ប្រសិនបើក្រុមការងារកម្មវិធី IEP កំណត់ថាសិស្សត្រូវទទួលបានការអប់រំនៅផ្ទះ ឬនៅក្នុងមន្ទីរពេទ្យ នោះមណ្ឌលសិក្សាធិការត្រូវតែផ្ដល់ការអប់រំពិសេស និងសេវាកម្មពាក់ព័ន្ធដែលត្រូវការដើម្បីដោះស្រាយបញ្ហាតម្រូវការអប់រំរបស់កូនអ្នកនៅផ្ទះ ឬនៅក្នុងមន្ទីរពេទ្យ។ នៅពេលផ្ដល់អនុសាសន៍ស្ដីពីកន្លែងរៀនសម្រាប់ការបង្រៀននៅផ្ទះ ក្រុមការងារកម្មវិធី IEP ត្រូវតែមានរបាយការណ៍វេជ្ជសាស្រ្តមួយនៅក្នុងព័ត៌មានស្តីពីការវាយតម្លៃពីគ្រូពេទ្យព្យាបាល និងគ្រូពេទ្យវះកាត់ ឬរបាយការណ៍របស់អ្នកចិត្តសាស្រ្ត យ៉ាងសមស្រប ដោយមានបង្ហាញពីស្ថានភាពរោគវិនិច្ឆ័យ និងដោយមានការបញ្ជាក់ថាកម្រិតធ្ងន់ធ្ងរនៃស្ថានភាពនេះ បានរារាំងកូនសិស្សមិនឲ្យចូលរួមនៅក្នុងទីកន្លែងសិក្សាដែលមានការរឹតបន្តឹងតិចតួច។ របាយការណ៍ ក៏ត្រូវរួមបញ្ចូលកាលបរិច្ឆេទតាមប្រតិទិនដែលបានព្យាករណ៍ សម្រាប់ការវិលត្រឡប់មកសិក្សានៅសាលាវិញរបស់សិស្ស។ ក្រុមការងារកម្មវិធី IEP ត្រូវតែពិចារណាឡើងវិញអំពីកម្មវិធី IEP នៅមុនកាលបរិច្ឆេទតាមប្រតិទិនដែលបានព្យាករណ៍សម្រាប់ការវិលត្រឡប់មកសិក្សាវិញរបស់សិស្ស។ ប្រសិនបើសិស្សមានស្ថានភាពវេជ្ជសាស្រ្តណាមួយ ដូចជាស្ថានភាពទាំងឡាយដែលមានពាក់ព័ន្ធនឹងការវះកាត់នានា គ្រោះថ្នាក់ចៃដន្យ មានជំងឺរយៈពេលខ្លី ឬការព្យាបាលបែបវេជ្ជសាស្រ្តសម្រាប់ជំងឺរ៉ាំរ៉ៃជាដើម ដូច្នេះ ក្រុមការងារកម្មវិធី IEP ត្រូវតែពិនិត្យ និងធ្វើការកែប្រែកម្មវិធី IEP ប្រសិនបើសមស្រប នៅពេលដែលមានការផ្លាស់ប្ដូរសំខាន់ៗណាមួយចំពោះស្ថានភាពវេជ្ជសាស្រ្តរបស់សិស្សក្នុងពេលបច្ចុប្បន្ន។
ការបង្រៀននៅផ្ទះ ឬមន្ទីរពេទ្យ អាចនឹងត្រូវធ្វើឡើងជាលក្ខណៈបុគ្គល ជាក្រុមតូចៗ ឬដោយការសិក្សាពីចម្ងាយ។ ការបង្រៀននេះត្រូវតែផ្តល់ជូនតាមរយៈគ្រូបង្រៀននៅថ្នាក់អប់រំចំណេះទូទៅ គ្រូបង្រៀននៅថ្នាក់ពិសេស ឬគ្រូបង្រៀនជំនាញធនធាន ប្រសិនបើគ្រូបង្រៀន ឬអ្នកជំនាញមានសមត្ថភាពផ្ដល់ការបង្រៀន និងសេវាកម្មទាំងនោះ និងប្រសិនបើការផ្ដល់ការបង្រៀន និងសេវាកម្មដោយគ្រូបង្រៀន ឬអ្នកជំនាញទាំងនោះអាចប្រព្រឹត្តទៅបាន។ បើមិនដូច្នោះទេ អ្នកជំនាញផ្នែកសេវាកម្មពាក់ព័ន្ធសមស្របគប្បីផ្ដល់នូវការបង្រៀននោះ។ គ្រូបង្រៀនដែលផ្ដល់ការបង្រៀននៅផ្ទះ គប្បីទាក់ទងទៅសាលា និងគ្រូបង្រៀនពីមុនរបស់សិស្ស ដើម្បីកំណត់ពី៖
- កិច្ចការក្នុងវគ្គសិក្សាដែលត្រូវគ្របដណ្ដប់
- សៀវភៅ និងសម្ភារៈដែលត្រូវប្រើប្រាស់ និង
- អ្នកទទួលខុសត្រូវក្នុងការផ្ដល់ពិន្ទុ និងឲ្យកូនសិស្សឡើងថ្នាក់ នៅពេលសមស្រប។
សម្រាប់កូនសិស្សថ្នាក់ទី 7 ដល់ថ្នាក់ទី 12 គ្រូបង្រៀនគួរតែពិភាក្សាជាមួយអ្នកប្រឹក្សាយោបល់ណែនាំរបស់សាលាដើម្បីកំណត់ពី៖
- ម៉ោងដែលកូនសិស្សទទួលបានក្រេឌីតពីវគ្គសិក្សាតាមឆមាសនៅក្នុងមុខវិជ្ជានីមួយៗដែលរួមបញ្ចូលទៅក្នុងកម្មវិធី IEP និងពិន្ទុគិតមកត្រឹមថ្ងៃមានវត្តមានចុងក្រោយ
- អ្នកទទួលខុសត្រូវក្នុងការផ្ដល់ក្រេឌីតនៅកិច្ចការក្នុងវគ្គសិក្សាត្រូវបានបញ្ចប់ និង
- អ្នកចេញសញ្ញាបត្រ ប្រសិនបើកូនសិស្សបញ្ចប់ការសិក្សា។1
- 5 C.C.R. 3051.4.[↩]