សេវាកម្មក្រោមផ្នែក C ត្រូវបានផ្តល់ជូនដោយមជ្ឈមណ្ឌលក្នុងតំបន់ ឬមណ្ឌលសិក្សាធិការទៅដល់គ្រួសារក្រោមការគ្រប់គ្រងជាសាធារណៈ ហើយភាគច្រើនបំផុតតែងតែគ្មានការចំណាយប្រាក់ទេ និងត្រូវតែបានបង្កើតឡើងដើម្បីបំពេញតាមតម្រូវការផ្នែកលូតលាស់របស់ទារក និងកុមារទើបចេះដើរ។1 ទាំងនេះ អាចរួមមាន៖
- សេវាកម្ម និងឧបករណ៍បច្ចេកវិទ្យាជំនួយ
- សេវាកម្មផ្នែកប្រព័ន្ធស្ដាប់
- សេវាកំណត់អត្តសញ្ញាណ ពិនិត្យ និងវាយតម្លៃពីដើមទី
- ការបណ្តុះបណ្តាលគ្រួសារ ការពិគ្រោះយោបល់ និងការចុះទៅដល់ផ្ទះ
- សេវាសុខភាពដែលចាំបាច់សម្រាប់កុមារក្នុងការទទួលបានអត្ថប្រយោជន៍ពីសេវាអន្តរាគមន៍ពីដើមទីផ្សេងទៀត (រួមមានការបញ្ចូលបំពង់អាហារក្នុងខ្លួន ការថែទាំកន្លែងវះកាត់បំពង់ខ្យល់ ការបញ្ចុកអាហារតាមបំពង់ ការផ្លាស់ប្តូរសម្លៀកបំពាក់ និងថង់វះបើកពោះវៀនធំ និងការពិគ្រោះជាមួយគ្រូពេទ្យ)
- សេវាវេជ្ជសាស្ត្រសម្រាប់តែគោលបំណងធ្វើរោគវិនិច្ឆ័យ ឬវាយតម្លៃតែប៉ុណ្ណោះ
- សេវាថែទាំ
- សេវាអាហារូបត្ថម្ភ
- ការព្យាបាលដោយការងារ
- ការព្យាបាលដោយចលនា
- សេវាកម្មផ្នែកផ្លូវចិត្ត
- សេវាកម្មផ្នែកសម្របសម្រួលសេវាកម្ម
- សេវាកម្មផ្នែកភាសាសញ្ញា និងសញ្ញាភាសា
- សេវាសង្គមកិច្ច
- ការបង្រៀនពិសេស
- សេវាផ្នែកនិយាយ និងភាសា
- សេវាដឹកជញ្ជូន និងថ្លៃចំណាយពាក់ព័ន្ធ និង
- សេវាគំហើញ និង
- សេវាជំនួយបណ្តោះអាសន្ន និងសេវាគាំពារគ្រួសារផ្សេងទៀត។2
ចាប់តាំងពីឆ្នាំ2009 មក ក្រៅពីសម្ភារៈបរិក្ខារពេទ្យដែលប្រើបានយូរ មជ្ឈមណ្ឌលក្នុងតំបន់លែងមានការទិញសេវាកម្មដែលមិនតម្រូវដោយច្បាប់សហព័ន្ធតទៅទៀតដូចជា៖ ការការថែទាំកុមារ ខោទឹកនោម ទន្តសាស្ត្រ ការថែទាំវេជ្ជសាស្ត្រ លំនៅដ្ឋាន អ្នកបកប្រែឯកសារ អ្នកបកប្រែផ្ទាល់មាត់ ការពិគ្រោះផ្នែកសេណេទិច ការពិគ្រោះផ្នែកសេពគ្រឿងញៀន ការព្យាបាលតាមរយៈតូរ្យតន្រ្តី និងសេវាជំនួយបណ្តោះអាសន្ននានាដែលមិនពាក់ព័ន្ធនឹងភាពយឺតយ៉ាវផ្នែកលូតលាស់។3