ដូចបានបញ្ជាក់ពីខាងលើ មណ្ឌលសិក្សាធិការអាចដាក់កូនរបស់អ្នកទៅក្នុងមជ្ឈដ្ឋានអប់រំបណ្តោះអាសន្នភ្លាមៗ (ដោយសារប្រព្រឹត្តទង្វើប្រើប្រាស់អាវុធ គ្រឿងញៀនខុសច្បាប់ ឬបង្ករបួសស្នាមលើរាងកាយធ្ងន់ធ្ងរ) ហើយបន្តទុកគាត់នៅទីនោះរហូតដល់ 45 ថ្ងៃសិក្សា ទោះបីជាអាកប្បកិរិយាត្រូវបានរកឃើញថាជាការកំណត់ឲ្យឃើញពិការភាពរបស់គាត់ក៏ដោយ។ ក្នុងស្ថានភាពនោះ មិនមានលក្ខខណ្ឌតម្រូវឲ្យស្ថិតនៅបន្តនោះទេ។1 ប៉ុន្តែ ប្រសិនបើកូនរបស់អ្នកត្រូវបានណែនាំឲ្យបណ្តេញចេញដោយសារអាកប្បកិរិយាផ្សេងទៀត ពេលនោះលក្ខខណ្ឌតម្រូវឲ្យស្ថិតនៅបន្តគួរតែត្រូវបានអនុវត្តតាម។
ម្យ៉ាងទៀត មណ្ឌលសិក្សាធិការអាចនឹងព្យាយាមធ្វើ “ការផ្ទេរចេញដោយសារបញ្ហាវិន័យ” របស់កូនអ្នកទៅសាលារៀនថ្មី។ ការផ្ទេរនេះធ្វើ់ឡើងដើម្បីចៀសវាងការទុកនៅកន្លែងរៀនដដែល (ដោយផ្តល់ហេតុផលថាការផ្លាស់ប្តូរសាលាណាមួយមិនមែនជាការផ្លាស់ប្តូរកន្លែងរៀនទេ ប្រសិនបើកម្មវិធី IEP ដូចគ្នានេះត្រូវបានផ្តល់ជូននៅទីតាំងថ្មី) ឬដោយសារតែកូនរបស់អ្នកមានបញ្ហាអាកប្បកិរិយានៅសាលារៀន។ លើកលែងតែក្នុងករណីដូចមានចែងខាងលើ ពុំនោះសោត ការផ្លាស់ប្តូរកន្លែងរៀនរបស់កូនអ្នក (រួមទាំងការផ្ទេរចេញដោយសារបញ្ហាដាក់វិន័យ) គឺជាការសម្រេចចិត្តមួយដែលត្រូវធ្វើឡើងដោយក្រុមការងារកម្មវិធី IEP ក្នុងករណីដែលនីតិវិធីត្រឹមត្រូវតាមផ្លូវច្បាប់អាចនឹងត្រូវប្រើប្រាស់។
- 34 C.F.R. Sec. 300.533.[↩]