បាទ/ចាស។ កម្មវិធី IEP សម្រាប់សិស្សដែលមានពិការភាព ត្រូវតែរួមបញ្ចូលរាល់ការអប់រំពិសេសជាក់លាក់ប្លែកពីគេ និងសេវាកម្មពាក់ព័ន្ធ ដែលកុមារត្រូវការចាំបាច់ ទៅតាមការកំណត់ដោយក្រុមការងារកម្មវិធី IEP។ 1 នេះមានន័យថាសេវាកម្មនេះ ត្រូវតែមានចែងនៅក្នុងកម្មវិធី IEP បើទោះបីជាពួកវាមិនមានផ្តល់ជូនដោយផ្ទាល់ពីមណ្ឌលសិក្សាធិការក៏ដោយ ប៉ុន្តែត្រូវតែមានផ្តល់ជូនតាមរយៈកិច្ចសន្យា ឬការរៀបចំផ្សេងទៀតជាជំនួស។
កម្មវិធី IEP ក៏ត្រូវតែចែងនូវការពិពណ៌នា និងបរិមាណនៃការអប់រំពិសេស និងភាពញឹកញាប់ ថេរវេលា និងទីកន្លែងនៃសេវាកម្មពាក់ព័ន្ធ និងការកែសម្រួលនានា ដើម្បីឲ្យការសន្យារបស់មណ្ឌលសិក្សាធិការទៅលើធនធាន នឹងមានការយល់ច្បាស់លាស់សម្រាប់ក្រុមការងារ IEP ។ បរិមាណពេលវេលាដែលប្រើប្រាស់សម្រាប់សេវាកម្មផ្សេងៗ គួរតែ (1) សមស្របចំពោះសេវាកម្មជាក់លាក់នោះ និង (2) មានការគូសបញ្ជាក់ក្នុងរបៀបមួយដែលមានភាពច្បាស់លាស់សម្រាប់អ្នកទាំងអស់ដែលចូលរួមនៅក្នុងការអភិវឌ្ឍ និងការអនុវត្តកម្មវិធី IEP។ ការផ្លាស់ប្តូរនៅក្នុងចំនួនសេវាកម្មមិនអាចធ្វើបានដោយគ្មានការរៀបចំកិច្ចប្រជុំកម្មវិធី IEP ផ្សេងទៀតឡើយ លើកលែងតែមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត និងមណ្ឌលសិក្សាធិការយល់ព្រមឲ្យរៀបចំកិច្ចប្រជុំនោះតាមទូរសព្ទ ឬកិច្ចប្រជុំតាមប្រព័ន្ធវីដេអូ។ 2