ការព្យាបាលមុខងារវិជ្ជាជីវៈ (OT) និងការព្យាបាលដោយចលនា (PT) គឺជាសេវាកម្មពាក់ព័ន្ធដែលដាច់ដោយឡែកពីគ្នា ដែលបានកំណត់និយមន័យក្រោមច្បាប់សហព័ន្ធនិងច្បាប់រដ្ឋ។ 1 វាមិនមែនជារឿងធម្មតាសម្រាប់ប្រើពាក្យទាំងនេះជាមួយគ្នាសម្រាប់សិស្ស ដើម្បីទទួលបានការព្យាបាលទាំងពីរទម្រង់នេះទេ។ ទាំងសេវាកម្ម OT និង PT ជាទូទៅដោះស្រាយបញ្ហាមុខងារចលករធំ និងចលករតូចរបស់សិស្ស។ ឧទាហរណ៍ សិស្សអាចមានបញ្ហាក្នុងការរត់ ការដើរ ការគប់ ការចាប់ ឬការលោត (ចលករធំ) ឬការសរសេរ ការវាយអត្ថបទ ការគូររូប ឬការបិទឡេវអាវ និងការរូតខោ (ចលករតូច)។ បន្ថែមលើនេះ មុខងារចលកររបស់សិស្ស អាចបះពាល់ដល់ជំនាញរស់នៅឯករាជ្យ។ បើសិនជាសិស្សមានការលំបាកទាក់ទងនឹងការដំណើរការមុខងារចលករដែលប៉ះពាល់ដល់សមត្ថភាពរបស់គាត់ក្នុងការរៀននៅសាលា ដូចជាការលំបាកក្នុងការចាប់កាន់ខ្មៅដៃ ឬប្រើកន្ត្រៃ ឬក្នុងការអភិវឌ្ឍជំនាញរស់នៅប្រចាំថ្ងៃ ដូចជាការញ៉ាំឬការស្លៀកពាក់ នេះអាចជាសូចនាករក្រៅផ្លូវការនៃតម្រូវការចំពោះ “សេវាកម្មពាក់ព័ន្ធ” នៃ OT/PT។
សេវាកម្ម OT ក៏ដោះស្រាយជំនាញដំណើរការវិញ្ញាណផងដែរ ដែលសំដៅលើរបៀបដែលប្រព័ន្ធប្រសាទរបស់យើងទទួល និងប្រើព័ត៌មានខាងវិញ្ញាណពីមជ្ឈដ្ឋាន។ ព័ត៌មានខាងវិញ្ញាណរួមមានអ្វីដែលយើងមើលឃើញ ស្ដាប់ឮ ប៉ះ ភ្លក្ស និងទីតាំងរាងកាយរបស់យើងនៅក្នុងលំហ។ បើសិនជាសិស្សមានការលំបាកក្នុងការដំណើរការខាងវិញ្ញាណ គាត់អាចនឹងមានការលំបាកក្នុងការធ្វើដំណើរនៅក្នុងមជ្ឈដ្ឋានសាលារៀន ដោយសារការរំញោចលើសកម្រិត ឬក្រោមកម្រិត។ ឧទាហរណ៍ សិស្សម្នាក់អាចគេចពីថ្នាក់រៀនដែលមានសំឡេងឮៗ ឬភ្លើងភ្លឺដោយសារភាពរំញោចជ្រុលរបស់គាត់ទៅនឹងព័ត៌មានតាមចក្ខុវិញ្ញាណ និងតាមសោតវិញ្ញាណ ដែលត្រូវការសេវាកម្ម OT ជាសេវាកម្មពាក់ព័ន្ធ។
សេវាកម្ម OT/PT ទទួលឥទ្ធិពលពីច្បាប់រដ្ឋកាលីហ្វ័រញ៉ា ដែលជាទូទៅហៅថា AB 3632 ដែលផ្លាស់ប្ដូរទំនួលខុសត្រូវសម្រាប់ការផ្ដល់សេវាកម្មពាក់ព័ន្ធជាក់លាក់ពីមណ្ឌលសិក្សាធិការទៅទីភ្នាក់ងារដទៃទៀត ក្នុងកាលៈទេសៈជាក់លាក់មួយចំនួន (នៅក្នុងករណីនេះ ទៅផ្នែកសេវាកុមាររបស់រដ្ឋកាលីហ្វ័រញ៉ា (CCS))។ បញ្ហាជាច្រើនដែលកើតមានឡើងពាក់ព័ន្ធនឹង OT/PT មានពិភាក្សានៅក្នុង ជំពូក 9 ព័ត៌មានស្ដីពីសេវាកម្មរបស់អន្តរទីភ្នាក់ងារ (AB 3632)។ ក្នុងចំណោមបញ្ហាទាំងអស់នេះ មានដូចខាងក្រោម៖
- តើនីតិវិធីសម្រាប់ការទទួលបាន OT/PT មានអ្វីខ្លះ?
- តើមានអ្វីកើតឡើងប្រសិនបើសិស្សម្នាក់ពុំបំពេញតាមលក្ខខណ្ឌតម្រូវនៃសិទ្ធិទទយលបាន CCS ប៉ុន្តែនៅបន្តត្រូវការ OT/PT សម្រាប់មូលហេតុនៃការអប់រំ?
- ប្រសិនបើ CCS កំណត់ថា OT/PT ពុំមានជា “លក្ខណៈចាំបាច់ខាងវេជ្ជសាស្រ្ត” តើសិស្សនោះនៅបន្តមានសិទ្ធិទទួលបាន OT/PT ក្នងនាមជាសេវាកម្មពាក់ព័ន្ធទៀតដែរឬទេ? ប្រសិនបើដូច្នេះមែន តើអ្នកណាជាអ្នកផ្ដល់សេវាកម្មនេះ?
- 34 C.F.R. Secs. 300.34(a)(6) & (a)(9); 5 C.C.R. Sec. 3051.6.[↩]