អ្នកអាចអនុវត្តវិធានការមួយចំនួនបាន។ ឧទាហរណ៍ អ្នកអាចទាក់ទងគណៈកម្មាធិការប្រឹក្សាយោបល់របស់សហគមន៍ (Community Advisory Committee, CAC)។ គណៈកម្មាធិការដែលកំណត់ដោយរដ្ឋទាំងអស់នេះ ដែលរួមមានសមាសភាពមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតសមាជិកសហគមន៍ បុគ្គលិកមណ្ឌលសិក្សាធិការ និងបុគ្គលិកភ្នាក់ងារសាធារណៈ ត្រូវមានវត្តមាននៅគ្រប់ផ្នែកផែនការ SELPA ទាំងអស់។1 សាកសួរទៅគណៈកម្មាធិការ CAC របស់អ្នកថាតើផែនការអប់រំពិសេសតាមមូលដ្ឋានដោះស្រាយបញ្ហាការរួមបញ្ចូលនេះយ៉ាងដូចម្តេច តើមានជម្រើសអ្វីខ្លះដែលមានផ្តល់ជូននាពេលបច្ចុប្បន្ន តើគណៈកម្មាធិការ CAC មានគម្រោងចូលរួម និង/ឬត្រួតពិនិត្យទៅលើផែនការរួមបញ្ចូលគ្នាយ៉ាងដូចម្តេច។ល។ គណៈកម្មាធិការ CAC អាចមានបំណងចង់រៀបចំការធ្វើបទបង្ហាញប្រកបដោយមានព័ត៌មានពេញលេញមកពីមណ្ឌលសិក្សាធិការជិតខាង មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬក្រុមសាកលវិទ្យាល័យដែលចូលរួមជាមួយកម្មវិធីរួមបញ្ចូលគ្នាដូចគ្នានេះ។ ពួកគេក៏អាចចង់កំណត់កាលវិភាគប្រជុំជាមួយរដ្ឋបាលរបស់ពួកគេពាក់ព័ន្ធទៅនឹងការអភិវឌ្ឍផែនការតាមមូលដ្ឋានផងដែរ។
មណ្ឌលសិក្សាធិការមួយចំនួន និងផ្នែកផែនការ SELPA មានក្រុមការងារផ្នែករួមបញ្ចូលគ្នា (ដែលរួមមានសមាសភាពមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត សមាជិកគណៈកម្មាធិការ CAC គ្រូបង្រៀន បុគ្គលិកសេវាកម្មពាក់ព័ន្ធ រដ្ឋបាលផ្នែកអប់រំធម្មតានិងផ្នែកអប់រំពិសេស សមាជិកសហគមន៍ពាក់ព័ន្ធដែលមានឬគ្មានពិការភាព មជ្ឈមណ្ឌលក្នុងតំបន់ អ្នកតំណាងក្រុមតស៊ូមតិ ។ល។) ដែលពួកគេទាំងអស់បានបង្កើតកិច្ចខិតខំប្រឹងប្រែងធ្វើផែនការតាមបែបសហការក្នុងគោលដៅសម្រេចឲ្យបានការបញ្ចូលគ្នាប្រកបដោយប្រសិទ្ធភាព។
មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងគ្រូបង្រៀនក៏ជួយមណ្ឌលសិក្សាធិការ របស់ពួកគេវាយតម្លៃទីតាំងសាលាដែលមានសក្តានុពលសម្រាប់ការរួមបញ្ចូលគ្នានាពេលអនាគតផងដែរ។ ជាចុងក្រោយ មណ្ឌលសិក្សាធិការ/ខោនធីមួយចំនួនបានបង្កើតក្រុមប្រឹក្សាគោលនយោបាយអប់រំស្តីពីការរួមបញ្ចូលគ្នា ការធ្វើបរិយាបន្ន និងការបញ្ជ្រាបពេញលេញទៅតាមសំណូមពររបស់គណៈកម្មាធិការ CAC និង/ឬរដ្ឋបាលរបស់សាលារៀនរបស់ពួកគេ។ គោលនយោបាយរបស់ក្រុមប្រឹក្សា អាចមានប្រសិទ្ធិភាពខ្ពស់ក្នុងការអភិវឌ្ឍដំណើរការនៃការរួមបញ្ចូលគ្នាណាមួយ។ ការរួមបញ្ចូលគ្នា តម្រូវឲ្យមានរចនាសម្ព័ន្ធ និងការធ្វើផែនការយ៉ាងប្រុងប្រយ័ត្ន។ ក្រុម ឬក្រុមការងារធ្វើផែនការតាមបែបសហការ ដែលធ្វើជាតំណាងឲ្យគ្រប់ភាគីដែលមានចំណាប់អារម្មណ៍រួមទាំងអស់ គឺមានសារៈសំខាន់ណាស់។ ប្រសិនបើមណ្ឌលសិក្សាធិការរបស់អ្នកនឹងមិនសហការក្នុងការអភិវឌុ្ឍសេវាកម្មរួមបញ្ចូលគ្នា ឬបដិសេធមិនសរសេរភាសានៃការរួមបញ្ចូលគ្នានេះទៅក្នុងកម្មវិធី IEP របស់កូនអ្នកទេ អ្នកអាចប្រើប្រាស់ពាក្យបណ្តឹងពីបទអនុលោមភាព ឬនីតិវិធីត្រឹមត្រូវតាមផ្លូវច្បាប់ដែលមានចែងដោយច្បាប់រដ្ឋនិងសហព័ន្ធបាន។ សូមមើល ជំពូក 6 ព័ត៌មានស្តីពីនីតិវិធីត្រឹមត្រូវតាមផ្លូវច្បាប់/នីតិវិធីនៃអនុលោមភាព។
- Cal. Ed. Code Secs. 56190 – 56194.[↩]