ប្រសិនបើ​កូនរបស់អ្នក​កំពុងទទួលបាន​សេវាកម្ម​នានា​រួចហើយ​ ក្រោម​កម្មវិធី​ IEP មួយដែលមានស្រាប់ នោះ​អ្នក​អាចស្នើសុំ​កិច្ច​ប្រជុំ​ត្រួត​ពិនិត្យ​​កម្មវិធី​ IEP ​ នៅ​ពេលអ្នក​​គិតថា​កិច្ច​ប្រជុំ​មួយនោះ​ត្រូវការ​ចាំបាច់​ ដើម្បី​ត្រួតពិនិត្យ និង​ផ្លាស់ប្តូរ​​​កម្មវិធីនេះ​។ អ្នក​គួរ​​ធ្វើការស្នើសុំ​ជាលាយលក្ខណ៍អក្សរ​ទៅកាន់​គ្រូបង្រៀ​ន​កូន​អ្នក​ នាយកសាលា​ ឬការិយាល័យ​រដ្ឋបាលផ្នែក​​អប់រំពិសេស​។​ អ្នក​គួរ​​​ស្នើសុំ​ការ​ត្រួតពិនិត្យកម្មវិធី IEP  ​យ៉ាងជាក់លាក់​នៅក្នុង​សំណើ​សុំជា​លាយ​លក្ខណ៍អក្សរ​របស់អ្នក​។​ [Cal. Ed. Code Secs. 56343(c) & 56343.5.] កិច្ច​ប្រជុំ​ត្រួតពិនិត្យ​​កម្មវិធី​ IEP ត្រូវបានរៀបចំឡើង​ក្នុងរយៈពេល​ 30 ថ្ងៃ​បន្ទាប់ពី​ទទួល​បាន​សំណើ​សុំ​​​ជាលាយលក្ខណ៍អក្សររបស់អ្នក​ (ដោយ​មិន​រាប់​ចំនួនថ្ងៃ​ក្នុងចន្លោះ​ម៉ោងសិក្សា​ធម្មតា​នៅសាលា​ ឬ​ពេលវេលា​ឈប់សម្រាក​លើ​សពី​​ថ្ងៃ​សិក្សា​ចំនួន​ប្រាំថ្ងៃ​នោះ​ទេ​​។) [Cal. Ed. Code Sec. 56343.5.]