នៅពេលដែលមណ្ឌលសិក្សាធិការហាក់ដូចជាបានរំលោភលើផ្នែកមួយនៃច្បាប់ ឬនីតិវិធីអប់រំពិសេស មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀត បុគ្គល ឬអង្គការអាចដាក់ពាក្យបណ្តឹងទៅក្រសួងអប់រំរដ្ឋកាលីហ្វ័រញ៉ា (CDE) បាន។ ឧទាហរណ៍នៃការរំលោភបំពានរួមមាន៖
- ការមិនបានអនុវត្តកម្មវិធីអប់រំសម្រាប់បុគ្គល (IEP)
- ការមិនបានវាយតម្លៃ ឬបញ្ជូនសិស្សដើម្បីទទួលបានការអប់រំពិសេស។
- ការមិនបានអនុវត្តតាមពេលវេលាសម្រាប់ការវាយតម្លៃនិងការបញ្ជូនបន្ត។
- ការខកខានក្នុងការជូនដំណឹងដល់មាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតអំពីកិច្ចប្រជុំកម្មវិធី IEP ឬ
- ការមិនបានអនុវត្តសេចក្តីសម្រេចចិត្តរបស់សវនាការតាមនីតិវិធីត្រឹមត្រូវតាមផ្លូវច្បាប់ ឬកិច្ចព្រមព្រៀងសម្រុះសម្រួល។
អ្នកស៊ើបអង្កេតរបស់ក្រសួងអប់រំ CDE ធ្វើការស៊ើបអង្កេតអំពីបទចោទប្រកាន់នេះ និងធ្វើការកំណត់ជាលាយលក្ខណ៍អក្សរថាតើមណ្ឌលសិក្សាធិការ “មិនអនុវត្តតាម” ច្បាប់ ឬកម្មវិធី IEP របស់កុមារដែរឬទេ។ បើមណ្ឌលសិក្សាធិការណាមួយត្រូវបានរកឃើញថា “មិនគោរពច្បាប់” មណ្ឌលសិក្សាធិការនោះគប្បីវិលមកអនុវត្តតាមច្បាប់វិញ។ ម្យ៉ាងទៀត CDE អាចបញ្ជាឲ្យមណ្ឌលសិក្សាធិការនោះដាក់ “ផែនការសកម្មភាពកែតម្រូវ” — ដែលជាឯកសារពណ៌នាអំពីជំហានដែលមណ្ឌលសិក្សាធិការបានអនុវត្ត ឬនឹងអនុវត្តដើម្បីធានាថា បញ្ហានោះមិនកើតឡើងម្តងទៀត ព្រមទាំងការកំណត់ពេលវេលាសម្រាប់អនុវត្តជំហានទាំងនោះផងដែរ។ ក្រសួងអប់រំរដ្ឋកាលីហ្វ័រញ៉ា (CDE) ត្រូវអនុម័ត ឬកែប្រែផែនការ។