ច្បាប់ពុំបានកំណត់លើបញ្ជីនៃសេវាកម្មពាក់ព័ន្ធ ចំពោះសេវាកម្មដែលចែងនៅក្នុងបទប្បញ្ញត្តិសហព័ន្ធ ឬក្រមស្ដីពីការអប់រំរបស់រដ្ឋកាលីហ្វ័រញ៉ាឡើយ។ សេវាកម្មពាក់ព័ន្ធអាចរួមបញ្ចូលសេវាកម្មណាមួយដែលចាំបាច់សម្រាប់សិស្សក្នុងកម្មវិធីអប់រំពិសេស ដើម្បីទទួលបានអត្ថប្រយោជន៍ពីការអប់រំរបស់គេ។ 1 ឧទាហរណ៍ ជំនួយការគ្រូម្នាក់អាចតម្រូវឲ្យជួយដល់សិស្សម្នាក់ដែលមានពិការភាពរាងកាយសំខាន់ៗ អនុវត្តកិច្ចការអប់រំ (ដូចជាការកត់ត្រាជាដើម) ឬតម្រូវឲ្យជួយនៅក្នុងកម្មវិធីគ្រប់គ្រងអាកប្បកិរិយាណាមួយ សម្រាប់សិស្សម្នាក់ដែលមានបញ្ហាផ្នែករាងកាយសំខាន់ៗ។ ហេតុនេះ មណ្ឌលសិក្សាធិការត្រូវផ្ដល់នូវជំនួយការគ្រូ ប្រសិនបើកូនរបស់អ្នកត្រូវការជំនួយណាមួយដើម្បីទទួលបានអត្ថប្រយោជន៍ពីការអប់រំរបស់គាត់ រួមទាំងស្ថានភាពដែលកូនរបស់អ្នកត្រូវការជំនួយដើម្បីជួយដល់គេនៅក្នុងថ្នាក់រៀនចំណេះទូទៅផងដែរ។
លក្ខខណ្ឌតម្រូវគុណវុឌ្ឍិសម្រាប់ជំនួយការគ្រូ (ជំនួយការបង្រៀន)
ជំនួយការគ្រូដែលជួយក្នុងនាមជាជំនួយការបង្រៀនត្រូវតែមានសញ្ញាបត្រមធ្យមសិក្សាទុតិយភូមិ ឬសញ្ញាបត្រមានតម្លៃស្មើ និងបំពេញតាមលក្ខខណ្ឌតម្រូវណាមួយខាងក្រោម៖ (1) បានបញ្ចប់ការសិក្សាយ៉ាងតិចពីរឆ្នាំនៅគ្រឹះស្ថានឧត្តមសិក្សា (2) មានបរិញ្ញាបត្ររង ឬខ្ពស់ជាងនេះ ឬ (3) បានបំពេញការវាយតម្លៃនៅថ្នាក់មូលដ្ឋាន ឬថ្នាក់រដ្ឋដែលបង្កើតចំណេះដឹង និងសមត្ថភាពក្នុងការជួយបង្រៀនផ្នែកអាន សរសេរ និងគណិតវិទ្យា។ 2. ជំនួយការគ្រូដែលជួយសិស្សដែលមានពិការភាពត្រូវតែបានទទួលការបណ្ដុះបណ្ដាល និងមានចំណេះដឹងនិងជំនាញជាក់លាក់ដើម្បីធ្វើដូច្នេះបាន។ 3. ដូច្នេះ ជំនួយការគ្រូត្រូវតែមានលក្ខណៈសម្បត្តិគ្រប់គ្រាន់ដើម្បីបំពេញភារកិច្ចដែលចាំបាច់ដើម្បីអនុវត្តកម្មវិធី IEP របស់សិស្ស។ ឧទាហរណ៍ បើសិនជាគោលបំណងរបស់ជំនួយការគ្រូគឺផ្ដល់ការគាំទ្រផ្នែកអាកប្បកិរិយាដល់កូនរបស់អ្នកនៅក្នុងថ្នាក់ អ្នកគួរតែប្រាកដថាអ្នកបានឱ្យមណ្ឌលសិក្សាសរសេរទៅក្នុងកម្មវិធី IEP ថាជំនួយការគ្រូត្រូវតែ “បានទទួលការបណ្ដុះបណ្ដាលក្នុងផ្នែកកែប្រែអាកប្បកិរិយា” ក៏ដូចជាភាពញឹកញាប់ ទីតាំង រយៈពេល និងប្រភេទនៃសេវាកម្មដែលជំនួយការគ្រូនឹងផ្ដល់។ ទោះក្នុងករណីណាក៏ដោយ មណ្ឌលសិក្សាមិនអាចជួលជំនួយការគ្រូដែលគ្មានលក្ខណៈសម្បត្តិគ្រប់គ្រាន់តាមលក្ខខណ្ឌតម្រូវឡើយ។ មណ្ឌលសិក្សាធិការមិនអាចលើកលែងលក្ខណៈសម្បត្តិសម្រាប់ជំនួយការគ្រូក្នុងលក្ខខណ្ឌអាសន្ន ឬបណ្ដោះអាសន្នឡើយ។ 4
បើសិនជាអ្នកជឿថាជំនួយការគ្រូដែលជួយកូនរបស់អ្នកមិនបំពេញតាមលក្ខខណ្ឌតម្រូវតាមច្បាប់ អ្នកគួរលើកឡើងពីក្ដីកង្វល់របស់អ្នកជាលាយលក្ខណ៍អក្សរទៅមណ្ឌលសិក្សាធិការ ហើយបើសិនជាក្ដីកង្វល់របស់អ្នកមិនត្រូវបានដោះស្រាយទេ អ្នកអាចដាក់បណ្ដឹងពីបទអនុលោមភាពទៅ CDE សូមមើល ជំពូក 6 ព័ត៌មានស្ដីពីនីតិវិធីត្រឹមត្រូវតាមផ្លូវច្បាប់/នីតិវិធីនៃអនុលោមភាព។]