បាទ/ចាស។ ការព្យួរការសិក្សាអាចមានភាពសមស្របបាន លុះត្រាតែនៅពេលដែលមធ្យោបាយការកែតម្រូវផ្សេងៗមិនបាននាំមកនូវកិរិយាមាយាទសមរម្យតែប៉ុណ្ណោះ។ មធ្យោបាយនៃការកែតម្រូវផ្សេងទៀត រួមមាន ប៉ុន្តែមិនកំណត់ត្រឹមចំពោះ៖ កិច្ចប្រជុំរវាងបុគ្គលិកសាលារៀន និងមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត អំពីការបញ្ជូនបន្តទៅទទួលការវាយតម្លៃផ្នែកអប់រំពិសេស និងវិធីសាស្រ្តគាំទ្រផ្នែកអាកប្បកិរិយាវិជ្ជមានដោយមានអន្តរាគមន៍តាមលំដាប់ថ្នាក់។ មណ្ឌលសិក្សាធិការគប្បីប្រើជម្រើសផ្សេងទៀតក្នុងការព្យួរការសិក្សា ឬបណ្តេញចេញដើម្បីដោះស្រាយបញ្ហានៃការគេចសាលា មកយឺត និងអវត្តមានផ្សេងទៀតពីសកម្មភាពរបស់សាលា។ សិស្សមិនអាចត្រូវបានព្យួរការសិក្សា ឬបណ្ដេញចេញដោយសារតែសិស្សគេចសាលា មកយឺត ឬអវត្តមានទេ។1 វាស្ថិតនៅក្នុងឆន្ទានុសិទ្ធិរបស់ប្រធាននាយកក្នុងការប្រើប្រាស់វិធីសាស្ត្រផ្សេងជំនួស ដូចជាថ្នាក់គ្រប់គ្រងកំហឹងជំនួសឲ្យការព្យួរការសិក្សា ឬបណ្តេញចេញពីការសិក្សា។2 មណ្ឌលសិក្សាធិការក៏អាចអនុវត្តគោលការណ៍ដែលផ្តល់សិទ្ធិអំណាចដល់គ្រូបង្រៀនដើម្បីតម្រូវឲ្យមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតរបស់សិស្សដែលត្រូវបានព្យួរការសិក្សានោះចូលរួមនៅម៉ោងថ្ងៃសិក្សាក្នុងថ្នាក់រៀនរបស់កូន ឬបាលិតរបស់គាត់។3