មណ្ឌលសិក្សាធិការទាំងអស់តម្រូវឲ្យផ្ដល់ការអប់រំពិសេស និងផ្តល់សេវាកម្មពាក់ព័ន្ធ ស្របគ្នាទៅនឹងកម្មវិធី IEP របស់សិស្ស។ 1. មណ្ឌលសិក្សាធិការមិនអាចយកលេសខ្វះបុគ្គលិកដើម្បីគេចវេះឈប់ផ្ដល់ដល់កូនរបស់អ្នកនូវសេវាកម្មដែលតម្រូវដោយកម្មវិធី IEP របស់កូនអ្នកបានឡើយ។
បើសិនជាមណ្ឌលសិក្សាធិការមិនផ្ដល់ដល់កូនរបស់អ្នកនូវសេវាកម្មពាក់ព័ន្ធនៅក្នុងកម្មវិធី IEP របស់ពួកគេទេ ឬកំពុងព្យាយាមដកសេវាកម្មទាំងនោះចេញដោយសារខ្វះបុគ្គលិកដែលជាការរំលោភលើសិទ្ធិរបស់ពួកគេក្នុងការទទួលបាន FAPE នោះអ្នកមានសិទ្ធិដាក់ពាក្យស្នើសុំសវនាការតាមនីតិវិធីត្រឹមត្រូវតាមផ្លូវច្បាប់ ឬបណ្ដឹងពីបទភាពមិនអនុលោមទៅក្រសួងអប់រំរដ្ឋកាលីហ្វ័រញ៉ាបាន។ សូមមើល SERR ជំពូក 6 ព័ត៌មានស្តីពីនីតិវិធីត្រឹមត្រូវតាមផ្លូវច្បាប់/បណ្ដឹងពីបទអនុលោមភាព។
បើសិនជាកូនរបស់អ្នកមិនទទួលបានសេវាកម្មពាក់ព័ន្ធដោយសារបុគ្គលិកមិនគ្រប់គ្រាន់ អ្នកគួរតែស្នើកិច្ចប្រជុំកម្មវិធី IEP ដើម្បីពិភាក្សាពីរបៀបដែលមណ្ឌលសិក្សាធិការនឹងប៉ះប៉ូវសេវាកម្មវិធី IEP ដែលកូនរបស់អ្នកបានខកខាន និងរបៀបដែលពួកគេនឹងកំណត់អ្នកផ្ដល់សេវាថ្មីដែលមានលក្ខណៈសម្បត្តិគ្រប់គ្រាន់។
ក្រុមការងារកម្មវិធី IEP មិនអាចដកសេវាកម្មពាក់ព័ន្ធចេញពីកម្មវិធី IEP របស់កូនអ្នកដោយសារពួកគេគ្មានបុគ្គលិកសមស្របបានទេ។ បើសិនជារឿងនេះកើតឡើង អ្នកមិនចាំបាច់យល់ព្រមទេ ហើយអាចភ្ជាប់សេចក្ដីជំទាស់ជាលាយលក្ខណ៍អក្សរជាមួយឯកសារកម្មវិធី IEP ដើម្បីបង្ហាញជំហរច្បាស់លាស់របស់អ្នក។ 2 ពេលនោះមណ្ឌលសិក្សាធិការត្រូវតែផ្ដល់សេចក្ដីជូនដំណឹងជាលាយលក្ខណ៍អក្សរ (“សេចក្ដីជូនដំណឹងជាមុនជាលាយលក្ខណ៍អក្សរ”) ដល់អ្នក ដែលពន្យល់ពីការសម្រចចិត្តរបស់ខ្លួន។ សូមមើល ជំពូក 4 ព័ត៌មានស្តីពីដំណើរការកម្មវិធី IEP។