មណ្ឌលសិក្សាធិការ ត្រូវតែផ្តល់ការដាក់បញ្ចូលក្នុងការសិក្សាជំនួសទៅតាមលំដាប់លំដោយ។ 1 ការដាក់បញ្ចូលក្នុងការសិក្សានេះ រួមមាន៖
- ការបង្រៀនក្នុងថ្នាក់អប់រំចំណេះដឹងទូទៅ
- សេវាកម្មពាក់ព័ន្ធ (នៅក្នុងរដ្ឋកាលីហ្វ័រញ៉ា សេវាកម្មទាំងនេះត្រូវបានហៅថា “ការបង្រៀន និងសេវាកម្មដែលបានកំណត់”) ដែលចាំបាច់ក្នុងការជួយឲ្យកូនរបស់អ្នកទទួលបានអត្ថប្រយោជន៍ពីការអប់រំពិសេស (សូមមើលជំពូក 5 ព័ត៌មានស្តីពីសេវាកម្មពាក់ព័ន្ធ)
- សេវាកម្មអ្នកជំនាញផ្នែកធនធាន ដែលអ្នកជំនាញផ្នែកធនធានប្រចាំសាលារៀនផ្តល់ជូនការបង្រៀន និងសេវាកម្មពិសេសដល់សិស្សដែលចំណាយពេលជាងពាក់កណ្តាលនៃថ្ងៃសិក្សារបស់ពួកគេនៅក្នុងថ្នាក់ចំណេះដឹងទូទៅ
- ថ្នាក់រៀនពិសេសដែលបម្រើសេវាដល់សិស្សដែលមានតម្រូវការអប់រំខ្លាំង និងស្រដៀងគ្នា
- សាលារៀនពិសេសរបស់រដ្ឋ ដូចជាសាលាសម្រាប់សិស្សគ-ថ្លង់រដ្ឋកាលីហ្វ័ញ៉ា (California School for the Deaf) និងសាលាសម្រាប់សិស្សពិការភ្នែករដ្ឋកាលីហ្វ័រញ៉ា (California School for the Blind)
- ការបង្រៀនតាមផ្ទះ ការបង្រៀននៅមន្ទីរពេទ្យឬស្ថាប័ននានា ដូចជាមណ្ឌលវេជ្ជសាស្ត្រ មន្ទីរពេទ្យរដ្ឋ និងមជ្ឈមណ្ឌលផ្នែកលូតលាស់ និងសាលាសម្រាប់អនីតិជន
- កន្លែងរៀននៅក្នុងសាលាឯកជនសមស្រប សាលារៀនមិនមែនតាមបែបសាសនា នៅពេលដែលគ្មានទីកន្លែងសិក្សាសាធារណៈសមស្របណាមួយអាចផ្តល់ជូនបាន
- កន្លែងរៀននៅក្នុងកន្លែងស្នាក់នៅថែទាំនៅខាងក្រៅផ្ទះ រួមមានកន្លែង និងបន្ទប់ថែទាំព្យាបាលក្រៅវេជ្ជសាស្ត្រ និងកន្លែងស្នាក់នៅហូបចុក ប្រសិនបើសមស្របសម្រាប់ការអប់រំ ឬនៅពេលណាសាលារៀនសមស្របនោះនៅឆ្ងាយពីផ្ទះរបស់អ្នក
- សេវាបង្រៀនចល័តក្នុងថ្នាក់រៀន បន្ទប់ធនធាន និងមជ្ឈដ្ឋាននានាក្រៅពីថ្នាក់រៀន នៅពេលដែលការបង្រៀនដែលបានបង្កើតឡើងជាពិសេសនោះអាចប្រព្រឹត្តទៅបាន
- ការបង្រៀនតាមប្រព័ន្ធទូរគមនាគមន៍ និង
- ការបង្រៀននៅក្នុងបរិបទក្រៅពីថ្នាក់រៀន ដែលការបង្រៀនដែលបានបង្កើតជាពិសេសអាចកើតឡើង។
សិស្សអាចត្រូវបានចុះឈ្មោះទៅក្នុងថ្នាក់អប់រំពិសេសបាន លុះត្រាតែលក្ខណៈ ឬកម្រិតធ្ងន់ធ្ងរនៃពិការភាពរបស់សិស្សស្ថិតនៅក្នុងកម្រិតមួយដែលការអប់រំនៅក្នុងថ្នាក់អប់រំចំណេះទូទៅមិនអាចសម្រេចបានដោយគាប់ចិត្ត ដោយការប្រើប្រាស់ជំនួយ និងសេវាកម្មបន្ថែម រួមមានការកែសម្រួលកម្មវិធីសិក្សា និងការគាំទ្រអាកប្បកិរិយាជាដើម។ លក្ខខណ្ឌតម្រូវនេះក៏អនុវត្តផងដែរចំពោះការសិក្សានៅសាលាដាច់ដោយឡែក ឬមជ្ឈដ្ឋានផ្សេងទៀតនៅក្រៅមជ្ឈដ្ឋានអប់ចំណេះទូទៅ។ សម្រាប់ព័ត៌មានជាក់លាក់បន្ថែមទៀតស្តីអំពីប្រភេទនៃការដាក់បញ្ចូលក្នុងការសិក្សាសម្រាប់បុគ្គល សូមមើលច្បាប់អប់រំកាលីហ្វ័រញ៉ា ក្រមផ្នែក 56362 (កម្មវិធីអ្នកជំនាញផ្នែកធនធាន) ផ្នែក 56364.1 (ថ្នាក់សិក្សាពិសេសពេលថ្ងៃ) ផ្នែក 56367 (សាលារៀនពិសេសរបស់រដ្ឋ) ផ្នែក 56365 (សាលារៀនឯកជន) ផ្នែក 56167 (ស្ថាប័នវេជ្ជសាស្រ្ត) ផ្នែក 56850 & 56851 (មជ្ឈមណ្ឌល និងមន្ទីរពេទ្យផ្នែកលូតលាស់របស់រដ្ឋ) ផ្នែក 56150 (សាលាសម្រាប់នីតិជន) និងផ្នែក 56156 (ទីកន្លែងនៅក្នុងកន្លែងស្នាក់នៅថែទាំខាងក្រៅផ្ទះ)។ សូមមើលផងដែរ, 34 C.F.R. Sec. ផ្នែក 300.104 (ទីកន្លែងស្នាក់នៅថែទាំនៅក្រៅផ្ទះ)។ សូមមើល ជំពូក 9 ព័ត៌មានស្ដីពីសេវាកម្មរបស់អន្តរទីភ្នាក់ងារ (AB 3632)។
ការដាក់បញ្ចូលទៅក្នុងការសិក្សាតាមលំដាប់ថ្នាក់ ត្រូវតែអនុញ្ញាតឲ្យសិស្សទទួលបានការអប់រំក្នុងកម្រិតអតិបរមាសមស្របជាមួយនឹងសិស្សដែលមិនមានពិការភាព។ [34 C.F.R. Secs. 300.114, 300.115, & 300.116.] សូមមើល ជំពូក 7 ព័ត៌មានស្តីពីមជ្ឈដ្ឋានដែលមានការរឹតបន្តឹងតិចបំផុត។
- 34 C.F.R. Sec. 300.115; Cal. Ed. Code Sec. 56360.[↩]