ការបញ្ជូនបន្តត្រូវតែធ្វើឡើងដោយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត វេជ្ជបណ្ឌិត ឬអ្នកផ្តល់សេវាផ្សេងទៀតទៅកាន់មជ្ឈមណ្ឌលក្នុងតំបន់ ឬមណ្ឌលសិក្សាធិការដោយផ្ទាល់មាត់ ឬជាលាយលក្ខណ៍អក្សរ។ លិខិតសង្ខេបខ្លីៗ ឬការហៅតាមទូរសព្ទដែលរៀបរាប់អំពីតម្រូវការរបស់កុមារ និងសំណើសុំសេវាអន្តរាគមន៍ពីដើមទី គឺគ្រប់គ្រាន់ដើម្បីចាប់ផ្តើមកិច្ចដំណើរការវាយតម្លៃ។
ប្រភពនៃការបញ្ជូនបន្តជាបឋម គឺមន្ទីរពេទ្យ (រួមទាំងមន្ទីរថែទាំមុនពេលសម្រាលកូន និងក្រោយពេលសម្រាលកូនផងដែរ) វេជ្ជបណ្ឌិត មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត កម្មវិធីថែទាំកុមារ មណ្ឌលសិក្សាធិការ មន្ទីរសុខាភិបាលសាធារណៈ ទីភ្នាក់ងារ និងបុគ្គលិកនៅក្នុងប្រព័ន្ធសុខុមាលភាពកុមារ ទីកន្លែងស្នាក់នៅសម្រាប់គ្រួសារដែលគ្មានផ្ទះសំបែង ទីកន្លែងស្នាក់នៅសម្រាប់បញ្ហាអំពើហិង្សាក្នុងគ្រួសារ ទីភ្នាក់ងារសង្គមកិច្ចផ្សេងទៀត និងអ្នកផ្តល់សេវាថែទាំសុខភាពផ្សេងទៀត។ ការបញ្ជូនបន្ត ត្រូវធ្វើឡើង “ឆាប់ៗតាមដែលអាចធ្វើបាន ប៉ុន្តែក្នុងករណីណាក៏ដោយ មិនត្រូវលើសពីរយៈពេលប្រាំពីរថ្ងៃនោះទេ បន្ទាប់ពីកុមារត្រូវបានកំណត់អត្តសញ្ញាណ។”1
- 34 C.F.R. Sec. 303.303(a) & (c); 17 C.C.R. Sec. 52040.[↩]