មណ្ឌលសិក្សាធិការភាគច្រើនដឹង និងគោរពតាមការផ្តល់នូវស្ថានភាពដដែល។ ទោះយ៉ាងណាក៏ដោយ ក្នុងប៉ុន្មានឆ្នាំថ្មីៗនេះ ជម្លោះអំពីស្ថានភាពដដែលបានក្លាយជារឿងធម្មតា។ មានជម្រើសជំនួសជាច្រើនដែលអាចជួយអ្នកអនុវត្តសិទ្ធិ “រក្សាស្ថានភាពដដែល” របស់អ្នក៖
- ដូចនៅក្នុងអន្តរកម្មអំពីនីតិវិធីអប់រំពិសេស អ្នកគប្បីឲ្យមណ្ឌលសិក្សាធិការ ដឹងថាអ្នកដឹងអំពីសិទ្ធិរបស់អ្នក។ សកម្មភាពដ៏សាមញ្ញនេះធ្វើឲ្យមណ្ឌលសិក្សាធិការ កត់សំគាល់ថា អ្នករំពឹងថាពួកគេនឹងទទួលខុសត្រូវស្របតាមច្បាប់សហព័ន្ធនិងរដ្ឋ។ ដូច្នេះ អ្នកអាចរាប់បញ្ចូលសេចក្ដីថ្លែងនៅក្នុងសំណើសុំសវនាការរបស់អ្នក (សេចក្តីថ្លែងមួយច្បាប់នឹងត្រូវបានផ្ញើទៅមណ្ឌលសិក្សាធិការ) ដែលស្នើសុំមណ្ឌលសិក្សាធិការឲ្យបញ្ជាក់អំពីសិទ្ធិរបស់កូនអ្នកក្នុងការបន្តរក្សាកន្លែងរៀន និង/ឬសេវាកម្មបច្ចុប្បន្នរបស់គាត់។ បើមណ្ឌលសិក្សាធិការមិនឆ្លើយតបក្នុងរយៈពេលប្រាំថ្ងៃ ឬបដិសេធមិនគោរពសិទ្ធិ “រក្សាស្ថានភាពដដែល” របស់អ្នកទេ នោះអ្នកប្រហែលជាចង់ប្រើជម្រើស (2) ឬ (3) ខាងក្រោម។
- អ្នកអាចដាក់ពាក្យបណ្តឹងពីបទអនុលោមភាពទៅ CDE បាន។ ដោយសារសកម្មភាពរបស់ក្រសួងអប់រំរដ្ឋកាលីហ្វ័រញ៉ា (CDE) អាចចំណាយពេលយូរពេកដើម្បីជាជំនួយ អ្នកអាចទូរសព្ទទៅការិយាល័យធានាគុណភាពដើម្បីស្នើសុំការស៊ើបអង្កេតឲ្យបានលឿន ឬហៅទូរស័ព្ទទៅមណ្ឌលសិក្សាធិការដោយផ្ទាល់។ ទោះយ៉ាងណាក៏ដោយ ក្រសួងអប់រំរដ្ឋកាលីហ្វ័រញ៉ា (CDE) មានឆន្ទានុសិទ្ធិយល់ព្រម ឬបដិសេធនីតិវិធីដែលលឿន។
- កាលណាអ្នកស្នើសុំនីតិវិធីត្រឹមត្រូវតាមផ្លូវច្បាប់ អ្នកអាចដាក់ញត្តិបន្ទាន់មួយដើម្បីស្នើសុំទៅការិយាល័យសវនាការរដ្ឋបាល (OAH) ដើម្បីសម្រេចលើសំណើ “ស្ថិតក្នុងស្ថានភាពដដែល” របស់អ្នក។ ដើម្បីដាក់ញត្តិ សូមសរសេរលិខិតដែលបញ្ជាក់អំពីសំណើរបស់អ្នក និងមូលហេតុដែលអ្នកគិតថា ការផ្តល់ “ការរក្សាស្ថានភាពដដែល” គួរអនុវត្តចំពោះស្ថានភាពរបស់កូនអ្នក។ ចៅក្រមផ្នែកច្បាប់រដ្ឋបាល (ALJ) នឹងពិនិត្យឡើងវិញនូវព័ត៌មាននេះ និងចេញសេចក្តីបង្គាប់ដោយទទួល ឬបដិសេធសំណើរបស់អ្នក។ សូមមើល កថាខណ្ឌគំរូ - សំណើសុំនីតិវិធីត្រឹមត្រូវតាមផ្លូវច្បាប់ដើម្បីរក្សាស្ថានភាពដដែល ផ្នែកឧបសម្ព័ន្ធ – ឧបសម្ព័ន្ធ M។