អ្នកមានសិទ្ធិចូលរួមពេញលេញនៅក្នុងកិច្ចដំណើរការកម្មវិធី IEP។ 1 មិនអនុញ្ញាតឲ្យកិច្ចប្រជុំដំណើរការទៅមុខឡើយ រហូតទាល់តែអ្នកយល់ពេញលេញពីអ្វីដែលកំពុងនិយាយ។ បញ្ឈប់កិច្ចប្រជុំ សួរថាតើពាក្យដែលពិបាកយល់ ឬពាក្យបច្ចេកទេសនោះមានន័យដូចម្តេច ហើយបន្តសួររហូតដល់អ្នកមានទុកចិត្តថាអ្នកយល់ពីអត្ថន័យទាំងនោះ។ មិនអនុញ្ញាតឲ្យពាក្យទាំងនោះ បង្កការគំរាមកំហែងដល់អ្នកទេ។ មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតជាច្រើនមិនយល់អក្សរកាត់ ឬវាក្យស័ព្ទអប់រំផ្សេងទៀតទេ។ ការសួរសំណួរ គឺជាការបង្ហាញថាអ្នកមានក្តីកង្វល់សមស្របពាក់ព័ន្ធនឹងការបង្កើតកម្មវិធីអប់រំសមស្របសម្រាប់កូនរបស់អ្នក។ បើអ្នកមិនយល់ច្បាស់ពីខ្លឹមសារនៃកម្មវិធី IEP របស់កូនអ្នកទេ អ្នកអាចនឹងមិនមានលទ្ធភាពផ្តល់ជូននូវការយល់ព្រមដោយមានព័ត៌មានគ្រប់គ្រាន់សម្រាប់ការផ្តល់ជូនសេវាកម្ម តាមច្បាប់តម្រូវបានទេ។ 2