ច្បាប់រដ្ឋតម្រូវឲ្យធ្វើការវាយតម្លៃការអប់រំពិសេសបន្ត បើទោះបីជាការស្នើសុំត្រូវបានធ្វើឡើងផ្ទាល់មាត់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតក៏ដោយ។ បុគ្គលិកមណ្ឌលសិក្សាធិការដែលទទួលសំណើនោះត្រូវតែជួយមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត បើសិនជាមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតសុំជំនួយ ក្នុងការដាក់សំណើបញ្ជូនបន្តជាលាយលក្ខណ៍អក្សរ។1 ការស្នើសុំការវាយតម្លៃដោយផ្ទាល់មាត់ ទោះបីវាមិនត្រូវបានអនុវត្តដោយមណ្ឌលសិក្សាធិការក៏ដោយ ការស្នើសុំនោះគួរតែគ្រប់គ្រាន់ដើម្បីបង្ហាញថាមណ្ឌលសិក្សាធិការបានដឹងឮគ្រប់គ្រាន់អំពីពិការភាពដែលមានការសង្ស័យសម្រាប់គោលបំណងរៀបចំកិច្ចប្រជុំក្រុមការងារកម្មវិធី IEP ដើម្បីធ្វើការកំណត់ឲ្យឃើញពិការភាព។2
ទោះបីជាអ្នកបានស្នើសុំការវាយតម្លៃដោយផ្ទាល់មាត់ក៏ដោយ អ្នកក៏គួរធ្វើសំណើរបស់អ្នកជាលាយលក្ខណ៍អក្សរ ហើយផ្ញើទៅមណ្ឌលសិក្សាធិការ។ នៅក្នុងលិខិតរបស់អ្នក អ្នកត្រូវស្នើសុំការវាយតម្លៃជាក់លាក់សម្រាប់សេវាកម្មអប់រំពិសេស និងប្រាប់មណ្ឌលសិក្សាធិការអំពីមូលហេតុដែលអ្នកគិតថាកូនរបស់អ្នកមានភាពពិការ។ ត្រឹមតែការបង្ហាញពីការព្រួយបារម្ភរបស់អ្នកប៉ុណ្ណោះមិនទាន់គ្រប់គ្រាន់ទេ។3