បាទ/ចាស។ តាមឆន្ទានុសិទ្ធិរបស់អ្នក អ្នកអាចនាំយកបុគ្គលមួយចំនួនទៅកាន់កិច្ចប្រជុំនោះបាន ដែលពួកគេមានចំណេះដឹង ឬជំនាញពិសេសពាក់ព័ន្ធនឹងកូនរបស់អ្នក — រួមទាំងអ្នកតស៊ូមតិ មិត្តភក្តិ អ្នកគ្រប់គ្រងករណីនៅមជ្ឈមណ្ឌលក្នុងតំបន់ (អ្នកសម្របសម្រួលសេវាកម្ម) ឬមេធាវីផងដែរ។ មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬមណ្ឌលសិក្សាធិការដែលបានអញ្ជើញបុគ្គលនោះមកចូលរួមកិច្ចប្រជុំ ត្រូវកំណត់ថាតើបុគ្គលនោះមានចំណេះដឹង ឬជំនាញឯកទេសពិសេសដែរឬទេ។ 1
ការសម្រេចចិត្តណាមួយដែលបានធ្វើឡើងពាក់ព័ន្ធនឹងកម្មវិធី IEP ត្រូវតែធ្វើឡើងជាមួយនឹងការយល់ព្រមរបស់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតដែលបានជ្រាបព័ត៌មានពេញលេញ។ អ្នកតស៊ូមតិ ឬអ្នកគ្រប់គ្រងករណី អាចផ្តល់ជំនួយក្នុងកិច្ចដំណើរការនេះបានដោយមានការពន្យល់ពេញលេញទៅដល់អ្នកនូវវិធានការ ឬផលលំបាកនានាដែលត្រូវពិភាក្សា ឬពិចារណា។
- 34 C.F.R. Secs. 300.321(a)(6) & (c); Cal. Ed. Code. Secs. 56341(b)(6) & 56341.1(f).[↩]