ការវាយតម្លៃអាកប្បកិរិយា និងអន្តរាគមន៍អាកប្បកិរិយាវិជ្ជមាន​ត្រូវ​បាន​តម្រូវជាផ្នែកមួយនៃកម្មវិធី IEP។  ¹  មណ្ឌលសិក្សាធិការត្រូវបានតម្រូវឱ្យផ្ដល់ការគាំទ្រ និងអន្តរាគមន៍​អាក​ប្ប​កិរិយាវិជ្ជមាន ដើម្បីដោះស្រាយបញ្ហាអាកប្បកិរិយារបស់សិស្ស​ដែលរំ​ខាន​ដ​ល់សមត្ថភាពរបស់សិស្សក្នុងការទទួលបានការអប់រំរបស់គាត់ ឬបើ​សិន​ជាអាកប្បកិរិយារបស់សិស្សកំពុងប៉ះពាល់ដល់សិស្សដទៃ។ ²  ដើម្បីរកឱ្យឃើញថាតើការគាំទ្រអាកប្បកិរិយាប្រភេទណាដែលសិស្សត្រូវការ មណ្ឌលសិក្សាធិការត្រូវតែធ្វើការវាយតម្លៃ។ ការវាយតម្លៃអាកប្បកិរិយាខាងមុខងារ (FBA) គឺជាប្រភេទនៃការវាយ​ត​ម្លៃ​មួយដែលត្រូវបានធ្វើឡើងដោយអ្នកវិភាគអាកប្បកិរិយា​ដែលមាន​ការ​បញ្ជាក់ពីក្រុមប្រឹក្សា (BCBA)។ FBA ជួយកំណត់ថាតើជាអាកប្បកិរិយាអ្វី ហេតុអ្វីបានជាវាកើតឡើង ហើ​យតើគ្រូ បុគ្គលិក និងអ្នកផ្សេងទៀតអាចឆ្លើយតបយ៉ាងណាឱ្យមាន​ប្រសិ​ទ្ធភាពនឹងអាកប្បកិរិយារបស់សិស្សតាមរយៈផែនការអន្តរាគមន៍អាកប្បកិរិយា (BIP)។  

បើសិនជាកូនរបស់អ្នកកំពុងបង្ហាញអាកប្បកិរិយានៅសាលារៀនដែលប៉ះពាល់ដល់សមត្ថភាពរបស់គាត់ក្នុងការរចូលរួមជាមួយអ្នកដទៃ អ្នកគួរធ្វើ​សំណើជាលាយលក្ខណ៍អក្សរទៅក្រុមការងារកម្មវិធី IEP របស់កូនអ្នក ឬ​ទៅ​មណ្ឌលសិក្សាធិការដោយស្នើឱ្យពួកគេអនុវត្ត FBA។ សំណើរបស់អ្នកក៏គួររៀបរាប់អំពីប្រភេទនៃអាកប្បកិរិយាដែលកូនរបស់អ្នកកំពុងបង្ហាញ និងមូលហេតុដែលអ្នកជឿថាកូនរបស់អ្នកត្រូវការការ​វាយតម្លៃសម្រាប់ BIP។ ³ 

1. 34 C.F.R. Sec. 300.324(a)(2)(i); Cal. Ed. Code Sec. 56341.1(b)(1).[↩]
2. 20 U.S.C. Sec. 1414(d)(3)(B).[↩]
3. សូមមើល ព័ត៌មានស្ដីពីសិទ្ធិរបស់សិស្សដែលមាន​តម្រូវការ​ខាង​អាកប្បកិរិយា និងសិស្សដែលត្រូវបានគេសម្លុតធ្វើ​បាប​។[↩]