s Disease)

ការផ្តល់ជំនួយជាមួយនឹងការប្រើថង់ភ្ជាប់ទៅនឹងពោះវៀនធំ។²⁶

ការដាក់បំពុងសុងអាហារ

ការផ្តលជូនការដាក់បំពុងសុងអាហារនៅក្នុងថ្នាក់រៀន។²⁷

ជំងឺ ADD/ADHD

ការផ្តល់ឱសថអំឡុងថ្ងៃសិក្សានៅសាលា។²⁸

42 U.S.C. Sec. 12102(2)(B)-(4)(E).[↩]
28 C.F.R. Sec. 35.108(d)(1)(v).[↩]
34 C.F.R.Sec.104.4.[↩]
Washington (NC) Montessori Pub. Charter Sch., 60 IDELR 79 (OCR 2015).[↩]
Bethlehem (NY) Cent. Sch. Dist., 52 IDELR 169 (OCR 2009); Donegal (VA) Sch Dist., 66 IDELR 231 (OCR 2015).[↩]
34 C.F.R. Sec. 104.35.[↩]
Duval County (FL) Pub. Schs., 113 LRP 27887 (OCR 04/19/13).[↩]
Clayton County (GA) Sch. Dist., 52 NDLR 170 (OCR 2015).[↩]
Rudyard (MI) Area Schs.,115 LRP 10469 (OCR 10/19/14).[↩]
Prince William County (VA) Pub. Schs., 69 IDELR 168 (OCR 2016).[↩]
Bryan County (GA) Schs., 69 IDELR 43 (OCR 2016).[↩]
Pueblo (CO) Sch. Dist. 60, 60 IDELR 25 (OCR 2012).[↩]
Montgomery County (AL) Pub. Schs., 68 IDELR 282 (OCR 2016).[↩]
Encinita (CA) Union Sch. Dist., 114 LRP 23545 (OCR  01/29/14).[↩]
Franklin County (TN) Pub. Schs., 52 IDELR 143 (OCR 2009).[↩]
South Windsor (CT) Pub. Schs., 49 IDELR 108 (OCR 2007).[↩]
Encinitas (CA) Union Schs. Dist., 114 LRP 23545, (OCR 01/29/14).[↩]
Henry County (MO) R-I Sch. Dist.,52 IDELR 233 (OCR 2009).[↩]
Encinita (CA) Union Sch. Dist., 114 LRP 23545 (OCR  01/29/14).[↩]
Franklin County (TN) Pub. Schs., 52 IDELR 143 (OCR 2009).[↩]
South Windsor (CT) Pub. Schs., 49 IDELR 107 (OCR 2007).[↩]
Encinitas (CA) Union Schs. Dist., 114 LRP 23545, (OCR 01/29/14).[↩]
Henry County (MO) R-I Sch. Dist.,52 IDELR 233 (OCR 2009).[↩]
Stafford County (VA) Pub. Schs., 70 IDELR 164 (OCR 2017).[↩]
Yakima (WA) Sch. Dist. No. 7, 64 IDELR 53 (OCR 2014).[↩]
Alachua County (FL) Sch. Dist., 52 IDELR 204 (OCR 2009).[↩]
Huntsville (AL) City Schs., 73 IDELR 270 (OCR 2018).[↩]
Letter to Mentink, 19 IDELR 1127 (OCR 1993).[↩]