“សេវាកម្មពាក់ព័ន្ធ” គប្បីត្រូវបានស្នើសុំនៅក្នុងកិច្ចប្រជុំកម្មវិធី IEP ហើយប្រសិនបើក្រុមការងារកម្មវិធី IEP យល់ស្រប សេវាកម្មទាំងនេះគប្បីសរសេរចូលទៅក្នុងកម្មវិធី IEP របស់កូនអ្នក បើទោះបីជាសេវាទាំងនោះនឹងមិនអាចផ្ដល់ជូនដោយមណ្ឌលសិក្សាធិការបានក៏ដោយ។ វាជាការសំខាន់ដែលត្រូវសរសេរសេវាចូលកម្មវិធី IEP ដោយសារវាជួយដល់ការបញ្ជាក់ថា សេវាកម្មនេះគឺជាសេវាអប់រំ និងចាំបាច់សម្រាប់ការអប់រំរបស់សិស្ស។ ចុងបញ្ចប់ វាជាទំនួលខុសត្រូវរបស់មណ្ឌលសិក្សាធិការដែលត្រូវផ្ដល់សេវាកម្មពាក់ព័ន្ធ ទោះបីជាទីភ្នាក់ងារខាងក្រៅឈប់ផ្ដល់សេវាកម្មទាំងនោះក៏ដោយ។ 1.
អ្វីដែលកម្មវិធី IEP ត្រូវបញ្ជាក់អំពីសេវាកម្មពាក់ព័ន្ធ
កម្មវិធី IEP ត្រូវតែបញ្ជាក់ និងពណ៌នាឱ្យបានច្បាស់លាស់នូវសេវាកម្មពាក់ព័ន្ធ (ឧ. “ការព្យាបាលខាងការនិយាយ”, “OT/PT”, “ការព្យាបាលរោគចិត្ត” ។ល។) ដែលកូនរបស់អ្នកត្រូវទទួលនៅក្នុងកម្មវិធី IEP។ កម្មវិធី IEP ត្រូវតែកំណត់ភាពញឹកញាប់ ទីតាំង រយៈពេល និងកាលបរិច្ឆេទដែលប៉ាន់ស្មាននៃការចាប់ផ្ដើមសេវាកម្មដែលត្រូវផ្ដល់។ 2. កម្មវិធី IEP គួរមានសេចក្ដីថ្លែងការណ៍ប្រហាក់ប្រហែលដែលពណ៌នាពីព័ត៌មានលម្អិតដូចគ្នាសម្រាប់ការអប់រំពិសេស ព្រមទាំងសេវាកម្មនិងជំនួយបន្ថែមដែលក្រុមការងារកំណត់ថាសមស្របសម្រាប់សិស្ស ក៏ដូចជាសម្រាប់ការកែប្រែកម្មវិធី និងការគាំទ្រដែលត្រូវផ្ដល់ជូនបុគ្គលិកសាលារៀនដើម្បីអាចឱ្យសិស្សរីកចម្រើនឆ្ពោះទៅរកគោលដៅប្រចាំឆ្នាំ ដើម្បីចូលរួមនិងរីកចម្រើននៅក្នុងកម្មវិធីសិក្សាអប់រំចំណេះទូទៅ និងដើម្បីចូលរួមនៅក្នុងសកម្មភាពក្រៅកម្មវិធីសិក្សា និងក្រៅការសិក្សា។
ឧទាហរណ៍ កម្មវិធី IEP គួរបញ្ជាក់ពី “ការព្យាបាលខាងការនិយាយ” និងពណ៌នាពីសេវាកម្មដោយមានសេចក្ដីថ្លែងការណ៍ដូច្នេះ៖ ការបង្រៀនលក្ខណៈបុគ្គលអំពីសទ្ទតាវិទ្យា និងសម្ព័ន្ធវិទ្យាមួយដងក្នុងមួយសប្ដាហ៍ 45 នាទីក្នុងមួយវគ្គ និងការបង្រៀនជាក្រុមតូច (សិស្ស 13 នាក់) មួយដងក្នុងមួយសប្ដាហ៍ 45 នាទីក្នុងមួយវគ្គ ដែលផ្ដល់សេវាដោយអ្នកជំនាញផ្នែកភាសា និយាយ និងការស្ដាប់ដែលមានការទទួលស្គាល់ត្រឹមត្រូវដោយមានសកម្មភាពក្រុមជំនួយជារៀងរាល់ថ្ងៃនៅក្នុងថ្នាក់រៀន ដែលផ្ដល់ដោយគ្រូបង្រៀន ឬជំនួយការគ្រូ (ជំនួយការបង្រៀន) ក្នុងការពិគ្រោះយោបល់ជាមួយអ្នកជំនាញឯកទេស។
ប្រសិនបើគម្រោង IEP មានគោលដៅសម្រាប់សេវាកម្មពាក់ព័ន្ធ ដូចជាវឌ្ឍនភាពការបញ្ចេញសូរសព្ទផ្នែកសម្ដី សម្រាប់សេវាព្យាបាលផ្នែកសម្ដី គោលដៅទាំងអស់នេះ គប្បីសរសេរចូលនៅក្នុងគម្រោង IEP ក្នុងរយៈពេលដែលអាចវាស់វែងបាន ជាមួយនឹងការរៀបរាប់អំពីរបៀបបង្កើតវឌ្ឍនភាពទៅកាន់គោលដៅទាំងនេះ ដែលនឹងត្រូវវាស់ស្ទង់ និងតារាងពេលវេលាសម្រាប់ការជូនដំណឹងដល់អ្នកអំពីវឌ្ឍនភាពកូនរបស់អ្នក ដែលបានធ្វើឡើងឆ្ពោះទៅកាន់គោលដៅទាំងអស់នេះ។ 3.
មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតគួរបដិសេធសេចក្ដីថ្លែងការណ៍ដែលស្រពិចស្រពិល និងមិនច្បាស់លាស់។ ឧទាហរណ៍ មណ្ឌលសិក្សាធិការភាគច្រើននឹងព្យាយាមបញ្ចូលសេចក្ដីថ្លែងការណ៍ដូច្នេះ៖ “សិស្សនឹងទទួលបានការព្យាបាលខាងការនិយាយមួយដង ទៅបីដងក្នុងមួយសប្ដាហ៍” ឬ “រហូតដល់បីដងក្នុងមួយសប្ដាហ៍”។ សេចក្ដីថ្លែងការណ៍នេះមានលក្ខណៈស្រពិចស្រពិល ព្រោះវាមិនបានបញ្ជាក់ច្បាស់លាស់ថាតើសិស្សនឹងទទួលសេវាកម្មព្យាបាលប៉ុន្មានដងនោះទេ ហើយមណ្ឌលសិក្សាធិការអាចសម្រេចចិត្តផ្ដល់ការព្យាបាលខាងការនិយាយបានយ៉ាងច្រើនត្រឹមតែមួយដងប៉ុណ្ណោះក្នុងមួយសប្ដាហ៍។
ដូចគ្នានេះដែរ ឃ្លាដូចជា៖ “សិស្សនឹងបង្ហាញជំនាញគោលដៅរហូតដល់ទៅបីនៅត្រឹមថ្ងៃទី 1 ខែមិថុនា” ក៏មិនច្បាស់ផងដែរ ដោយសារវាមានន័យថា សិស្សនោះនឹងត្រូវសម្រេចគោលដៅនោះ ឲ្យតែគេអាចបង្ហាញជំនាញគោលដៅយ៉ាងតិចមួយ ឬប្រហែលអត់ក៏មាន នៃជំនាញគោលដៅទាំងបី។
ត្រូវការកិច្ចប្រជុំកម្មវិធី IEP ដើម្បីផ្លាស់ប្ដូរលើសេវាកម្មពាក់ព័ន្ធ
ការផ្លាស់ប្ដូរលើចំនួនសេវាកម្ម កាលបរិច្ឆេទដែលប៉ាន់ស្មាន ភាពញឹកញាប់ ទីតាំងឬរយៈពេលនៃការអប់រំពិសេស សេវាកម្មពាក់ព័ន្ធ ព្រមទាំងសេវាកម្មនិងជំនួយបន្ថែម ក៏ដូចជាការកែប្រែកម្មវិធី និងការគាំទ្រសម្រាប់បុគ្គលិកសាលារៀនដែលបានពណ៌នានៅក្នុងកម្មវិធី IEP មិនអាចធ្វើទៅបានដោយគ្មានកិច្ចប្រជុំកម្មវិធី IEP មួយទៀតទេ លើកលែងតែអ្នកយល់ព្រមចំពោះការផ្លាស់ប្ដូរដែលបានធ្វើឡើងដោយមិនចាំបាច់មានកិច្ចប្រជុំ។ 4 ទោះយ៉ាងនេះក៏ដោយ បើសិនជាគ្មានការផ្លាស់ប្ដូរលើចំនួនសរុប កាលបរិច្ឆេទដែលប៉ាន់ស្មាន ភាពញឹកញាប់ ទីតាំងនិងរយៈពេលទេ ការកែសម្រួលមួយចំនួនលើការធ្វើកាលវិភាគសេវាកម្មអាចធ្វើទៅបានដោយមិនចាំបាច់មានកិច្ចប្រជុំកម្មវិធី IEP (ផ្អែកលើការវិនិច្ឆ័យបែបវិជ្ជាជីវៈរបស់អ្នកផ្ដល់សេវាកម្ម)។ មណ្ឌលសិក្សាធិការគួរជូនដំណឹងដល់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតនៅពេលណាដែលមានរឿងនេះកើតឡើង។