ទេ លើកលែងតែមណ្ឌលសិក្សាធិការជឿជាក់ថា គេត្រូវការវេជ្ជបណ្ឌិតក្នុងការធ្វើរោគវិនិច្ឆ័យ។ ក្នុងករណីនោះ មណ្ឌលសិក្សាធិការត្រូវតែធានាថា វេជ្ជបណ្ឌិតអនុវត្តការវាយតម្លៃដោយមិនគិតប្រាក់ពីមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត។ លិខិតមួយរបស់ក្រសួងអប់រំសហរដ្ឋអាមេរិកធ្វើការបញ្ជាក់ថា៖
បើទីភ្នាក់ងារសាធារណៈ (មណ្ឌលសិក្សាធិការ) ជឿជាក់ថា ការវាយតម្លៃខាងវេជ្ជសាស្ត្រដោយគ្រូពេទ្យដែលមានអាជ្ញាបណ្ណគឺចាំបាច់ក្នុងការធ្វើជាផ្នែកមួយនៃការវាយតម្លៃក្នុងការកំណត់ថា តើកុមារ…ដែលត្រូវបានសង្ស័យថាមាន ADD ត្រូវនឹងលក្ខណៈវិនិច្ឆ័យភាពមានសិទ្ធិទទួលបានអំពីប្រភេទចុះខ្សោយសុខភាពផ្សេងទៀតឬទេ នោះមណ្ឌលសិក្សាធិការត្រូវតែធានាថា ការវាយតម្លៃនេះត្រូវបានធ្វើឡើង និងមិនគិតប្រាក់ពីឪពុកម្ដាយទេ។ 1
បើមណ្ឌលសិក្សាធិការជឿជាក់ថា អ្នកមានវិជ្ជាជីវៈថែទាំសុខភាពក្រៅពីវេជ្ជបណ្ឌិតអាចផ្ដល់ការវាយតម្លៃបាន នោះមណ្ឌលសិក្សាធិការអាចប្រើអ្នកផ្ដល់សេវាផ្សេងទៀតបាន ឱ្យតែត្រូវនឹងកិច្ចការពារលក្ខខណ្ឌតម្រូវក្នុងការវាយតម្លៃទាំងអស់នៅក្នុងច្បាប់សហព័ន្ធនិងច្បាប់រដ្ឋ។ សាលារៀនឬបុគ្គលិកផ្សេងទៀតដែលត្រូវបានជ្រើសរើសឱ្យធ្វើការវាយតម្លៃ ADD/ADHD ត្រូវតែត្រូវបានបណ្ដុះបណ្ដាលឱ្យធ្វើការនោះ។ 2
មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតមិនចាំបាច់ពឹងផ្អែកទាំងស្រុងលើការវាយតម្លៃរបស់មណ្ឌលសិក្សាធិការចំពោះរោគវិនិច្ឆ័យ ADD ឬ ADHD នោះទេ។ មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតអាចផ្ដល់រោគវិនិច្ឆ័យឯករាជ្យមួយអំពី ADD ឬ ADHD ទៅឱ្យមណ្ឌលសិក្សាធិការពីគ្រូពេទ្យកុមារ ចិត្តវិទូ ឬអ្នកជំនាញសុខភាពផ្លូវចិត្តផ្សេងទៀត។ មណ្ឌលសិក្សាធិការត្រូវតែពិចារណាការវាយតម្លៃឯករាជ្យអំពីកូនរបស់អ្នកនៅក្នុងដំណើរការកម្មវិធី IEP។