បាទ/ចាស។ ប្រសិនបើកូនរបស់អ្នកមានអាកប្បកិរិយាដែលប៉ះពាល់ដល់ការសិក្សារបស់កូនអ្នក ឬដល់ការសិក្សារបស់កុមារដទៃ ច្បាប់សហព័ន្ធតម្រូវឲ្យក្រុមការងារកម្មវិធី IEP វាយតម្លៃ និងពិចារណាថាតើការគាំទ្រផ្នែកអាកប្បកិរិយា និងយុទ្ធសាស្រ្ត និងសេវាកម្មផ្សេងទៀតបែបណាដែលត្រូវការ ដើម្បីឲ្យកូនរបស់អ្នកអាចទទួលបានអត្ថប្រយោជន៍ពីការអប់រំនៅក្នុងមជ្ឈដ្ឋានដែលមានការរឹតបន្តឹងតិចបំផុត (LRE)។ 1 សរសេរលិខិតមួយច្បាប់ទៅកាន់សាលារបស់កូនអ្នក ដោយផ្តល់ដំណឹងឲ្យពួកគេជ្រាបអំពីភារកិច្ចរបស់ពួកគេក្នុងការទទួលបានគោលដៅ និងសេវាកម្មពាក់ព័ន្ធនឹងតម្រូវការអាកប្បកិរិយារបស់កូនអ្នក នៅក្នុងកម្មវិធី IEP របស់គាត់។
មណ្ឌលសិក្សាធិការត្រូវផ្តល់ប្រភេទនៃការវាយតម្លៃ ផែនការ សេវាកម្ម ឬការគាំទ្រនានាដែលក្រុមការងារកម្មវិធី IEP របស់កូនអ្នកកំណត់ថាចាំបាច់ក្នុងការជួយដល់ផ្នែកអាកប្បកិរិយារបស់កូនអ្នកនៅសាលារៀន ដើម្បីឲ្យកូនរបស់អ្នកអាចទទួលបានអត្ថប្រយោជន៍ពីការអប់រំ និងមិនត្រូវបានគេបញ្ជូនទៅមជ្ឈដ្ឋានអប់រំដែលមានការរឹតបន្តឹងខ្លាំងជាង ដូចជាថ្នាក់រៀនថ្ងៃពិសេស ឬកម្មវិធីបំប៉ននៅពេលថ្ងៃ។
កម្មវិធី IEP របស់កូនអ្នក គប្បីដាក់បញ្ចូលរបាយការណ៍ស្តីពីការអប់រំពិសេស និងសេវាកម្មពាក់ព័ន្ធនឹង ព្រមទាំងសេវាមួយនានាផ្សេងទៀត ដើម្បីផ្តល់ជូនទៅកូនរបស់អ្នក ហើយរបាយការណ៍នៃគោលដៅអាកប្បកិរិយាប្រចាំឆ្នាំដែលអាចវាស់វែងបាន ត្រូវបង្កើតឡើងដើម្បីដោះស្រាយបញ្ហាតម្រូវការផ្នែកអាកប្បកិរិយារបស់កូនអ្នក។ 2. ប្រសិនបើអាកប្បកិរិយានេះកំពុងរារាំងដល់ការសិក្សារបស់កូនអ្នក ឬបន្តស្ថិតនៅក្នុងថ្នាក់អប់រំទូទៅ ឬក្នុងមជ្ឈដ្ឋានមានការរឹតបន្តឹងតិចតួច ពេលនោះកម្មវិធី IEP របស់គាត់គួរតែមានចែងនូវសេចក្តីបញ្ជាក់អំពីសេវាកម្មគាំទ្រផ្នែកអាកប្បកិរិយាដែលគាត់ត្រូវការ។ 3.
បើសាលារបស់កូនអ្នកយល់ស្របថាកូនរបស់អ្នកមានតម្រូវការផ្នែកអាកប្បកិរិយា ហើយកម្មវិធី IEP មិនរួមបញ្ចូលនូវការគាំទ្រ ឬយុទ្ធសាស្ត្រនានាដើម្បីដោះស្រាយបញ្ហាអាកប្បកិរិយា និង/ឬមិនចែងអំពីគោលដៅដែលពាក់ព័ន្ធនឹងអាកប្បកិរិយារបស់កូនអ្នកនោះទេ ពេលនោះអ្នកគួរតែសរសេរលិខិតមួយច្បាប់ទៅកាន់សាលារបស់អ្នកជាមុនសិន ដោយជម្រាបពួកគេអំពីភារកិច្ចរបស់ពួកគេក្នុងការបង្កើតគោលដៅអាកប្បកិរិយា និងសេវាកម្មនៅក្នុងកម្មវិធី IEP របស់កូនអ្នក ហើយប្រសិនបើអ្នកមិនឮដំណឹងពីពួកគេនោះទេ ពេលនោះអ្នកគួរតែពិចារណាដាក់ពាក្យបណ្តឹងអនុលោមភាពទៅកាន់ក្រសួងអប់រំរដ្ឋកាលីហ្វ័រញ៉ា (CDE)។ ប្រសិនបើកម្មវិធី IEP របស់កូនអ្នកចែងអំពីសេវាកម្ម ការគាំទ្រ ឬយុទ្ធសាស្ត្រក្នុងការដោះស្រាយបញ្ហាតម្រូវការអាកប្បកិរិយាទាំងនេះ ប៉ុន្តែពួកវាមិនមានសុពលភាពអនុវត្តនោះទេ ដូច្នេះមណ្ឌលសិក្សាគួរតែកោះអញ្ជើញមកចូលរួមកិច្ចប្រជុំកម្មវិធី IEP។ ទោះយ៉ាងណាក៏ដោយ អ្នកអាចស្នើសុំកិច្ចប្រជុំ IEP ដោយខ្លួនអ្នកផ្ទាល់ ដើម្បីដោះស្រាយបញ្ហាកង្វះវឌ្ឍនភាពរបស់កូនអ្នក។ អ្នកអាចនឹងពិចារណាដាក់សំណើសុំសវនាការតាមនីតិវិធីត្រឹមត្រូវតាមផ្លូវច្បាប់បាន។ 4
- 34 C.F.R. §. 300.324(a)(2), (b)(2).[↩]
- 34 C.F.R. Sec. 300.320(a)(2), (4)[↩]
- Cal. Ed. Code Sec. 56364.2[↩]
- សូមមើល ជំពូក 1 ព័ត៌មានស្ដីពីសិទ្ធិមូលដ្ឋាន; ជំពូក 6 ព័ត៌មានស្តីពីនីតិវិធីត្រឹមត្រូវតាមផ្លូវច្បាប់/នីតិវិធីនៃអនុលោមភាព។] ជំពូក 15 ព័ត៌មានស្ដីពីសិទ្ធិរបស់សិស្សដែលមានតម្រូវការខាងអាកប្បកិរិយា និងសិស្សដែលត្រូវបានគេសម្លុតធ្វើបាប។[↩]