ច្បាប់អប់រំពិសេសតម្រូវឲ្យកម្មវិធី IEP បញ្ជាក់ពីជំនួយ និងសេវាកម្ម​បន្ថែ​ម​ដែលចាំបាច់ ដើម្បី​ធានា​ដល់ការ​​ចូលរួមរបស់សិស្សក្នុង​កម្មវិធី​អប់រំ​ចំណេះទូទៅ។¹

កម្មវិធី IEP អនុវត្តចំពោះសកម្មភាព​ថ្នាក់រៀន ឬសកម្មភាពក្រៅកម្មវិធី​សិ​ក្សា​​​ ដែល​សិស្ស​អាច​នឹង​ចូលរួម។² ឧទាហរណ៍ វិទ្យាសាស្រ្ដ ភូមិវិទ្យា ការអប់រំកាយ សិល្បៈ តន្ដ្រី និង​ការអប់រំ​វិជ្ជា​ជីវៈ ទាំង​អស់នេះ​មាន​លក្ខណៈសម្បត្តិគ្រប់គ្រាន់​ទទួលបាន​ការសម្រ​ប​សម្រួល​ដល់​កម្មវិធី IEP និងសេវាកម្ម​គាំទ្រ​ការអប់រំដទៃទៀត។    

កម្មវិធី IEP របស់សិស្សម្នាក់ៗត្រូវតែមានផ្តល់ជូន​ដល់​គ្រូទាំង​អស់របស់​គាត់ និងបុគ្គលិកដទៃទៀត​ដែល​ទទួលខុសត្រូវចំពោះការអនុវត្តកម្មវិធី​ ហើយពួកគេម្នាក់ៗ​ត្រូវតែ​ទទួល​បាន​ដំណឹងគ្រប់គ្រាន់​អំពី​ទំនួល​ខុស​ត្រូវ​ជាក់លាក់​របស់ពួកគេទាក់ទងនឹងការអនុវត្តកម្មវិធី IEP និង​ការគាំទ្រ​ជាក់លាក់​ដែលត្រូវ​តែផ្តល់​ជូន​​ដល់​សិស្ស​។³

បន្ថែមពីលើនេះទៀត ក្រុមការងារ​កម្មវិធី IEP ត្រូវតែបញ្ចូល​គ្រូបង្រៀន​ផ្នែក​អប់រំ​ចំណេះទូទៅ​យ៉ាង​តិច​ម្នាក់​សម្រាប់សិស្ស ប្រសិនបើសិស្សកំពុង​តែ​ចូលរួម​ ឬអាចនឹងកំពុង​តែ​ចូលរួមនៅក្នុងការអប់រំចំណេះទូទៅ។⁴ គ្រូអប់រំចំណេះទូទៅត្រូវតែចូលរួមក្នុងការអភិវឌ្ឍកម្មវិធី IEP នៅ​ក្នុង​ក​ម្រិ​តមួយ​សមស្រប រួមមានការកំណត់ពីអន្តរាគមន៍​លើ​អាក​ប្ប​កិរិយា​វិជ្ជ​មាន និង​យុទ្ធសាស្ត្រ​សមស្រប​ ជំនួយនិង​សេវាកម្ម​​បន្ថែម ការកែ​សម្រួល​កម្មវិធី និងការគាំទ្រ​សម្រាប់​បុគ្គលិក​សាលារៀននៅក្នុង​ការផ្ដល់​ឲ្យ​នូវ​ជំនួយ សេវាកម្ម និងការកែសម្រួល​ទាំងនេះ​។⁵ គ្រូអប់រំចំណេះទូទៅក៏ត្រូវតែចូលរួមក្នុងការពិនិត្យ និងការកែប្រែណាមួយ​របស់កម្មវិធី IEP ផងដែរ​។⁶ ម៉្យាងវិញទៀត មណ្ឌលសិក្សាធិការត្រូវតែធ្វើជា​តំ​ណាងនៅរាល់​កិច្ច​ប្រជុំ​ក​ម្ម​វិធី IEP ​ដោយ​មន្ត្រីសាលារៀន​ដែល​​មាន​ចំណេះដឹងអំពីកម្មវិធី​សិក្សា​ទូទៅ និងអំពីធនធានមណ្ឌលសិក្សាធិការដែលមានផ្តល់ជូនផងដែរ​។⁷ ដើម្បីធានានូវ​ការសហការរវាងកម្មវិធីអប់រំចំណេះទូទៅ និងកម្មវិធី​អប់រំ​ពិសេស នោះការបណ្ដុះបណ្ដាល និង​ការគាំទ្រ​គ្រប់​គ្រាន់​ត្រូវតែ​​មាន​សម្រា​ប់បុគ្គលិកអប់រំចំណេះទូទៅពាក់ព័ន្ធនឹង​តម្រូវការរបស់កូនអ្នក។ អ្នកអាចជំរុញឲ្យគ្រូអប់រំចំណេះទូទៅរបស់កូនអ្នកជួយធ្វើពង្រាង​កម្មវិធី IEP ដោយការ​បញ្ចេញមតិ​យោបល់​អំពីតម្រូវការរបស់គាត់​សម្រាប់ការ​កែសម្រួល​ និងសេវាការគាំទ្រនានា​។ លើសពីនេះ​ទៀត ជំនួយ និងការបណ្ដុះបណ្ដាលផ្នែកបច្ចេកទេស​នៅ​ក្នុង​ការ​អនុវត្ត​លក្ខខណ្ឌ​តម្រូវរបស់មជ្ឈដ្ឋាន​ LRE ក៏ដូចជាការត្រួតពិនិត្យ​ជាបន្ត​ ត្រូវតែមាន​ផ្តល់ជូន​ពីក្រសួងអប់រំរដ្ឋទៅដល់​មណ្ឌល​សិក្សាធិការ​ក្នុង​មូលដ្ឋាន​របស់អ្នក។⁸

1. 20 U.S.C. Sec. 1414(d)(1)(A)(i)(IV).[↩]
2. 34 C.F.R. Secs. 300.117 & 300.320(a)(4)(ii).[↩]
3. 34 C.F.R. Sec. 300.323(d).[↩]
4. 20 U.S.C. Sec. 1414(d)(1)(B)(ii); 34 C.F.R. Sec. 300.321(a)(2).[↩]
5. 20 U.S.C. Sec. 1414(d)(3)(C); 34 C.F.R. Sec. 300.324(a)(3).[↩]
6. 20 U.S.C. Sec. 1414(d)(4)(B).[↩]
7. 20 U.S.C. Sec. 1414(d)(1)(B)(iv); 34 C.F.R. Sec. 300.321(a)(4).[↩]
8. 34 C.F.R. Secs. 300.119 & 300.120.[↩]