កិច្ចប្រជុំកំណត់ឲ្យឃើញពិការភាព គឺជាកិច្ចប្រជុំកម្មវិធី IEP ដើម្បីកំណត់ថាតើសិស្សដែលមានពិការភាពអាចត្រូវបានបណ្តេញចេញពីសាលា ឬជំរុញការផ្លាស់ប្តូរកន្លែងរៀនរបស់គាត់លើសពី 10 ថ្ងៃនៃថ្ងៃសិក្សា ដោយសារការប្រព្រឹត្តមិនត្រឹមត្រូវដែរឬទេ។ វាមានមណ្ឌលសិក្សាធិការ មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងសមាជិកពាក់ព័ន្ធនៃក្រុមការងារកម្មវិធី IEP របស់សិស្សដូចបានកំណត់ដោយមណ្ឌលសិក្សាធិការ និងមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ហើយត្រូវតែប្រព្រឹត្តទៅក្នុងរយៈពេល 10 ថ្ងៃសិក្សាចាប់ពីថ្ងៃសម្រេចបណ្ដេញសិស្សចេញ ឬប្ដូរកន្លែងរៀនរបស់ពួកគេ។ ក្នុងកិច្ចប្រជុំ ក្រុមការងារកម្មវិធី IEP ពិនិត្យមើលព័ត៌មានដែលពាក់ព័ន្ធពីឯកសាររបស់សិស្ស រួមមានកម្មវិធី IEP និងព័ត៌មានមួយចំនួនដែលបានមកពីគ្រូ និងឪពុកម្តាយ ហើយបន្ទាប់មកត្រូវធ្វើការសម្រេចចិត្តពីរយ៉ាង៖
- តើអាកប្បកិរិយានេះបង្កឡើង ឬមាន “ទំនាក់ទំនងដោយផ្ទាល់ និងជាទូទៅ” ទៅនឹងពិការភាពរបស់សិស្សដែឬទេ និងជាទូទៅ” ទៅនឹងពិការភាពរបស់សិស្ស ដែរឬទេ និង
- តើអាកប្បកិរិយានេះជាលទ្ធផលផ្ទាល់នៃកំហុសរបស់មណ្ឌលសិក្សាធិការក្នុងការអនុវត្តកម្មវិធី IEP ដែរឬទេ?1
ប្រសិនបើក្រុមការងារឆ្លើយថា “បាទ/ចាស” ចំពោះសំណួរណាមួយ ពេលនោះសិស្សមិនអាចត្រូវបានបណ្តេញចេញទេ។ ផងដែរនេះ ការផ្លាស់ប្ដូរកន្លែងរៀននេះ តម្រូវឲ្យមានការយល់ព្រមពីមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬដីកាបង្គាប់របស់ចៅក្រម ALJ។ ប្រសិនបើក្រុមការងារកំណត់ថាអាកប្បកិរិយានេះ គឺជាការបង្ហាញឲ្យឃើញពិការភាពរបស់សិស្ស ដូច្នេះសិស្សនោះមានសិទ្ធិត្រលប់កាន់កន្លែងរៀនដើមរបស់ខ្លួនវិញ លើកលែងតែក្រុមការងារកម្មវិធី IEP សម្រេចចិត្តថាការផ្លាស់ប្តូរកន្លែងរៀននោះមានភាពសមស្រប។ សាលារៀនក៏ត្រូវតែ 1. ធ្វើការវាយតម្លៃអាកប្បកិរិយាមុខងារ (FBA) សម្រាប់សិស្ស លើកលែងតែ FBA ត្រូវបានអនុវត្តមុនពេលការប្រព្រឹត្តមិនគប្បី និងអនុវត្តផែនការអន្តរាគមន៍អាកប្បកិរិយា (BIP) ដើម្បីដោះស្រាយបញ្ហាអាកប្បកិរិយារបស់សិស្ស ឬ 2. បើសិនជាសិស្សមាន BIP រួចហើយ ត្រូវកែប្រែ BIP នោះដើម្បីដោះស្រាយចំពោះអាកប្បកិរិយានោះ។2
ប្រសិនបើក្រុមការងារឆ្លើយថា “ទេ” ចំពោះសំណួរទាំងពីរនេះ សិស្សអាចត្រូវបានបញ្ជូនបន្តទៅទទួលការបណ្តេញចេញ។