មិនថាទីភ្នាក់ងារឈានមុខនោះជាមជ្ឈមណ្ឌលក្នុងតំបន់ ឬជាមណ្ឌលសិក្សានោះទេ អ្នកអាចដាក់ពាក្យបណ្តឹងជាលាយលក្ខណ៍អក្សរបាន។ ចំពោះពោះព័ត៌មានថ្មីៗបំផុតអំពីកន្លែងដែលអ្នកអាចដាក់ពាក្យបណ្តឹង សូមចូលទៅកាន់គេហទំព័រ៖ https://www.dds.ca.gov/general/appeals-complaints-comments/early-start-complaint-process/។ ចាប់ពីពេលបោះពុម្ពផ្សាយ អ្នកអាចដាក់ពាក្យបណ្តឹងដោយផ្ញើតាមប្រៃសណីយ៍ ទូរសារ ឬផ្ញើអ៊ីមែលពាក្យបណ្តឹងទៅដូចខាងក្រោម៖
ផ្នែកសេវាកម្មលូតលាស់របស់រដ្ឋកាលីហ្វ័រញ៉ា
ជូនចំពោះ៖ ការិយាល័យបណ្ដឹងឧទ្ធរណ៍ និងដំណោះស្រាយរបស់សហគមន៍
1215 O Street (MS 8-20)
Sacramento, CA 95814
សារជាសំឡេង៖ 833-538-3723
ទូរសារ៖ 916-654-3641
អ៊ីមែល៖ appeals@dds.ca.gov
ប្រសិនបើអ្នកមានបញ្ហាក្នុងការដាក់ពាក្យបណ្តឹងជាលាយលក្ខណ៍អក្សរ អ្នកសម្របសម្រួលសេវាកូនរបស់អ្នកត្រូវតែជួយអ្នក។ ពាក្យបណ្តឹង ត្រូវតែរួមបញ្ចូលឈ្មោះរបស់អ្នក អាសយដ្ឋាន និងលេខទូរសព្ទ និងរបាយការណ៍ដែលបញ្ជាក់អំពីការរំលោភបំពានដោយមជ្ឈមណ្ឌលក្នុងតំបន់ មណ្ឌលសិក្សាធិការ ឬអ្នកផ្តល់សេវាឯកជន។ អ្នកផ្តល់សេវា ត្រូវតែរួមបញ្ចូលនូវអង្គហេតុដែលពាក្យបណ្តឹងរបស់អ្នកផ្អែកទៅលើ ឈ្មោះរបស់បុគ្គលឬស្ថាប័នដែលទទួលខុសត្រូវសម្រាប់ការមិនបានអនុវត្តនោះ និងការពិពណ៌នាអំពីវិធានការមួយចំនួនដែលអ្នកបានអនុវត្តរួចហើយដើម្បីដោះស្រាយបញ្ហាពាក្យបណ្តឹងនោះ។ នេះគឺជានីតិវិធីបណ្តឹងតែមួយគត់ដែលអាចយកទៅប្រើប្រាស់ដើម្បីដោះស្រាយបញ្ហាជាមួយនឹងសេវាអន្តរាគមន៍ពីដើមទីដំបូង។ ពាក្យបណ្តឹង ត្រូវដែលដាក់ជូនទៅសេវាកម្ម DDS ទោះបីជាវាមានជាប់ពាក់ព័ន្ធនឹងមណ្ឌលសិក្សាធិការក៏ដោយ។
សេវាកម្ម DDS ត្រូវតែទទួលបានពាក្យបណ្តឹងរបស់អ្នកមិនឲ្យលើសពីរយៈពេលមួយឆ្នាំ បន្ទាប់ពីកាលបរិច្ឆេទដែលការរំលោភបំពាននោះបានកើតឡើង។ ក្នុងករណីខ្លះ ពាក្យបណ្តឹងអាចត្រូវបានទទួលយក បន្ទាប់ពីរយៈពេលមួយឆ្នាំបានកន្លងផុត ប្រសិនបើការរំលោភបំពាននៅតែបន្ត និងប៉ះពាល់ដល់កូនរបស់អ្នក ឬកុមារដទៃទៀត។
ម្យ៉ាងទៀត ប្រសិនបើអ្នកកំពុងស្នើសុំការទូទាត់សំណង ឬ “សកម្មភាពកែតម្រូវ” នៃពាក្យបណ្តឹងនោះ ក្រសួងអាចទទួលយកវារយៈពេលរហូតដល់បីឆ្នាំ បន្ទាប់ពីកាលបរិច្ឆេទនៃការរំលោភបំពាននោះ។1
ក្នុងរយៈពេល 60 ថ្ងៃក្រោយទទួលបានពាក្យបណ្តឹង សេវាកម្ម DDS ត្រូវតែ៖
- ប្រគល់ពាក្យបណ្តឹងនេះដល់ក្រុមការងារអន្តរទីភ្នាក់ងាររបស់រដ្ឋ ឬប្រគល់ដល់ទីភ្នាក់រដ្ឋដែលសមស្របផ្សេងទៀត
- ធ្វើការស៊ើបអង្កេត
- ផ្តល់ឲ្យអ្នកនូវឱកាសដើម្បីដាក់ព័ត៌មានបន្ថែមដោយផ្ទាល់មាត់ ឬជាលាយលក្ខណ៍អក្សរ
- ពិនិត្យមើលព័ត៌មានពាក់ព័ន្ធទាំងអស់
- កំណត់ថាតើមានការរំលោភបំពានច្បាប់ណាមួយដែលប៉ះពាល់ដល់កូនរបស់អ្នកដែរឬទេ និង
- ចេញសេចក្តីសម្រេចជាលាយលក្ខណ៍អក្សរដែលរួមបញ្ចូលនូវលទ្ធផលរកឃើញ ការសន្និដ្ឋាន ហេតុផល ចំណាត់ការកែតម្រូវចាំបាច់ណាមួយ កាលវេលាសម្រាប់ចំណាត់ការកែតម្រូវណាមួយ និងការផ្តល់ជូនជំនួយផ្នែកបច្ចេកទេសទៅដល់ទីភ្នាក់ងារ ឬបុគ្គលដែលមានកំហុស។
ក្នុងស្ថានភាពជាក់លាក់មួយចំនួន ដូចជាជំងឺ ឬអវត្តមានពីតំបន់ភូមិសាស្ត្ររបស់អ្នកដាក់ពាក្យប្តឹង ឬគ្រោះមហន្តរាយធម្មជាតិ ពេលនោះសេវាកម្ម DDS អាចពន្យារកាលវេលារហូតដល់ 60 ថ្ងៃ។
សកម្មភាពកែតម្រូវ អាចរួមបញ្ចូលនូវការទូទាត់សំណងជាប្រាក់ ការធានាឲ្យមានការផ្តល់ជូនសេវាកម្មសមស្របនេះក្នុងពេលអនាគត និង/ឬសេវាកម្មកែតម្រូវដែលសមស្របចំពោះកូន ឬគ្រួសាររបស់អ្នក។2