នៅក្នុងសេចក្ដីណែនាំនេះ ក្រសួងបានលើកឡើងពីក្ដីកង្វល់ខ្លាំងក្លារបស់ខ្លួនទាក់ទងនឹងការអនុវត្តរបស់សាលារៀនលើការដកកុមារដែលមានពិការភាពចេញម្ដងហើយម្ដងទៀតដើម្បីជាការដាក់វិន័យលើពួកគេ។ ជាក់ស្ដែង សេចក្ដីណែនាំនេះបានចែងថា សកម្មភាពណាមួយរបស់សាលារៀនដែលធ្វើឱ្យកុមារបាត់បង់សិទ្ធិទទួលបាន ឬបង្កឱ្យមានការផ្លាស់ប្ដូរគួរឱ្យកត់សម្គាល់ចំពោះកម្មវិធីអប់រំរបស់កុមារ អាចត្រូវបានរាប់ថាជាថ្ងៃព្យួរការសិក្សា ឬជាការផ្លាស់ប្ដូរកន្លែងរៀន។ ឧទាហរណ៍ដែលបានលើកឡើងនៅក្នុងសេចក្ដីណែនាំនេះ គឺការកាត់បន្ថយពេលវេលានៃការចូលរៀនរបស់កុមារ ឬការបដិសេធមិនឱ្យកុមារចូលរួមក្នុងមុខវិជ្ជាជ្រើសរើសដោយសារអាកប្បកិរិយារបស់កុមារ។ សេចក្ដីណែនាំក៏សង្កត់ធ្ងន់លើលក្ខខណ្ឌតម្រូវផ្នែកច្បាប់ដែលមណ្ឌលសិក្សាធិការត្រូវតែអនុវត្ត បើសិនជាការដកចេញនោះមិនត្រូវបានរាប់ថាជាថ្ងៃព្យួរការសិក្សា៖
- កុមារមានឱកាសបន្តចូលរួមយ៉ាងសមស្របក្នុងកម្មវិធីសិក្សាចំណេះទូទៅ
- កុមារបន្តទទួលសេវាកម្មដែលបានបញ្ជាក់នៅក្នុងកម្មវិធី IEP របស់កុមារ និង
- កុមារបន្តចូលរួមជាមួយកុមារដែលគ្មានពិការភាពដល់កម្រិតមួយដែលពួកគេមាននៅក្នុងកន្លែងរៀនបច្ចុប្បន្នរបស់ពួកគេ។