(3.11) កូនរបស់ខ្ញុំបានទទួលការធ្វើរោគវិនិច្ឆ័យឃើញមានបញ្ហាកិរិយាមាយាទ/អាកប្បកិរិយាដូចជាបញ្ហារករឿងប្រឆាំងមិនស្តាប់បង្គាប់ជាដើម។ តើគាត់អាចមានលក្ខណៈសម្បត្តិគ្រប់គ្រាន់ទទួលបានការអប់រំពិសេសដែរឬទេ?

វិបត្តិការប្រព្រឹត្ត ឬវិបត្តិអាកប្បកិរិយា និងវិបត្តិរឹងទទឹងប្រឆាំង គឺមិនមែនជាប្រភេទជាក់លាក់នៃសិទ្ធិទទួលបានការអប់រំពិសេសទេ។ ទោះយ៉ាងនេះក្ដី សិស្សដែលបង្ហាញថា មានបញ្ហាអាកប្បកិរិយាធ្ងន់ធ្ងរ ឬក្នុងរយៈពេលយូរ នៅតែអាចមានលក្ខណៈសម្បត្តិគ្រប់គ្រាន់សម្រាប់ការអប់រំពិសេសក្រោមប្រភេទដូចជា៖

ពិការភាពក្នុងការសិក្សាជាក់លាក់ (SLD)
ការរំខានផ្នែកអារម្មណ៍ (ED)
ការចុះខ្សោយសុខភាពផ្សេងទៀត (OHI) ដែលរាប់ទាំងបញ្ហាសុខភាពដូចជាជំងឺផ្ចង់អារម្មណ៍ (ADD) ឬជំងឺផ្ចង់អារម្មណ៍ខ្លាំង (ADHD)។

ប្រសិនបើសិស្សបង្ហាញបញ្ហាអាកប្បកិរិយាគួរឲ្យកត់សម្គាល់ នោះការវាយតម្លៃគួរតែធ្វើឡើងនៅគ្រប់ផ្នែកទាំងអស់ដែលពាក់ព័ន្ធនឹងពិការភាពដែលបានសង្ស័យរបស់សិស្ស ដើម្បីកំណត់ថាតើសិស្សនោះមានលក្ខណៈសម្បត្តិគ្រប់គ្រាន់ទទួលបានការអប់រំពិសេសដែរឬអត់។ ប្រសិនបើសិស្សនោះមិនមានលក្ខណៈសម្បត្តិគ្រប់គ្រាន់ទទួលបានការអប់រំពិសេសទេ ផែនការផ្នែក 504 គប្បីត្រូវយកមកពិចារណា។

ការិយាល័យសេវាពលរដ្ឋ (Office for Civil Rights, OCR) សហរដ្ឋអាមេរិកនៅក្នុងរដ្ឋកាលីហ្វ័រញ៉ាបានចេញសេចក្តីសម្រេចថាសាលារៀននានា ត្រូវតែរៀបចំកិច្ចប្រជុំក្រុមការងារវាយតម្លៃដើម្បីធ្វើការកំណត់ពាក់ព័ន្ធនឹងការទទួលបានសិទ្ធិក្រោមផ្នែក 504 សម្រាប់កុមារដែលមានជំងឺ ADD/ADHD និងជំងឺមិនអស់មិនហើយ បើទោះបីជាកុមារនោះមិនមានលក្ខណៈសម្បត្តិគ្រប់គ្រាន់ទទួលបានការអប់រំពិសេសក្តី។ ¹។

មណ្ឌលសិក្សាធិការរួបរួម Manteca, 30 IDELR 544(1998)[↩]