(4.50) ប្រសិនបើខ្ញុំដាក់កូនរបស់ខ្ញុំទៅក្នុងសាលាឯកជនណាមួយ តើមណ្ឌលសិក្សាធិការនឹងទូទាត់ប្រាក់សងមកខ្ញុំវិញសម្រាប់ថ្លៃចំណាយទាំងនោះដែរឬទេ? តើមានអ្វីដែលខ្ញុំគួរដឹងជាពិសេសដែរទេ មុនពេលខ្ញុំធ្វើការដាក់បញ្ចុលក្នុងការសិក្សាបែបនោះ?

ប្រសិនបើអ្នកចុះឈ្មោះកូនរបស់អ្នកទៅក្នុងសាលាឯកជនជាឯកតោភាគី (ពោលគឺ ដោយគ្មានការយល់ព្រមរបស់ក្រុមការងារកម្មវិធី IEP ផ្សេងទៀត) នោះអាចទៅរួច (ប៉ុន្តែមិនធានាទេ) ថាអ្នកនឹងទទួលបានការទូទាត់សងមកវិញនូវទឹកប្រាក់ដែលអ្នកបានចំណាយ។ មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតដែលចុះឈ្មោះកូនរបស់ពួកគេនៅក្នុងសាលាឯកជនដោយឯកតោភាគីអាចត្រូវបានទូទាត់សងប្រាក់វិញ ក្នុងករណីដែលតុលាការ ឬមន្ត្រីសវនាការតាមនីតិវិធីត្រឹមត្រូវតាមផ្លូវច្បាប់រកឃើញថាសេវាកម្ម FAPE មិនអាចផ្តល់ជូនតាមវិធីផេ្សងតាមរយៈមណ្ឌលសិក្សាធិការសាលារដ្ឋបាន។ ¹ ដូច្នេះអ្នកប្រហែលជាត្រូវបង្ហាញភស្តុតាងនៅក្នុងសវនាការតាមនីតិវិធីត្រឹមត្រូវតាមផ្លូវច្បាប់ថាកម្មវិធីរបស់មណ្ឌលសិក្សាធិការមិនមានភាពសមស្រប ហើយបញ្ជាក់ថាសាលាឯកជនដែលអ្នកបានជ្រើសរើសគឺមានភាពសមស្រប ដើម្បីទទួលបានប្រាក់ទូទាត់សំណងវិញ។ អ្នកអាចនឹងមានសិទ្ធិទទួលបានការទូទាត់សំណង ទោះបីនោះជាសាលាឯកជនដែលអ្នក “បានដាក់ដោយឪពុកម្ដាយ” ក៏ដោយ នៅក្នុងសេណារីយ៉ូបែបនេះ កូនរបស់អ្នកមិនត្រូវបានរដ្ឋទទួលស្គាល់ទេ។ ²

អ្នកគួរតែផ្តល់ព័ត៌មានទៅដល់ក្រុមការងារកម្មវិធី IEP នៅក្នុងកិច្ចប្រជុំថ្មីៗបំផុតដែលអ្នកមានបំណងបដិសេធការផ្តល់ជូនការដាក់បញ្ចូលកូនអ្នកទៅក្នុងសាលារៀនសាធារណៈ មុនពេលដកយកកូនរបស់អ្នកចេញពីសាលារៀនសាធារណៈ។ ក្នុងកិច្ចប្រជុំដដែលនោះ អ្នកគួរតែបញ្ជាក់ផងដែរអំពីក្តីកង្វល់របស់អ្នក និងបំណងរបស់អ្នកក្នុងការចុះឈ្មោះកូនរបស់អ្នកនៅក្នុងសាលារៀនឯកជន ក្រោមការចំណាយរបស់រដ្ឋ។ បើមិនដូច្នោះទេ អ្នកអាចនឹងត្រូវបានបដិសេធនូវសំណងទូទាត់គ្រប់ចំនួន ឬខ្លះ។ ទោះយ៉ាងណាក៏ដោយ ប្រសិនបើអ្នកមិនផ្តល់ការជូនដំណឹងនៅក្នុងកិច្ចប្រជុំនោះទេ អ្នកត្រូវតែផ្តល់ការជូនដំណឹងជាលាយលក្ខណ៍អក្សរដល់មណ្ឌលសិក្សាធិការ យ៉ាងហោចណាស់ក្នុងរយៈពេល 10 ថ្ងៃធ្វើការ មុនពេលអ្នកដកយកកូនរបស់អ្នកចេញ។ ³

