អ្នកស្នើសុំសវនាការតាមនីតិវិធីត្រឹមត្រូវតាមផ្លូវច្បាប់បន្ទាប់ពីកិច្ចប្រជុំកម្មវិធី IEP៖
- បើអ្នកមិនយល់ស្របនឹងប្រភេទសិទ្ធិទទួលការអប់រំពិសេសលទ្ធផលវាយតម្លៃ កន្លែងរៀន ឬសេវាកម្មដែលមណ្ឌលសិក្សាធិការបានស្នើឡើង ឬ
- កាលណាមណ្ឌលសិក្សាធិការបដិសេធមិនផ្លាស់ប្តូរប្រភេទសិទ្ធិទទួលបានការវាយតម្លៃ កន្លែងរៀន ឬសេវាកម្មសម្រាប់កូនអ្នក ដែលអ្នកជឿថាចាំបាច់។ ឬ
- បើអ្នកនិងមណ្ឌលសិក្សាធិការ មិនយល់ស្របអំពីវត្តមាននៃកម្មវិធីដែលសមស្របសម្រាប់កូនរបស់អ្នក។1
តាមច្បាប់រដ្ឋ សិស្សដែលជាអនីតិជនមិនអាចផ្តួចផ្តើមនីតិវិធីត្រឹមត្រូវតាមផ្លូវច្បាប់បានទេ បើពួកគេមិនត្រូវបាន “ឲ្យរួចពីអាណាព្យាបាល” ឬក៏ជាបាលិត ឬអ្នកនៅក្នុងបន្ទុករបស់តុលាការ (និងក្នុងករណីដែលមាតាបិតា/អាណាព្យាបាល/អ្នកមានសិទ្ធិអប់រំផ្សេងទៀតមិនត្រូវបានកំណត់អត្តសញ្ញាណ ឬរកឃើញ និងគ្មានការតែងតាំងជាឪពុកម្ដាយ ”ជំនួស”)។2
អ្នកត្រូវដាក់បណ្តឹងតាមនីតិវិធីត្រឹមត្រូវតាមផ្លូវច្បាប់ទៅការិយាល័យសវនាការរដ្ឋបាល (OAH) ក្នុងរយៈពេលពីរឆ្នាំគិតចាប់ពីកាលបរិច្ឆេទដែលអ្នកបានដឹង (ឬមានហេតុផលត្រូវដឹង) អំពីអង្គហេតុដែលជាមូលដ្ឋាននៃបណ្តឹងរបស់អ្នក។ ថ្ងៃផុតកំណត់នេះមិនត្រូវបានអនុវត្តទេ បើអ្នកត្រូវបានរារាំងមិនឲ្យដាក់បណ្តឹងពីព្រោះមណ្ឌលសិក្សាធិការ៖
- បានបកស្រាយខុសជូនអ្នកថា ខ្លួនបានដោះស្រាយបញ្ហាដែលអ្នកកំពុងតវ៉ា។ ឬ
- ដកហូតព័ត៌មានពីអ្នកថា ខ្លួនត្រូវច្បាប់តម្រូវឲ្យផ្តល់ព័ត៌មាន។3
អ្នកអាចស្វែងយល់ ពីរបៀបដាក់ពាក្យបណ្តឹងជាលាយលក្ខណ៍អក្សររបស់អ្នកតាមអនឡាញនៅ៖https://www.dgs.ca.gov/OAH/Services/Page-Content/Office-of-Administrative-Hearings-Services-List-Folder/File-or-Upload-OAH-Case-Documents
ជាជម្រើស អ្នកអាចផ្ញើពាក្យបណ្តឹងជាលាយលក្ខណ៍អក្សររបស់អ្នកទៅកាន់៖
ការិយាល័យសវនាការរដ្ឋបាល
ផ្នែកអប់រំពិសេស
2349 Gateway Oaks Drive
Sacramento, CA 95833
ទូរសារ៖ (916) 376-6319
ទូរសព្ទ៖ (916) 263-0880