ប្រសិនបើកូនរបស់អ្នកកំពុងទទួលបានសេវាកម្មរួចហើយក្រោមកម្មវិធី IEP មួយដែលមានស្រាប់ នោះអ្នកអាចស្នើសុំកិច្ចប្រជុំត្រួតពិនិត្យកម្មវិធី IEP បាន នៅពេលអ្នកគិតថាកិច្ចប្រជុំមួយនោះត្រូវការចាំបាច់ ដើម្បីត្រួតពិនិត្យ និងផ្លាស់ប្តូរកម្មវិធីនេះ។ អ្នកគួរធ្វើការស្នើសុំជាលាយលក្ខណ៍អក្សរទៅកាន់គ្រូបង្រៀនកូនអ្នក នាយកសាលា ឬការិយាល័យរដ្ឋបាលផ្នែកអប់រំពិសេស។ អ្នកគួរស្នើសុំការត្រួតពិនិត្យកម្មវិធី IEP យ៉ាងជាក់លាក់នៅក្នុងសំណើសុំជាលាយលក្ខណ៍អក្សររបស់អ្នក។ 1 កិច្ចប្រជុំត្រួតពិនិត្យកម្មវិធី IEP នឹងត្រូវធ្វើឡើងក្នុងរយៈពេល 30 ថ្ងៃតាមប្រតិទិន បន្ទាប់ពីសាលាបានទទួលសំណើជាលាយលក្ខណ៍អក្សរពីអ្នក (មិនរាប់ថ្ងៃដែលចំវិស្សមកាលសិក្សាលើសពីប្រាំថ្ងៃសិក្សា ដូចជាថ្ងៃទាំងឡាយនៅចន្លោះពេលសិក្សាធម្មតា)។ 2