ទេ! មណ្ឌលសិក្សាធិការមិនត្រូវបានអនុញ្ញាតឲ្យផ្លាស់ប្តូរកន្លែងរៀន ឬក៏សេវាកម្មរបស់សិស្សដែលទទួលបានការអប់រំពិសេស ដោយឯកតោភាគី ដោយមិនចាំបាច់ឆ្លងកាត់នីតិវិធីកម្មវិធីអប់រំសម្រាប់សិស្សម្នាក់ៗ (IEP) និងទទួលបានការយល់ព្រមពីអ្នក។ ទោះយ៉ាងណាក៏ដោយ កាលណាវិវាទកើតឡើងរវាងមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតនិងមណ្ឌលសិក្សាធិការ ពេលខ្លះមណ្ឌលសិក្សាធិការមិនអើពើនឹងកាតព្វកិច្ចរបស់ខ្លួនក្នុងការអនុវត្តកម្មវិធី IEP បច្ចុប្បន្ននោះទេ និងចង់បន្តទៅមុខទៀតជាមួយនឹងការផ្លាស់ប្តូរអ្វីដែលពួកគេចង់បាន។ ក្នុងស្ថានភាពនេះ បើអ្នកមានបំណងដាក់ពាក្យសុំនីតិវិធីត្រឹមត្រូវតាមផ្លូវច្បាប់លើបញ្ហាផ្សេងទៀត អ្នកអាចធ្វើដូច្នោះបាន និងអាចស្នើសុំការិយាល័យសវនាការបញ្ជាឲ្យមណ្ឌលសិក្សាធិការបន្តគោរពកម្មវិធី IEP ក្នុងពេលដំណើរការនេះ។
ទោះយ៉ាងណាក៏ដោយ បើអ្នកពេញចិត្តនឹងកម្មវិធីអប់រំសម្រាប់សិស្សម្នាក់ៗ (IEP) និងមិនចង់ដាក់ពាក្យសុំសវនាការទេ អ្នកគប្បីដាក់ពាក្យបណ្តឹងពីបទអនុលោមភាពទៅក្រសួងអប់រំរដ្ឋកាលីហ្វ័រញ៉ា (CDE) អំពីការមិនបានអនុវត្តតាមកម្មវិធីអប់រំសម្រាប់សិស្សម្នាក់ៗ (IEP)។ អ្នកគួរតែស្នើសុំ CDE បញ្ជាឲ្យមណ្ឌលសិក្សាធិការផ្តល់សេវាកម្មសំណងដល់សេវាកម្មដែលបាត់បង់ ឬក៏បង់ថ្លៃដោយខ្លួនឯងផ្ទាល់នៅក្នុងសេវាកម្មថែទាំឯកជន។1 អ្នកក៏គួរតែស្នើសុំ CDE នូវនីតិវិធី “តាមដានរហ័ស” លើបណ្ដឹងដើម្បីកាត់បន្ថយការរំខានដល់កូនអ្នកឲ្យនៅត្រឹមកម្រិតអប្បបរមា។
- 34 C.F.R. Sec. 300.151(b)(1).[↩]