សេចក្ដីណែនាំនេះបានអះអាងជាថ្មីថានៅពេលដែលការដឹកជញ្ជូនត្រូវបានកំណត់ថាជាសេវាកម្មពាក់ព័ន្ធនៅក្នុងកម្មវិធី IEP របស់កុមារហើយ មណ្ឌលសាលារៀនត្រូវតែចាត់ទុកការព្យួរ/ផ្អាករថយន្តសាលាជាការផ្អាកដើម្បីដាក់វិន័យ ហើយរាប់វាជាថ្ងៃព្យួរការសិក្សាដើម្បីកំណត់ថាតើវាជាលទ្ធផលនៃការផ្លាស់ប្ដូរកន្លែងរៀនឬទេ ហើយត្រូវតែផ្ដល់ដល់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតនូវការការពារសំខាន់ និងតាមនីតិវិធី។1
ក្រសួងបញ្ជាក់បន្ថែមទៀតថាស្ថានភាពដែលកុមាររងចំណាត់ការវិន័យគឺត្រូវបានដាក់នៅក្នុងកន្លែងអប់រំផ្សេងបណ្ដោះអាសន្ន (IAES) មណ្ឌលសិក្សាធិការត្រូវតែផ្ដល់មធ្យោបាយដឹកជញ្ជូនដល់កុមារ “បើសិនជាការដឹកជញ្ជូនគឺចាំបាច់ដើម្បីឱ្យកុមារទទួលបានសេវាកម្មដែលផ្ដល់នៅក្នុង IAES”។ ក្រសួងរម្លឹកមណ្ឌលសិក្សាធិការថាមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតត្រូវតែបានរួមបញ្ចូលនៅក្នុងក្រុមការងារដែលសម្រេចអំពី IAES សម្រាប់ការផ្ដល់ការអប់រំពិសេស និងសេវាកម្មពាក់ព័ន្ធ។2