ច្បាប់សហព័ន្ធ មិនហាមឃាត់រដ្ឋពីការប្រើប្រាស់ការធានារ៉ាប់រងឯជនសម្រាប់សេវាកម្មចាប់ផ្តើមពីដើមទី (Early Start) នោះទេ។1 ចាប់តាំងពីខែកក្កដា ឆ្នាំ 2009 មក មជ្ឈមណ្ឌលក្នុងតំបន់បានតម្រូវឲ្យមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ប្រើប្រាស់ការធានារ៉ាប់រងឯកជនដើម្បីទូទាត់សេវាវេជ្ជសាស្ត្រដែលមានសរសេរជាលាយលក្ខណ៍អក្សរទៅក្នុងផែនការ IFSP ដរាបណាការនេះមានភាពស្របទៅតាមច្បាប់រដ្ឋ និងសហព័ន្ធ។ នេះអាចរួមបញ្ចូលនូវការទូទាត់ប្រាក់ធានារ៉ាប់រងត្រូវបង់មុន និងសហបង់ប្រាក់ផងដែរ ប៉ុន្តែមិនមានការទូទាត់សម្រាប់ការវាយតម្លៃ ឬការផ្តល់រង្វាយតម្លៃទៅលើទារក និងកុមារទើបចេះដើរទេ។ ប៉ុន្តែ អសមត្ថភាពរបស់អ្នកក្នុងការទទួលបានសេចក្តីសម្រេចណាមួយពីក្រុមហ៊ុនធានារ៉ាប់រងឯកជនរបស់អ្នក ពាក់ព័ន្ធនឹងការឯកភាព ឬការបដិសេធន៍ការទាមទារណាមួយ មិនត្រូវនាំឲ្យមានការបដិសេធន៍លើសេវាកម្មចំពោះកូនរបស់អ្នក ឬការពន្យារលើការផ្តល់សេវាកម្មឡើយ។2