បើបណ្តឹងរបស់អ្នកមិនឆ្លើយតបនឹងមូលហេតុនៃអន្តរាគមន៍ដោយផ្ទាល់ដោយរដ្ឋពី CDE ទេ អ្នកគួរតែបញ្ជូនពាក្យបណ្តឹងនេះទៅប្រធាននាយកមណ្ឌលសិក្សាធិការ ឬក៏នាយកទទួលបន្ទុកផ្នែកអប់រំពិសេស។1
មណ្ឌលសិក្សាធិការនីមួយៗត្រូវមានគោលការណ៍ និងនីតិវិធីនៃការស៊ើបអង្កេតលើបណ្តឹងរបស់ខ្លួនផ្ទាល់ដែលក្រុមប្រឹក្សាអប់រំបានអនុម័ត។ ត្រូវស្នើសុំនីតិវិធីស៊ើបអង្កេតបណ្តឹងរបស់មណ្ឌលសិក្សាធិការមួយច្បាប់មុននឹងអ្នកដាក់បណ្តឹងនោះ។
អ្នកគប្បីរៀបរាប់ឲ្យបានពេញលេញអំពីស្ថានភាពរបស់អ្នករួមទាំងផ្នែកនៃច្បាប់ដែលត្រូវបានរំលោភបំពាន។ អ្នកប្រហែលជាមិនដឹងអំពីផ្នែកជាក់លាក់នៃច្បាប់ដែលត្រូវរំលោភបំពាន។ បើអ្នកពណ៌នាពីស្ថានភាពនេះឲ្យបានគ្រប់គ្រាន់ មណ្ឌលសិក្សាធិការគួរតែផ្គូផ្គងផ្នែកត្រឹមត្រូវជាមួយនឹងស្ថានភាពជាក់លាក់របស់អ្នក។ បើកម្មវិធី IEP របស់កូនអ្នក ឬឯកសារផ្សេងទៀតមានទំនាក់ទំនងទៅនឹងបណ្តឹងរបស់អ្នក អ្នកគប្បីភ្ជាប់កម្មវិធី ឬឯកសារទាំងនោះមកជាមួយផង។
ប្រសិនបើពាក្យបណ្តឹងរបស់អ្នកទាក់ទងនឹងការរើសអើង ការបៀតបៀន ការបំភិតបំភ័យ ឬការសម្លុតធ្វើបាប អ្នកត្រូវដាក់បណ្តឹងក្នុងរយៈពេលប្រាំមួយខែគិតចាប់ពីកាលបរិច្ឆេទដែលទង្វើទាំងនោះបានកើតឡើង ឬក៏ចាប់ពីកាលបរិច្ឆេទដែលអ្នកបានដឹងពីដំបូងអំពីការរើសអើង ការបៀតបៀន ការបំភិតបំភ័យ ឬការគំរាមកំហែងនោះ។ ប្រធាននាយកមណ្ឌលសិក្សាធិការអាចពន្យារពេលប្រាំមួយខែនេះ ប្រសិនបើអ្នកស្នើសុំឲ្យមានការបន្តពេលជាលាយលក្ខណ៍អក្សរ។2