កិច្ចប្រជុំកម្មវិធី IEP ត្រូវធ្វើឡើងយ៉ាងតិចម្តងក្នុងមួយឆ្នាំ។ លើសពីនេះទៀត កិច្ចប្រជុំកម្មវិធី IEP ត្រូវតែធ្វើឡើង នៅពេលសិស្សម្នាក់បានទទួលការវាយតម្លៃដំណាក់កាលដំបូង នៅពេលគាត់បង្ហាញឲ្យឃើញពីកង្វះការរីកចម្រើនដែលបានរំពឹងទុក នៅពេលមណ្ឌលសិក្សាធិការកំពុងស្នើសុំបដិសេធសិទ្ធិទទួលបានការអប់រំពិសេស ឬនៅពេលដែល មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត ឬគ្រូបង្រៀនស្នើសុំកិច្ចប្រជុំមួយឡើងដើម្បីអភិវឌ្ឈ ត្រួតពិនិត្យ ឬកែសម្រួលកម្មវិធីអប់រំលក្ខណៈបុគ្គលរបស់សិស្សណាម្នាក់។ កិច្ចប្រជុំកម្មវិធី IEP ក៏អាចធ្វើឡើងផងដែរ នៅរាល់ពេលដែលសិស្សទទួលបានការវាយតម្លៃផ្លូវការថ្មីមួយ។ 1. អ្នកគួរតែស្នើសុំកិច្ចប្រជុំក្រុមការងារកម្មវិធី IEP បន្ទាប់ពីការវាយតម្លៃផ្លូវការថ្មីណាមួយជាលាយលក្ខណ៍អក្សរនៅក្នុងសំណើសុំការវាយតម្លៃរបស់អ្នក ឬក្រោយពេលការវាយតម្លៃថ្មីនីមួយៗបានចប់ ដើម្បីធានាថាកិច្ចប្រជុំកម្មវិធី IEP ត្រូវបានធ្វើឡើងដើម្បីពិភាក្សាអំពីការវាយតម្លៃថ្មីនេះ។ ទាំងច្បាប់រដ្ឋនិងសហព័ន្ធ គ្មានច្បាប់ណាមួយកំណត់ពីចំនួននៃកិច្ចប្រជុំកម្មវិធី IEP ដែលអ្នកអាចនឹងស្នើសុំក្នុងមួយឆ្នាំនោះទេ។
- Cal. Ed. Code Sec. 56343; see also 20 U.S.C. Sec. 1414(d)(4)(A); 34 C.F.R. Sec. 300.324(b).[↩]