បាទ/ចាស។ ឪពុកម្តាយចិញ្ចឹម អាចមានតួនាទីជាឪពុកម្តាយក្នងគោលបំណងនៃការអប់រំពិសេសសម្រាប់កុមារណាម្នាក់ដែលស្ថិតនៅក្នុងការមើលថែរបស់ពួកគេ ប្រសិនបើស្ថានភាពដូចខាងក្រោមនេះកើតមាន៖
- សិទ្ធិអំណាចរបស់ឪពុកម្តាយបង្កើត ឬឪពុកម្តាយចិញ្ចឹមនៅក្នុងការធ្វើសេចក្តីសម្រេចចិត្តផ្នែកអប់រំសម្រាប់កុមារនោះ ត្រូវបានដកហូតដោយតុលាការ និង
- ឪពុកម្តាយចិញ្ចឹមមិនមានផលប្រយោជន៍អ្វីដែលអាចនឹងមានទំនាស់ជាមួយនឹងផលប្រយោជន៍របស់កុមារឡើយ។
ប្រសិនបើដើរតួនាទីជាឪពុកម្តាយ ឪពុកម្តាយចិញ្ចឹមមានសិទ្ធិគ្រប់យ៉ាង ដែលឪពុកម្តាយបង្កើត ឬឪពុកម្តាយស្មុំកូនអាចមាន នៅក្នុងកិច្ចដំណើរការអប់រំពិសេស រួមទាំងលទ្ធភាពក្នុងការផ្តួចផ្តើមបញ្ជូនបន្តសម្រាប់សិទ្ធិទទួលបានការអប់រំពិសេសរបស់កូនចិញ្ចឹមរបស់ពួកគេ និងចុះហត្ថលេខាលើកម្មវិធី IEP សម្រាប់សិស្សណាម្នាក់។ 1
ឪពុកម្តាយចិញ្ចឹម ក៏អាចត្រូវបានមណ្ឌលសិក្សាធិការ ឬតុលាការ ចាត់តាំងឲ្យធ្វើជា “ឪពុកម្តាយជំនួស” ដើម្បីអនុវត្តសិទ្ធិអប់រំសម្រាប់កុមារនៅក្នុងបន្ទុកមើលថែរបស់ពួកគេ។ នៅពេលជ្រើសរើសឪពុកម្តាយជំនួស មណ្ឌលសិក្សាធិការ ត្រូវតែផ្តល់អាទិភាពមុនគេដល់ឪពុកម្តាយចិញ្ចឹម អ្នកមើលថែដែលជាសាច់ញាតិ ឬអ្នកតស៊ូមតិពិសេសដែលបានចាត់តាំងដោយតុលាការ (CASA)។ 2