ច្បាប់បញ្ជាក់ថា កូនរបស់អ្នកត្រូវតែទទួលបានការវាយតម្លៃគ្រប់ផ្នែក​ទាំង​អស់ដែលពាក់ព័ន្ធនឹងពិការភាពដែលសង្ស័យ។ បើអ្នកឬគ្រូរបស់កូនអ្នកបានសង្កេតឃើញថា កុមារមានអាកប្បកិរិយា​ដែលជះឥទ្ធិពលអាក្រក់ដល់ការអនុវត្តនៅសាលារៀន (ឧទាហរណ៍ ខ្សោយ​ការគ្រប់គ្រងចំណង់ទាន់ហន់ មានបញ្ហាក្នុងការរាប់អានមិត្តភក្តិ ឬមិន​ចង់ចូលចំណោម) អ្នកគួរតែស្នើសុំវាយតម្លៃអំពីស្ថានភាពខាងសង្គមនិង​ខាងផ្លូវចិត្តរបស់កូនអ្នក ធ្វើជាផ្នែកមួយនៃផែនការវាយតម្លៃដែលអ្នក​ចុះ​ហត្ថលេខា។  ¹ អ្នកអាចស្នើសុំការវាយតម្លៃផ្នែកនេះបាន ទោះបីជាមណ្ឌលសិក្សាធិការ​មិ​នបានកំណត់យកវាធ្វើជាផ្នែកមួយសម្រាប់ការវាយតម្លៃនៅលើផែនការវាយតម្លៃក៏ដោយ។  មណ្ឌលសិក្សាធិការត្រូវបានតម្រូវឱ្យប្រើឧបករណ៍តេស្តត្រឹមត្រូវតាមបច្ចេកទេសដើម្បីវាយតម្លៃការរួមចំណែកនៃកត្តាខាងការយល់ដឹងនិងខាងអាកប្បកិរិយា ព្រមទាំងកត្តាខាងរាងកាយនិងខាងការលូតលាស់ ចំពោះ​ពិ​ការភាពរបស់កុមារនិងតម្រូវការចំពោះសេវាកម្ម។  ²

1. Cal. Ed. Code Sec. 56320(f).[↩]
2. 34 C.F.R. Sec. 300.304(b)(3).[↩]