ការទូទាត់សំណងក៏អាចនឹងត្រូវបដិសេធ ឬត្រូវបានកាត់បន្ថយផងដែរ ក្នុងករណីមុនពេលអ្នកដកយកកូនរបស់អ្នកចេញ មណ្ឌលសិក្សាធិការជូនដំណឹងដល់អ្នកអំពីគោលបំណងរបស់ខ្លួនក្នុងការវាយតម្លៃគាត់ឡើងវិញ ហើយអ្នកមិនបានប្រគល់កូនអ្នកសម្រាប់ការវាយតម្លៃនោះឡើងវិញ។ ⁴

ប៉ុន្តែ ការទូទាត់សងវិញមិនត្រូវកាត់បន្ថយ ឬបដិសេធឡើយ ប្រសិនបើហេតុផលដែលអ្នកមិនបានផ្តល់ការជូនដំណឹងចាំបាច់ដូចបានពណ៌នាខាងលើ ទាំងនៅក្នុងកិច្ចប្រជុំកម្មវិធី IEP ចុងក្រោយបំផុត ឬ ជាលាយលក្ខណ៍អក្សរយ៉ាងហោចណាស់ 10 ថ្ងៃនៃថ្ងៃធ្វើការមុនពេលដក ចេញគឺដោយសារតែ៖

វាអាចនឹងនាំមកនូវគ្រោះថ្នាក់រាងកាយដល់កុមារ
សាលារៀនបានរារាំងអ្នកមិនឲ្យផ្តល់សេចក្ដីជូនដំណឹង ឬ
អ្នកមិនបានទទួលសេចក្ដីជូនដំណឹងអំពីសិទ្ធិជាឪពុកម្តាយរបស់អ្នក ដែលអាចនឹងផ្តល់ដំណឹងឲ្យអ្នកជ្រាបអំពីការទទួលខុសត្រូវរបស់អ្នកនៅក្នុងស្ថានភាពនេះ។

ម្យ៉ាងទៀត ប្រសិនបើអ្នកមិនចេះអាន ឬសរសេរភាសាអង់គ្លេសទេ ឬអ្នកមិនបានផ្តល់ការជូនដំណឹងដោយសារតែវាអាចនឹងនាំមកនូវគ្រោះថ្នាក់ផ្នែកផ្លូវចិត្តធ្ងន់ធ្ងរដល់កូនរបស់អ្នក នោះមន្ត្រីសវនាការតាមនីតិវិធីត្រឹមត្រូវតាមផ្លូវច្បាប់ ឬចៅក្រមក៏អាចសម្រេចចិត្តផ្តល់សំណងដល់អ្នកគ្រប់ចំនួន ឬខ្លះបានផងដែរ។ ⁵

លើសពីនេះទៀត ការផ្តល់សំណងអាចត្រូវបានបដិសេធ ឬកាត់បន្ថយ ប្រសិនបើមន្ត្រីតុលាការរកឃើញថាបណ្តឹងណាមួយរបស់អ្នកមិនមានភាពសមហេតុផល។ ⁶ សូមមើល ជំពូក 6 ព័ត៌មានស្តីពីនីតិវិធីត្រឹមត្រូវតាមផ្លូវច្បាប់ /នីតិវិធី។

34 C.F.R. Sec. 300.148(c); Cal. Ed. Code Sec. 56175.[↩]
Florence Cty. Sch. Dist. v. Carter, 510 U.S. 7 (1993); Union Sch. Dist. v. Smith, 15 F.3d 1519 (9th Cir. 1994); 34 C.F.R. Sec. 300.148(c); Cal. Ed. Code Sec. 56175.[↩]
34 C.F.R. Sec. 300.148(d)(1); Cal. Ed. Code Sec. 56176.[↩]
34 C.F.R. Sec. 300.148(d)(2); Cal. Ed. Code Sec. 56176(c).[↩]
34 C.F.R. Sec. 300.148(e); Cal. Ed. Code Sec. 56177.[↩]
34 C.F.R. 300.148(d)(3); Cal. Ed. Code Sec. 56176(d).[↩]